Guidetti ga Deila pusterom - ville ha konsertbillettar etter kamp

Leigesoldat John Guidetti opna målkontoen for Celtic og brukte pressekonferansen etterpå til å fri til ein av Skotlands største artistar.

John Guidetti

John Guidetti er denne sesongen på utlån frå Manchester City til Celtic. Her på treningsfeltet for det svenske landslaget.

Foto: Darko Bandic / Ap

– Eg prøver å skaffe pappa billettar til Paolo Nutini (skotsk artist). Konserten hans her i Glasgow er utseld og eg har prøvd å oppsøke han på Twitter, men han har ikkje gitt svar, seier John Guidetti lattermildt.

Slik skal Deilas nysignering prøve å feire at målkontoen er opna. Saman med far, som har bursdag i dag.

Guidetti bidro i går til å gi Ronny Deila pusterom i ein pressa situasjon som Celtic-manager.

– Det er fantastisk å kjenne på dette. Eg har sakna følelsen av å score mål og vinne kampar, seier Guidetti.

Deila: – Han har mykje å gå på

Ronny Deila

IMPONERT: Celtic-manager Ronny Deila.

Foto: RUSSELL CHEYNE / Reuters

Ved å score det første målet i 3-0-triumfen over Hearts i den skotske ligacupen beviste han at han kan bli ein svært nyttig tilvekst for klubben.

– John har ikkje spelt førstelagsfotball på to år, men har eit stort talent. Derfor henta vi han hit. Her har han bare spelt to kampar med førstelagsfotball, så han har mykje å gå på før potensialet er løyst ut, seier Deila.

Etter cupavansementet kan Deila pusta letta ut og sjå fram til nokre dagar med betydeleg større grad av arbeidsro enn om Celtic hadde tapt for Hearts og stupt på hovudet ut av cupen.

Fem poeng til toppen

Neste oppgåve for den skotske storklubben er ligamøtet med St. Mirren kommande laurdag.

Caltic er no nummer fire i den skotske eliteserien, fem poeng bak serieleiar Dundee United.

Stefan Johansen var tilbake i Celtics startoppstilling onsdag etter å ha stått over sist helgs ligakamp mot Mortherwell på grunn av ei muskelskade.

Jo Inge Berge var på si side ikkje med i troppen.

Siste nytt

  • Haaland med mål i Dortmund-siger

    Erling Braut Haaland sluttar ikkje å skåre mål. Han måtte vente til overtid i meisterliga-kampen mot Zenit St. Petersburg. Det er Haaland sitt 12. mål på 10 meisterliga-kampar. Borussia Dortmund vann kampen 2-0. Jadon Sancho skåra gultrøyenes første på eit straffespark.

    Dortmund har no tre poeng etter to Meisterliga-kampar. I den andre kampen i gruppa spelte Club Brugge og Lazio 1-1. Dei ligg begge over Dortmund med fire poeng.

    Haaland
    Foto: Ina Fassbender / AFP
  • Utskjelt spelar redda PSG

    Paris Saint-Germain vann 2-0 mot Istanbul Basaksehir i meisterligaen. Dei franske meistrane sleit likevel lenge mot det tyrkiske laget. Med stjerner som Neymar og Kylian Mbappé, så var det likevel ein annan PSG-spelar som markerte seg. For Moise Kean skåra båe måla for PSG. Det smaka nok godt for den 20 år gamle Italienaren som førre sesong spelte i Everton. Der fekk han lite tillit og han blei denne sommaren lånt ut til det franske storlaget.

    Champions League - Group H - Istanbul Basaksehir F.K. v Paris St Germain
    Foto: Tolga Bozoglu / Reuters
  • Kjellings Drammen rundspilt

    Kristian Kjellings Drammen har hatt en godkjent start på årets eliteserie, men ble tidvis rundspilt av Kolstad da lagene møttes i eliteserien onsdag kveld. Drammen slet med mange tekniske feil, scoret bare 21 mål, og Kolstad vant til slutt 27-21.

    Drammen ligger på en tredjeplass på tabellen bak Elverum og ØIF Arendal, mens Kolstad er nummer syv.

    Samtidig vant Halden 33-31 hjemme mot Haslum, og Nærbø slo Sandefjord 33-27.

    KaTg8OaQ1GQ
    Foto: Håkon Mosvold Larsen / NTB

Sendeplan

Kl. Program Kanal