Vil ta frå tiltalt trenarrolla resten av livet

Aktor i saka mot den tidlegare topptrenaren meiner han skal bli tatt frå retten til å jobbe med utøvarar resten av livet, også ungdom- og breiddeidrettsutøvarar.

Oslo Tingrett

I TINGRETTEN: Saka mot den tidlegare topptrenare har gått i Oslo Tingrett dei to siste dagane.

Foto: Åserud, Lise / NTB scanpix

I dag var andre og siste dagen i rettsaka mot den tidlegare friidrettstrenaren Frank Evertsen. Han er tiltalt for å ha forfalska papir på legeutdanninga i Litauen.

Aktor Ragnvald Brekke la ned påstand om 75 dagars fengsel, der 30 bør vere betinga. Men store delar av dagen gjekk med på å bevise at Evertsen ikkje er skikka til å vere trenar.

Forsvarar ba retten behandle Evertsen på mildast mogleg måte.

Gav jernsprøyter til utøvarar

Eit av hovudargumenta til aktor, er Evertsens bruk av jernspøryter på utøvarar. Fleire av vitna skildra forholda rundt det som skjeded då blant andre langdistanseløparane Marius Bakken og Susanne Wigene blei jernforgifta etter at Frank Eversten gav dei jernsprøyter.

evertsen og Bakken

TIDLEGARE TRENAR: Frank Evertsen(t.h) var tidlegare trenar for fleire toppidrettsutøvarar, blant anna Marius Bakken

Foto: Holm, Morten / NTB scanpix

Wigene fortalte til retten, via telefon, at det var eit «hysj hysj-prosjekt», og at dei måtte låse dørene då jerninjeksjonane blei sette.

Ho fekk ei klar forståiing av at ingen andre ved Olympiatoppen skulle vite om det, noko Eversten benektar. Han meiner det var innarbeida praksis.

Wigene sa til slutt at problemet var at ein ikkje kunne stole på Evertsen, og at ho aldri ville la han trene nokon ho kjente. Ho sa også at han kunne mykje om trening, men gjorde mykje anna som var heilt forferdeleg.

Thomas Berge ba om retten ikkje la vekt på jernsprøytesaken fordi den er 15 år gammal, og dermed for langt attende i tid.

Han meiner også retten må vere varsomme å legge vekt på slike vitneutsagn, og at det er ikkje vitnes roller å synse.

– Tragisk sak

– Eg syns at alle fortener ein ny sjanse, men her er virkar det som at ingen åtvaringar fungerer, og då synst eg det er på plass med ein streng reaksjon, seier lege ved Olympiatoppen, Lars Engebretsen.

Han er med det heilt enig med aktor i saka. Engebretsen skildra frå vitneboksen saka som surrealistisk.

– Heile saka er tragisk. Det er veldig uvanleg at nokon utgir seg for å vere lege, og brukar medisinar på pasientar, seier Engebretsen til NRK.

Evertsen hadde juksa til seg ein legelisens som var godkjent i Norge i sju månadar før den blei trukke attende. I denne perioden tok han ut medikament, blant anna astmamedisinar.

– Som trenar skal alle ha tillit til at trenaren er det han seier han er. Dei skal ikkje utgi seg for noko anna, tøye grensene, eller ta med seg ungdom og andre utøvarar på noko som ikkje er lovleg, seier aktor aktor Ragnvald Brekke.

Thomas Berge og Frank Evertsen ønskjer ikkje å uttale seg til NRK.

Dom i saka er forventa kommande måndag.

Siste nytt

  • Messi-magi da Barcelona gikk videre

    Da Barcelona og Napoli møttes i Italia endte det 1-1, men på spansk jord ble det vanskeligere for italienerne å få med seg et godt resultat.

    Lionel Messi scoret et kunstmål og skaffet en straffe da Barcelona vant 3-1 (4-2) og sikret en plass i semifinalen i Mesterligaen.

    Champions League - Round of 16 Second Leg - FC Barcelona v Napoli
    Foto: Albert Gea / Reuters
  • Bayern knuste Chelsea igjen

    Bayern München hadde et godt utgangspunkt for returoppgjøret mot Chelsea i mesterligaen. De ledet 3-0 før oppgjøret i Tyskland.

    Med en 4-1-seier der ble det klart at de helrøde er videre til semifinalen i den gjeve turneringen.

    Champions League - Round of 16 Second Leg - Bayern Munich v Chelsea
    Foto: Michael Dalder / Reuters
  • Enige om overgang for Trondsen

    Rosenborg og Trabzonspor er enige om en overgang for Anders Trondsen. Det melder Rosenborg på sine hjemmesider.

    I den tyrkiske klubben vil han bli lagkamerat med Alexander Sørloth.

    25-åringen slutter seg ikke til tyrkerne helt enda og skal være med når trønderne møter Sarpsborg 08 på lørdag.

    Anders Trondsen
    Foto: Fredrik Hagen / NTB scanpix

Sendeplan

Kl. Program Kanal