NRK Meny
Normal

Friidrettsforbundet: – Vil avvente å vurdere nasjonale rekordar

Norges Friidrettsforbund vil vente med å ta stilling til om også gamle norske rekordar skal vurderast slik Europa-rekordane er foreslått.

Ketil Tømmernes

AVVENTAR: Friidrettspresident Ketil Tømmernes og hans styre vil vente på den internasjonale utviklinga før dei diskuterer om også gamle norske rekordar skal strykast

Foto: Poppe, Cornelius / SCANPIX

– Vi kjem ikkje til å ta dette opp no. Vi vil vente på utviklinga internasjonalt før vi diskuterer kva vi skal gjere, seier friidrettspresident Ketil Tømmernes til NRK.

– Vi har sendt vår innstilling til IAAF (det internasjonale friidrettsforbundet). Vi skal ikkje legge oss opp i kva dei nasjonale forbunda skal gjere, seier EAA-president Svein Arne Hansen.

Bakgrunnen er vedtaket i EAA (det europeiske friidrettsforbundet) i helga, der dei gjekk inn for å stryke alle rekordar som ikkje er sette under akseptert standard for dopingkontrollar og andre kriteria.

I praksis vil det seie at alle rekordar sette før 2005 – då ein tok til å fryse ned dopingprøver – er i faresona for å bli plassert i kategorien «tidlegare rekordar».

Dei fleste europarekordane er frå før 2005. DDR og Sovjetunionen har til saman 12 av rekordane, og dei nasjonane gjekk i oppløysing i 1990 og 1991. Også Tsjekkoslovakia – oppløyst i 1993 – er framleis på rekordlistene. Sjå faktaboks.

Kan også gjelde verdsrekordane

I august skal saka opp i IAAF, og då kan også verdsrekordane lide same lagnad.

IAAF-president Sebastian Coe var med på møtet i helga. Han stiller seg bak forslaget.

Men det er ikkje sikkert det blir vedtatt for det. Australia har allereie sagt at dei er imot.

– Det ville vere urettferdig, slår Athletics Australia fast.

Rapporten som EAA-vedtaket byggjer på, viser til at det tyske friidrettsforbundet to gonger har foreslått å stryke gamle rekordar og begynne heilt på nytt. Bakgrunnen er at då dei to tyske statane vart slått saman i 1990, kom det fram kor omfattande doping var i det gamle DDR.

To gonger avvist av IAAF

Derfor foreslo Tyskland først i 1999 å stryke alle rekordane og begynne det nye tusenåret med blanke ark og pålitelege rekordar. Det blei avvist av IAAF.

I 2012 prøvde dei igjen. Men igjen blei forslaget avvist.

I EAA-rapporten blir det vist til den nederlandske diskoskastaren Ria Stalman, som tok OL-gull i 1984. Ho vedgjekk i januar i fjor at ho hadde brukt steroidar i oppkøyringa, og i den perioden sette ho nederlandsk rekord som ikkje har blitt slått.

Nederland sletta Stalmans rekord i november i fjor.

– Øydelegg namn og rykte for tidlegare utøvarar

Paula Radcliffe

REISER BUST: – Forslaget vil øydelegge namnet og ryktet for mange, seier Paula Radcliffe. Ho risikerer å miste europarekorden i maraton frå 2003

Foto: SEAN DEMPSEY / Afp

Det er dei nederlandske kriteria EAA-rapporten byggjer på, og som no blir sendt vidare til IAAF.

Men blant tidlegare aktive utøvarar er det skepsis til det nye forslaget.

Fleire av dei som står i fare for å miste rekordar, reiser bust. Paula Radcliffe – verdsrekordhaldar i maraton sidan 2003 – seier til The Guardian at dette vil «øydelegge namn og rykte for mange av uskuldige utøvarar».

– Friidrettsleiarane sviktar i arbeidet med å verne reine utøvarar, seier Radcliffe.

I Sverige går høgdehoppar Patrick Sjögren til angrep på EAA-forslaget. Han risikerer å miste rekordane sine.

Her i Norge har Ingrid Kristiansen teke sterkt til motmæle.

Laster Twitter-innhold

Siste nytt

  • Vinduet stengt i Italia

    Etter klokken 20 i kveld kan ikke Serie A-klubbene hente flere spillere denne sommeren. På en rolig siste dag ble det klart at Arsenal-duoen David Ospina og Joel Campbell går til henholdsvis Napoli og Frosinone, Simone Zaza fra Valencia til Torino, mens Diego Laxalt (Genoa) og Samu Castillejo (Villareal) ble presentert som Milan-spillere.

    Klubblegenden Claudio Marchisio er løst fra kontrakten etter 25 år i Juventus.

    Premier League - Arsenal vs Stoke City
    Foto: Hannah Mckay / Reuters
  • Liverpool-stopper klar for Cagliari

    Den tidligere Vålerenga-forsvareren Ragnar Klavan forlater Liverpool til fordel for Serie A-klubben Cagliari. Det bekreftet engelskmennene fredag kveld. Italienerne betaler angivelig drøyt 20 millioner kroner for Klavan.

    Man United Liverpool Soccer
    Foto: Tony Ding / AP
  • Weng slått av 20-åring

    Det ble norsk seier i begge sprintklassene da langrennsløperne fullførte del tre av Toppidrettsveka fredag.

    Vind-løper Mathilde Myhrvold vant A-finalen blant kvinnene foran slovenske Katja Visnar. Heidi Weng knep tredjeplassen.

Sendeplan

Kl. Program Kanal
Toppidrettsveka: Langløp
Toppidrettsveka
NM-veka: NM-kveld