Warholm må truleg droppe løp etter krampetrøbbel: – Tar ingen sjansar

Karsten Warholm slit framleis etter den kraftige muskelkrampa han fekk etter å ha sprunge inn til ny europarekord under Bislett Games. No må han truleg droppe å reise til stemnet i Tsjekkia på torsdag.

Bislett Games 2019

REKORD: Karsten Warholm jublar etter nye europarekord på Bislett Games.

Foto: Ryan Kelly / NTB scanpix

– Det er framleis litt ømt. Så eg trenar moderat og det blir nok nokon dagar til eg kan trene med maksimal styrke, seier den ferske europarekordhaldaren til NRK.

23-åringen frå Ulsteinvik imponerte, då han under Bislett Games torsdag, sprang inn til ny europarekord på 400 meter hekk. Med tida 47,33 slo han franske Stéphane Diagana sin gamle rekord frå 1995.

Men på veg ut av stadion fall Warholm om og fekk eit kraftig krampeanfall i foten. I fleire minutt vart han liggande i trappa og skrike av smerte.

KRAMPE: 23-åringen fall om etter eit kraftig krampeanfall i foten.

– Krampe, krampe. Kor er Leif henne?, ropte Warholm, medan Bislett-general Steinar Hoen kom løpande til for å hjelpe.

Må droppe rekordforsøk i Tsjekkia

NRK møtte hekkeløparen under borna sin «Bislettdag» på søndag. Her vart det berre lett jogg saman med sine unge fans. Det har nemleg ikkje vore mogeleg å trene for fult etter rekordløpet.

Det betyr at Warholm mest sannsynleg også må droppe å reise til Tsjekkia og Ostrava Golden Spikes. Her skulle han etter planen springe 400 meter flatt på kommande torsdag.

– Det blir nok vanskeleg å få til og det blir nok litt tidleg å ta sjansen på det. Eg må reise på tysdag, og trur ikkje at eg blir hundre prosent til det. Eg har veldig lyst å springe der, men tek ingen sjansar.

I Tsjekkia hadde nemleg 23-åringen plan om å forbetre sin norske rekord på 44.87 på 400 meter flatt.

– Eg føler ikkje den er representativ for det nivået eg held, seier han sjølvsikkert.

– Trudde eg måtte amputere foten

Trass at han no må droppe rekordforsøket og at han ikkje får trene for fult, så avdramatiserer Warholm sjølv situasjonen.

Karsten Warholm

HELT: Ingen tvil om kven som var den store stjerna under borna sin «Bislettdag».

Foto: Lokman Ghorbani / NRK

– Det er typisk sånn krampe som man får etter at man har tatt seg ut ganske bra. Det er berre ein reaksjon på at musklane er slitne. Men det er veldig vondt.

Eg hugsa første gong eg hadde det. Leif berre lo, men eg trudde eg måtte amputere heile foten, seier han og ler.

Sjølv reknar han med å vere i full gang att med trening i løpet av den kommande veka. Og med VM i Doha i Qatar i september og oktober som det store målet, er han glad det berre var krampe, etter superløpet på Bislett.

– Eg er berre veldig glad det ikkje er ein ordentleg skade. No må eg berre la den greia få heale seg. Løpet på Bislett var uansett verd det, sjølv om det kom ei krampe på kjøpet.

Siste nytt

  • Storseier til Manchester United

    Ole Gunnar Solskjærs mannskap ble altfor sterke for «norskeklubben» AZ Alkmaar på Old Trafford. Kampen endte 4-0. Ashley Young og Juan Mata (straffe) scoret ett mål hver, mens Mason Greenwood gjorde to. Alle målene kom i løpet av en 20 minutters periode i andre omgang. Begge lagene var videre til 16-delsfinaler i Europaligaen før kveldens oppgjør, men Fredrik Midtsjø må stå over neste kamp for AZ Alkmaar etter sitt tredje gule kort i gruppespillet.

    Europa League - Group L - Manchester United v AZ Alkmaar
    Foto: Jon Super / Reuters
  • Uavgjort for RBK i Nederland

    Pål André Hellands scoring etter 22 minutter borte mot PSV Eindhoven sørget for at Rosenborg ikke går poengløse ut av høstens Europaliga. Det ene poenget hindrer likevel ikke at trønderne ender sist i gruppe D. PSV Eindhovens utlikningsmål i andre omgang ble scoret av Mohammed Ihattaren. Heller ikke Eindhoven går videre fra gruppespillet. Rosenborg har ikke vunnet en gruppespillkamp i Europa siden 28.9.2017.

    I gruppe B slo Malmø FC København med 1-0. Dermed går begge lag videre fra gruppespillet.

    Netherlands Soccer Europa League
    Foto: Peter Dejong / AP
  • VIF forlenger med Deila

    Ronny Deila signerte i ettermiddag en ny kontrakt med Vålerenga, som gjør ham til trener de neste tre sesongene. Det skriver VG. Klubben mener at 44-åringen er rett mann til å ta Vålerenga videre, til tross for tidenes dårligste høstsesong.

    Ronny Deila og Vålerenga er inne i en dårlig periode
    Foto: Heiko Junge / NTB scanpix

Sendeplan

Kl. Program Kanal