Men det er mange som ventar i det lengste før dei tar allergimedisin. Astma- og Allergiforbundet meiner dei som er allergisk mot or og hassel burde ha starta for lenge sidan.
– Det beste rådet eg kan gje er å ta medisinen du har fått av legen i god tid før pollensesongen startar, seier Kjetil Tornes ved Vitusapoteket.
Daglege pollenvarsel
Det første pollenvarselet i år blei registrert på skotårsdagen 29. februar i Oslo-området. Det er tolv stasjonar rundt om i landet som registrerer pollen gjennom sesongen.
– Dei er sett opp der det bur mest folk, seier Eli Mathea Olsen, regionsekretær i Astma- og Allergiforbundet.
Og det er dagleg pollenvarsel på nettsidene til Astma og Allergiforbundet. Dei næraste dagane er det meldt om kraftig pollenspreiing frå or i Oslo og Austlandsområdet. Mens det er beskjeden spreiing av pollen frå Hassel.
– Det er fare for at bjørka kjem tidleg i år, seier Olsen.
(Artikkelen fortset under biletet)
Regionsekretær i Astma- og Allergiforbundet, Eli Mathea Olsen, meiner folk ventar for lenge før dei tar allergimedisin.
Foto: Ragnar Lurås / NRKHeile kroppen reagerer
Symptoma på pollenallergi er blant anna rennande nese og kløe. Augo blir raude, og det svir og renner.
– Heile kroppen reagerer på allergien. Du blir trøytt og slapp.
Olsen seier at mange ventar lenge før dei går til legen for å bli testa for allergi. Men ho meiner at dersom du merkar plager og symptomer på same tida kvart år, så bør du vurdere å gå til lege.
– Medisiner helbreder ikkje, men dei reduserer plagene, seier Olsen.
Apoteka merkar auke i salet
Og det er viktig å bruke medisin jamnleg gjennom heile sesongen.
– Det er også viktig å starte tidleg med medisinene, for det tar nokre dagar før du oppnår full effekt.
Ein ringerunde rundt til apoteka viser at også dei merkar at allergisesongen er igang. Det er oppgang i salet av allergimedisin dei siste to vekene.
– Men dei fleste ventar til dei har gått med plagene nokre dagar før dei går til apoteket. Dei som er føre var og handlar medisiner tidleg er dei som er mest plaga med allergi, seier Kjetil Tornes ved Vitusapoteket på Herkules i Skien.
(Artikkelen fortset under biletet)
Kjetil Tornes i Vitusapoteket seier at plagene med å ta allergimedisin er kraftig redusert.
Foto: Ragnar Lurås / NRKFørste allergireaksjon om våren
Han synest det er synd at folk som er friske ellers i året må ta ut ein dag eller to i sjukemelding på våren fordi dei blir utslått av pollenallergi.
– Plagene ved å ta allergimedisin er blitt kraftig redusert dei siste tretti åra. Folk som tar medisin merkar i mykje mindre grad at dei blir trøtte eller tørre i munnen.
Tornes seier at ungar i 8-10 års alderen merkar dei første symtoma på om dei har allergi no om våren.
– Viss foreldrene merkar at ungene har raude, sviande og rennande auge, kløe og utslett i andletet så bør dei gå til lege med ungane for å ta blodprøve, slik at dei kan bli testa for allergi, seier Tornes.
