VM i fare for Dario Cologna: I beste fall går han berre femmila

Sveitsaren Dario Cologna har fått smerter i ryggen, og kan bli nøydd til å droppe VM.

Dario Cologna

VM I FARE: Dario Cologna har slått opp ein gammal skade og risikere å miste heile VM

Foto: TT NEWS AGENCY / REUTERS

Han har allereie bestemt seg for å stå over alle klassiske distansane i VM. I beste fall rekk han femmila i fristil på VMs siste dag.

Cologna merka etter sprinten i Otepää laurdag at han hadde smerter nedst i ryggen, og han vel derfor å stå over 15-kilometeren søndag.

Reiser heim

I staden reiser han heim til Sveits for å planlegge dei neste dagane saman med sitt medisinske apparat. I slutten av veka vil han avgjere om han reiser til Lahti for å

– Deretter skal eg avgjere om eg skal reise til VM i Lahti, seier Cologna til det sveitsiske skiforbundet.

Cologna har ei god stund slite med etterverknadene av ei muskeavriving i låret, men klart å halde det i sjakk.

Men for to veker sidan fekk han ein strekk nedst i ryggen og i rumpa. Dette forplanta seg til låret, og problema kom tilbake.

– Forsterka seg i dag

– Desse problema forsterka seg i dag, sa Cologna etter den klassiske sprinten der han ikkje kom seg vidare frå prologen. Han blei berre nummer 45.

Cologna har hatt gode resultat på klassiske renn tidlegare i vinter, ikkje minst i Tour de Ski. Men no er han usikker.

Dario Cologna med trener Fredrik Aukland

- SYND: Fredrik Aukland meiner det er trist for VM om Dario Cologna ikkje kan stille opp. Her jublar Cologna saman med Aukland som var trenar for sveitsaren i 2009

Foto: Håkon Mosvold Larsen / SCANPIX

NRKs langrennsekspert Fredrik Aukland kjenner Cologna, og stadfester det som har skjedd.

– Det er heilt klart at han ikkje vil gå klassisk i Lahti. Om vi ser han i VM, blir det berre på 50 km, seier Aukland.

– Synd for VM

Han meiner det er synd at ein så sterk løpar dersom Cologna ikkje deltek i VM. Cologna vann både 15 og 30 km i OL i Sotsji, og tok sølv på 30 km i Falun-VM for to år sidan.

– Han hadde vore i stand til å kjempe i toppen, og har gitt uttrykk for at løypene både på 15 km klassisk og 30 km duathlon ville passa han bra. Han hadde nok kunna gi Martin Johnsrud Sundby kamp i duathlon, så det er nok eit tap for VM, seier Aukland.

Cologna har framleis håpet.

– Eg vil gjere alt eg kan for å kome til Lahti og kjempe om medaljer, seier Dario Cologna.

Siste nytt

  • Lagerbäck vraker Johansen

    Norges lag i den viktige nasjonsligakampen mot Kypros er klart, og kaptein Stefan Johansen starter på benken. Disse starter: Jarstein, Elabdellaoui (K), Nordtveit, Rosted, Meling, Fossum, Henriksen, Selnæs, M. Elyounoussi, Kamara og T. Elyounoussi.

    Nasjonsliga Kypros mot Norge.
    Foto: Lise Åserud / NTB scanpix
  • Narvik valgt som norsk VM-kandidat

    Skiforbundet har valgt Narvik som søkerby til en eventuell søknad for VM i alpint i 2027. Det offentliggjorde skipresident Erik Røste på en pressekonferanse på Gardermoen mandag. Hafjell/Kvitfjell var den andre aktuelle kandidaten.

    Norsk søkerkandidat til alpin-VM
    Foto: Ørn Borgen / NTB scanpix
  • To norske EM-sigrar i dag

    Steffen Walstads mannskap slo Polen 9-3 og Tyskland 7-4 i dagens to kampar i curling-EM i Estland. Norge har dermed tre sigrar og to tap hittil.

    Tysdag morgon møter Norge Sverige, som har vunne alle sine kampar hittil.

    Steffen Walstad
    Foto: John Locher / AP

Sendeplan

Kl. Program Kanal
Nasjonsligaen: Kypros - Norge