NRK Meny
Normal

Ber NFF styre unna Marokko: – FIFA driv utanrikspolitikk i strid med FN

Den norske støttekomiteen for Vest-Sahara ber Norges Fotballforbund halde seg langt unna å røyste på Marokko som vertsland for VM 2026.

Marokkos VM-søknad 2026

STYR UNNA: NFF bør ikkje støtte Marokkos søknad når både dei og FIFA ser heilt bort frå Vest-Sahara-spørsmålet, meiner støttekomiteen for Vest-Sahara

Foto: Abdeljalil Bounhar / AP

– FIFA har evaluert Marokkos søknad fullstendig utan å nemne Vest-Sahara. FIFA har til og med late vere å trekkje opp Marokkos grense mot området, skriv den norske støttekomiteen for Vest-Sahara.

FIFA-kongressen skal onsdag velje arrangør av fotball-VM om to år: Marokko eller eit felles bod frå Mexico, USA og Canada, kalla United 2026. Det kan bli ei avrøysting med storpolitiske undertonar.

Generalsekretær Erik Hagen i støttekomiteen er svært skuffa over at FIFAs evalueringsutval ikkje har nemnt Vest-Sahara-konflikten med eit ord.

– FIFAs vurdering inneheld ikkje eit ord om at Marokko okkuperer eit område på storleik med Noreg. Det går så langt at FIFA-rapporten inkluderer dette territoriet i dei marokkanske karta, seier Hagen til NRK.

– Det verkar som om FIFA driv utanrikspolitikk som er i strid med FN.

– Bestemmer oss like før kongressen

Erik Hagen, leder i Støttekomiteen for Vest-Sahara

MISNØGD MED FIFA: – FIFA driv utanrikspolitikk i strid med FN, meiner leiaren i støttegruppa for Vest-Sahara, Erik Hagen

Foto: Pressefoto

Han seier at han er godt nøgd med svaret frå NFF.

– Dei seier at menneskerettar er noko dei tek veldig seriøst. Det er fint, for då har dei ikkje anna val enn å røyste for Nord-Amerika, seier Hagen.

Fotballpresident Terje Svendsen seier at dei to norske utsendingane til kongressen ikkje har bestemt seg enno.

– Det gjer vi like før kongressen, for det kjem ofte ny informasjon heilt til slutt, seier NFF-president Terje Svendsen til NRK.

– Men i presentasjonane kom det fram viktige spørsmål som menneskerettar og tilhøve for arbeidarane, og det kjem vi til å legge vekt på, lovar han.

– Stem på oss, ikkje på Trump

Carlos Cordeiro

FOTBALL, IKKJE POLITIKK: – Stem på oss, ikkje på Trump, seier den amerikanske organisasjonsleiaren Carlos Cordeiro

Foto: Rebecca Blackwell / AP

Også United 2026 har sitt å slite med politisk. Som president Donald Trumps popularitet – eller manglande popularitet – verda over.

– Stem på oss, ikkje på Trump, sa generalsekretæren for organisasjonen bak bodet frå USA, Canada og Mexico, Carlos Cordeiro, til pressa i Moskva i går. – Vi snakkar ikkje om verdspolitikk, men om fotball, la han til.

– Eg fryktar ei røysting med politisk press, sa leiaren for Marokkos søkjarkomité.

United 2026 har fått klart best score av FIFAs evalueringskomité: 4,0 på ein skala frå 0 til 5. Marokko har fått 2,7.

Heile kongressen skal røyste

Vest-Saharas flagg

OKKUPERT: Eit medlem av fridomsrørsla Polisario Front viser det vest-sahariske flagget

Foto: Sidali Djarboub / AP

Men Marokko scorar høgast på eitt punkt: Statlege garantiar og finansiering. President Trump blir rekna som så uføreseieleg at FIFA ikkje vågar å lite på statsgarantiar.

Nytt av året er også at det er heile FIFA-kongressen, med 209 medlemmer, som skal avgjere kvar VM skal haldast. Tidlegare har det berre vore styret med sine 24 medlemmer.

Hovudskilnadene på dei to boda er at i Amerika er alle arenaer og all infrastruktur så godt som på plass allereie. Men avstandane er enorme. I Marokko må nesten alt byggjast opp, men der er avstandane korte.

VM i 2026 skal også omfatte 48 lag, mot 32 i årets VM.

Siste nytt

  • Grei trekning for Lillestrøm

    Arne Erlandsen og Lillestrøm unngikk storkanonene i 2. kvalifiseringsrunde til Europaligaen. Kanarifuglene skal ut mot østerrikske LASK Linz. Lillestrøm spiller bortekamp 26. juli, mens returoppgjøret på Åråsen går 2. august.

    Lillestrøm-trener Arne Erlandsen
    Foto: NRK
  • Burchnall tar over Østersund

    Tidligere Viking-trener Ian Burchnall tar over Østersund. Klubben jakter fortsatt etter ny hovedtrener, og Burchnall har fått det midlertidige ansvaret.

    Burchnall tar over etter Graham Potter, som nylig ble presentert i Swansea.

    Ian Burchnall
    Foto: Carina Johansen / NTB scanpix
  • Ruud røk ut i Slovakia

    Med 0-2-tap mot Sergio Gutiérrez-Ferrol, er Casper Ruud ute allerede i andre runde av ATP-challenger-turneringen i Slovakia.

    Gutiérrez-Ferrol vant med settsifrene 6-4, 6–1.

    ruud
    Foto: Christophe Archambault / AFP

Sendeplan

Kl. Program Kanal
FIFA Fotball-VM 2018: Uruguay - Saudi-Arabia
FIFA Fotball-VM 2018: Iran - Spania