- Ja til sexy antrekk i idrett

Det kan bli nytt moteshow på tennisbana i French Open på fredag. Med gårsdagens siger over spanske Santonja er Venus Williams vidare til tredje runde.

Venus Williams

Venus Williams har lyst til å spele med blondar

Foto: PATRICK KOVARIK / Afp

Det var ikkje berre Venus Williams sine sterke servar på 128 km/t som fekk publikum til å måpe under gårsdagens kamp mot spanske Arantxa Parra Santonja (6-3, 6-3).

Venus Williams

Venus Williams luftar sin bakerste del i 2. runde-kampen i Paris

Foto: REGIS DUVIGNAU / Reuters

Iført ein Moulin Rouge-inspirert korsett med matchande smykker, slo den amerikanske tennisstjerna seg lett vidare til tredje runde i French Open.

– Kleda eg spelar i representerer min personlegdom på bana, sa Venus Williams i ein pressekonferanse etter gårsdagens siger.

– Eg har lenge hatt lyst til spele med blonder. Det har aldri blitt gjort før, la ho til.

– Kle på deg

Hudfarga truser, blondekjolar og glitrande tilbehøyr. Det er Williams sjølv som designar kleda ho har på seg under kampane.

Meir sexy antrekk i idretten er noko ho lenge har fronta. Årets French Open er langt ifrå første turnering der dei minimale kreasjonane til Williams blir eit heitt tema.

Venus Williams

Her frå turneringa i Madrid tidlegare i mai

Foto: Dani Pozo / Afp

Under same turnering i 2001 retta dåverande verdseinar Marina Hingis krass kritikk mot klesvalet til Williams.

- Eg kunne aldri ha kledd meg i ei slik drakt. Min jobb er å
spele tennis, ikkje å vise fram kroppen min, sa Hingis til den engelske avisa The Sun.

Hingis reagerte særleg på den dristige overdelen som viste mykje av Venus sitt brystparti.

Gløymte ikkje trusa

Venus Williams

Hudfarga truse skapte bølgjer i Australian Open

Foto: GREG WOOD, Greg Wood / AFP

Men kritikken sat ikkje ein stoppar for Williams sine klesstunt.

Under Australian Open i vinter var det tid for å vise enda meir hud. Williams i hudfarga undertøy fekk tilskodarane til å gni seg i augo. Ryktene gjekk om tennisspelaren som spelte i berre nettoen.

– Det handlar om ein illusjon. Ein illusjon av nakenheit, seier 28-åringen om det litt spesielle undertøyet som også er ein del av outfiten i årets French Open.

– Eg ønsker å utfordre meg sjølv, både som designar og som idrettsutøvar, legg ho til.

Nye sprell på fredag?

Venus Williams er seeda som nummer to i turneringa, bak veslesyster Serena Williams.

Fredag møter ho slovakiske Dominika Cibulkova i tredje runde av French Open.
Då er det truleg nye kostymesprell i vente.

Siste nytt

  • Ruud sleit seg til siger

    Casper Ruud måtte slite lenge mot Mario Vilella Martinez i tennisturneringa i alpinbyen Kitzbühel onsdag.

    I første sett låg han under med 1-4, men reiste seg og vann 7-5.

    I det andre braut Martinez Ruuds siste servegame, og vann 7-5.

    Dermed måtte det eit tredje sett til, og der braut Ruud allereie i første game. Deretter held begge sine servegame, og Ruud vann 6-4.

    Martinez kom med i turneringa som lucky loser, og som er rangert som nummer 167 i verda. Ruud er førsteseeda i turneringa i Kitzbühel.

    Dei to spelarane måtte vente i nesten to og ein halv time før kampen kunne kome i gang. Årsaka var heftig regnver.

    I kvartfinalen møter Ruud svensken Mikael Ymer.

    Casper Ruud
    Foto: Valentin Flauraud / AFP
  • Brentford heldt United til 2-2

    Nyopprykka Brentford utlikna to gonger og greidde 2-2 i treningskampen mot Manchester United på Old Trafford. Andreas Pereira og Anthony Elanga scora for United, Shandon Baptiste og Bryan Mbeumo for Brentford.

    Kristoffer Ajer var ikkje i Brentfords tropp, og han må derfor vente på sin debut for London-klubben etter overgangen frå Celtic.

    Brentford-ManUtd
    Foto: Paul Ellis / AFP
  • Ruud endeleg i gang

    Casper Ruud er endeleg i gang med 2.-rundekampen mot Mario Vilella Martinez.

    Kampen skulle starta klokka 18.30, men blei utsett i nærmare to og ein halv time på grunn av regn. Det var ei stund usikkert om det bille bli spel i kveld.

    Britain Wimbledon Tennis
    Foto: Alberto Pezzali / AP

Sendeplan

Kl. Program Kanal