Imponerte mot ein av dei beste i verda: – Eg er ikkje langt bak

Casper Ruud imponerte og heldt lenge koken mot argentinaren del Potro, som er rangert som verdas niande beste spelar, men måtte til slutt sjå seg slått.

Tennisproffen Casper Ruud

SIGER: Ruud er vidare i Italia Open, etter den noko spesielle kampen.

Foto: Gorm Kallestad / NTB scanpix

Nordmannen kom best i gang mot argentinaren som er ti år eldre enn 20 år gamle Ruud, men Juan Martin del Potro vart eit nummer for stor.

– Men eg trur ikkje eg er så langt unna. Eg heng ofte godt med, og er ikkje langt bak i dag. Det er ei veldig positiv tilbakemelding og noko eg tek med meg vidare. Eg brukar dette som motivasjon, og kjenner at eg spelar noko av min beste tennis akkurat no, seier Ruud.

Del Potro vann første sett 6–4. Ruud heldt fram med å imponerte og spelte fantastisk bra også i det andre settet. Men til slutt var det argentinaren som vann også dette settet 6-4, og dermed sikra seg plass i kvartfinalen.

Ruud er rangert som nummer 76 i verda, medan motstandaren altså er rekna som den niande beste.

Han har mellom annan 22 ATP-titlar og har også vunne US Open i 2019.

Med resultata frå Roma vil Ruud kome opp på 61. eller 62.-plass på neste verdsranking. Ruud reiser onsdag til Paris, der han skal vere med i French Open, som tek til neste helg.

Dramatisk runde mot Kyrgios

Han tok seg til tredje runde i ATP-turneringa, etter det som vart ein svært dramatisk kamp. Tredje sett mot Nick Kyrgios enda med at australiaren kaste ein stol ut på tennisbana, før han til slutt forlèt bana i sinne.

– Dette er det verste og mest usportslege eg har sett nokon sinne på ei tennisbane, seier mora til Ruud, Lele Cathrine Ruud, som følte kampen ifrå tribunen i Roma.

Kyrgios er rekna som ein ekte showmann og er mellom annan kjend for å forlate bana midt i ein kamp, serve som ein nybegynnar, prate høglydt til både seg sjølv og dommaren.

– Eg prøvde ikkje berre å halde fokus på meg sjølv gjennom heile kampen. Eg visste at humøret hans er som ei berg- og dalbane. Han har eit veldig høgt topnivå, men kan også gi bort enkle poeng og slag, sa Ruud etterpå.

– Mot slutten fekk eg med meg at det rabla for han, og han fekk som fortent ved å bli diskvalifisert. Han kan berre takke seg sjølv, sa han.

Og i kampen mot nordmannen fekk vi sjå ein tydleg både høglydt og kranglete 24-åring. I tredje runde auka temperamentet berre meir og meir.

Plutseleg kastar australiaren tennisracketen sin i bakken, for deretter å ta tak i ein stol på sidelinja og kaste den ut på bana, medan han kjefta og small.

Kyrgios

DISKA: Nick Kyrgios vart diskvalifisert etter at han kasta ein stol ut på bana.

Foto: Andreas Solaro / AFP

Dommaren gav han først ei åtvaring tidleg i kampen, før han etter fleire nye rundar med kjefting på dommaren fekk poengstraff. Det er då det klikka for australiaren, og han kastar ein stol ut på bana.

Til slutt blir det gamestraff. Ein ekstra dommar vart tilkalla og det enda med at 24-åringen vart diskvalifisert.

Noko som er sjeldan kost i tennis.

– Kasta bort talentet sitt

– Det vart så dramatisk som vi hadde spådd på førehand. Det var litt overraskande, eller kanskje ikkje. Han er jo heilt ustabil. Men vi tar sigeren vi, seier pappa Christian Ruud til NRK etter kampen.

Han snakka med sonen rett etter kampen og seier at Casper ikkje er veldig imponert over måten australiaren oppfører seg på.

– Han er jo ein veldig god tennisspelar. Han har jo ein serv som er heilt latterleg bra, fortel pappa Ruud.

Han legg til at dei visste at Kyrgios ofte ikkje syner så stor interesse når det blir spelt på grus.

– Men når han tok tie-break'ein, så vart han tent og verkeleg ville vinne kampen, så det var kanskje difor han klikka heilt når han vart broten tilbake.

Nesten perfekt spelt

Den australske spelaren var rett nok sportsleg nok til at han gjekk bort og takka Ruud og dommaren for kampen, før han med bagen på skuldra gjekk ifrå bana.

Tennisproffen Casper Ruud

DRAMATIKK: Ruud vann kampen etter at den brått tok ei dramatisk endring.

Foto: Gorm Kallestad / NTB scanpix

I det første settet var Ruud suveren mot Kyrgios. I andre sett enda det 6–6. Australiaren vann 7–5 på tie-break.

Tredje runde vart derimot altså langt meir dramatisk.

– Kyrgios greidde å psyke ut Ruud i andre settet, men i tredje sett klarte Ruud og bryte tilbake. Og det seier mykje om kor god han har blitt, seier Eurosport sin tennisekspert, Christer Francke.

– Eg synst eigentleg Casper spelte veldig bra heile kampen. Nesten perfekt spelt av Casper, seier Christian om sonen sin innsats.

Siste nytt

  • Bjørnebye slutter i Rosenborg

    Stig Inge Bjørnebye gir seg som sportslig leder i Rosenborg med umiddelbar virkning.

    Det opplyser klubben i en pressemelding torsdag.

    Bjørnebye
    Foto: Ole Martin Wold / NTB scanpix
  • UAE-ryttar utestengd for doping

    Syklisten Kristijan Durasek er utestengd i fire år for medverknad i ein tysk-austerriksk dopingring, melder det internasjonale sykkelforbundet UCI.

    Durasek blei mellombels suspendert tidlegare i år, og trekte seg frå rittet Tour of California. Onsdag kom den endelege dommen.

    Avsløringa er eit resultat av politiaksjonen Operation Aderlass, som blei innleia under ski-VM i Seefeld i Austerrike i vinter, skriv cyclingweekly.com.

    Den kroatiske 32-åringen er lagkamerat med Alexander Kristoff i UAE-laget. Hans største triumf var sigeren i Tour of Turkey i 2017.

    Tidlegare er ryttaren Kristijan Koren og sportsdirektør Borut Bozic, begge frå laget Bahrai-Merida, utestengde i to år som følgje av Operation Aderlass.

    Kristijan Durasek
    Foto: Jean-christophe Bott / AP
  • Stadfesta: Zlatan ferdig i Galaxy

    Zlatan Ibrahimovic (38) stadfestar at han er ferdig i LA Galaxy. Det melder også klubben onsdag kveld.

    – Eg kom, eg såg og eg erobra, skriv svensken på instagram. Før han kjem med eit stikk til fansen og ligaen:

    – De ville ha Zlatan, eg gav dykk Zlatan. Eventyret held fram. No kan de gå tilbake og sjå på baseball.

    Zlatan scora 52 mål og starta 53 kampar i to sesongar for Galaxy.

    Det er ikkje stadfesta kvar vegen går vidare for Zlatan.

    Laster Twitter-innhold

Sendeplan

Kl. Program Kanal