NRK Meny
Normal

– Meld frå om påkøyrsel

PORSGRUNN (NRK): Ifølgje fagpersonar er det alt for mange bilistar som køyrer frå skadde dyr utan å melde frå. I fjor vart over 4000 rådyr skadd av påkøyring her i landet.

Rådyr påkjørt på innfartsvegen i Ålesund

SKADD: 4300 rådyr vart rapportar inn etter påkøyring i fjor.

Foto: Ivar Lid Riise / NRK

– Dyret er i nærleiken her, seier Nils-Petter Ødegaard.

Han er i dag ute med sporhunden sin for å ettersøke eit skadd rådyr. Han har akkurat funne spor etter dyret og hunden er veldig ivrig no.

I dette tilfellet har nokon observert det skadde dyret og varsla kommunen. Det er dei som har sendt ut Ødegaard.

– Eg skulle ønske folk var like flinke til å varsle nå dei køyrde på dyret sjølv, seier Ødegaard.

4300 rådyr vart rapportar inn etter påkøyring i fjor. Det reelle talet er mykje høgare fordi mange let vere å melde frå.

– Å køyre på eit dyr er ikkje eit lovbrot, men om du ikkje melder ifrå bryt du lova, seier Ødegaard.

Nils-Petter Ødegaard

FRIVILLIG: Nils-Petter Ødegaard er ein av mange frivillige som driv med ettersøk.

Foto: Martin Torstveit / NRK

Slepp å lide

I fjor vart nesten 9000 hjortevilt rapporterte etter påkøyring her i landet, og rådyr utgjer den absolutt største gruppa.

Sverre Siljan er leiar for ettersøkingsarbeidet i Porsgrunn. Han er einig med Ødegaard og dei oppmodar no bilistar til å melde frå når uhellet skjer, slik at dyr slepp å li unødig.

– Det er så enkelt som å melde frå til politiet, også melder dei vidare til oss, seier Siljan.

Siljan seier det ikkje skal stå på innsatsen frå dei som driv ettersøking.

– Me har aldri vore meir profesjonelle enn det me er no, også er me jo heldige som har mange frivillige som også er klare til å stille opp, seier Siljan.

  • Perlen ute av drift

    Kragerø Fjordbåtselskap sin snøggbåt «Perlen» er ute av drift. Årsaka er motorhavari, skriv Kragerø Blad/Vestmar. Fjordbåtselskapet leiger inn taxibåt i den tida «Perlen» er ute av drift.

    Hurtigbåten Perlen
    Foto: Stian Wåsjø Simonsen / NRK
  • Erstatningskrav etter straumbrot

    Skagerak Energi reknar med å få ei rekke erstatningskrav etter straumbrota denne veka. Det seier kommunikasjonssjef Thor Bjørn Omnes. Folk som har vore straumlause i tolv timar eller meir har krav om minst 600 kroner. På det meste har fleire tusen husstandar i Grenland vore utan straum.

  • Alle får straum i dag

    Skagerak Energi reknar med å rette alle kjende feil i løpet av dagen. Det seier kommunikasjonssjef Thor Bjørn Omnes. Omnes tek atterhald om at det kan vere feil i hus eller hytter som nettselskapet ikkje er kjent med.

    Thor Bjørn Omnes.
    Foto: Anne Lognvik / NRK
  • Vil bygge hotell for kinesarar

    Selskapet Telemarksgata 11 vil byggje hotell med 150 rom i tilknyting til Ibsenhuset i Skien, skriv TA. Selskapet trur det kjem mange ibsen-turistar frå Kina når det nye biblioteket og besøkssenteret står ferdig.