NRK Meny
Normal

OL-vraka Sagen: – Skal heie fram venninnene

SOTSJI/OSLO (NRK.no): Anette Sagen skulle så gjerne ha hoppa i Sotsji, men blei vraka frå den norske troppen. Tysdag landa ho i OL-byen som turist.

Anette Sagen

Her er Anette Sagen på flyplassen i Sotsji. Ho skulle svært gjerne vore ein av utøvarane som hoppa i OL, men gler seg no til å følgje OL og tidenes første hopprenn for kvinner i OL-samanheng.

Foto: Henrik Myhr Nielsen / NRK

Anette Sagen

Slik skulle Anette Sagen gjerne, så gjerne ha stilt i Sotsji.

Foto: Olsen, Geir / NTB scanpix

– Først og fremst skulle eg gjerne ha vore på toppen med ski på beina sjølv, men slik blei det ikkje, seier Anette Sagen til NRK.

Ho opna hoppkarrieren sin i Hoppveka for kvinner i 2000, og har gjennom heile karrieren vore ein forkjempar for kvinnene i hoppsporten.

Fekk den tunge meldinga i januar

I 2011 bestemte endeleg IOC, etter press frå mellom andre Sagen, at kvinnene skulle få hoppe i Sotsji i 2014.

– Eg er sjølvsagt veldig fornøgd. No har vi alt vi ønskjer oss, sa ho 6. april 2011.

Ho har sett fram til å kunne delta i OL, men i januar blei det klart at Sagen sjølv ikkje fekk plass på det norske laget.

– Det er enkelt og greitt fordi resultata hennar tilseier at ho ikkje er kvalifisert til OL. Då må det bli slik dessverre, sa hoppsjef Clas Brede Bråthen til NRK 20. januar.

Anette Sagen

Skihopparen frå Mosjøen landa i Sotsji som turist tysdag.

Foto: Henrik Myhr Nielsen / NRK

Invitert med som heidersgjest

29-åringen frå Mosjøen fekk derimot reise til OL i Sotsji likevel.

– Ein særskild gest overfor ein pioner i kvinnehopp, sa generalsekretær i Norges Idrettsforbund, Inge Andersen, då det blei klart at Sagen skulle reise som gjest.

Tysdag landa nordlendingen i Russland og Sotsji. No gler ho seg til hopprennet i kveld.

– Eg gler meg enormt til å sjå, eg trur det blir ein kjempekonkurranse. I tillegg var det ein positiv siste treningsdag for dei norske jentene, så vi kryssar alt vi har, opnar Sagen.

Maren Lundby, Helena Olsson Smeby, Line Jahr og Gyda Enger skal hoppe for Noreg i tidenes første kvinnehopprenn i OL-samanheng.

– Det er litt kjipt

Ho gler seg til å sjå mykje god idrett under OL, men prøver ikkje å legge skjul på vonbrotet over å ikkje delta sjølv.

– Det er litt kjipt akkurat no, og det blir sikkert endå kjipare når eg står oppi bakken. Men eg likar godt å sjå skihopping, så eg får gjere det beste ut av dette og heie på venninnene mine som hoppar i dag.

Anette Sagen

Anette Sagen er klar for nye hopprenn etter OL. I Sotsji er ho derimot berre tilskodar.

Foto: Bendiksby, Terje / NTB scanpix

Sagen trur derimot ikkje at nokon av dei norske vil stå heilt øvst på pallen.

– Eg tippar Sara Takanashi vinn, knapt framfor Daniela Iraschko-Stolz, fortel ho.

OL-hopping er ikkje siste steget

Sjølv om kvinnene no får hoppe i dei olympiske leikane, meiner derimot Sagen at det framleis er ein veg å gå.

– Det er framleis mykje å ta tak i. På sikt, i dei neste OLa, bør vi ha både mixteam, team og stor bakke. Det bør bli meir stor bakke i verdscup og i VM, og på lenger sikt kan Hoppveka vere ein milepæl, meiner Sagen.

No gler ho seg til konkurransen tysdag kveld, men ho skal òg følgje mykje anna i løpet av dei neste vekene.

– Ishockey er ikkje det eg har sett mest av i mitt liv, så det blir spennande. Så blir det skiskyting, langrenn og alpint, det gler eg meg til, avsluttar Sagen.

Beklager, vi kunne ikke vise innholdet.
Se «Hopp kvinner, normalbakke» i nytt vindu

Siste nytt

  • Zuccas nye sjef klar

    51 år gamle David Quinn er ansatt som ny trener for Mats Zuccarellos NHL-klubb New York Rangers. Quinn kommer fra trenerjobben til Boston University. Quinn erstatter Alain Vigneault. Han fikk sparken bare timer etter at New York Rangers ikke tok seg til NHL-sluttspillet for første gang siden 2010.

    Mats Zuccarello Aasen
    Foto: Elsa / Getty Images
  • Ancelotti blir Napoli-trener

    Carlo Ancelotti (58) har skrevet under en treårskontrakt som trener for serie A-klubben Napoli. Ancelotti fikk sparken i Bayern München sist høst. Han erstatter Maurizio Sarri som ledet Napoli til andreplass bak Juventus. Sarri skal være aktuell som ny trener i både Chelsea og Zenit St. Petersburg.

    SOCCER-ITALY-NAP/
    Foto: Charles Platiau / Reuters
  • Viviani med sin fjerde seier

    Elia Viviani tok sin fjerde etappeseier under Giro d'Italia onsdag. Han er dermed den første italieneren på fire år til å vinne fire etapper i én og samme utgave av Giro d'Italia.

    Alle sammenlagtfavorittene kom seg helskinnet til mål, og Simon Yates er fortsatt mannen som innehar den rosa ledertrøya etter den 17. etappen over 155 kilometer fra Riva del Garda til Iseo.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal