Vil nekte Froome å delta i Tour de France

Arrangørane av Tour de France ønskjer ikkje regjerande meister Chris Froome på startstreken i år.

Italy Giro Cycling

FOR HØGE VERDIAR: Chris Froome gav frå seg ein prøve i fjor med for høge verdiar av salbutamol, men han er ikkje utestengt av det internasjonale sykkelforbundet.

Foto: Daniel Dal Zennaro / AP

Det melder Cyclingnews, som siterer den franske avisa Le Monde.

– Tour de France ønskjer for ein kvar pris å ikkje kome i same situasjon som Giro d’Italia, der den endelege sigeren til Froome er merka med ei stjerne, melder avisa.

Ikkje straffa hittil

Grunnen til at arrangørane ikkje vil ha med Froome er at den fire gonger Tour de France-vinnaren er dopingmistenkt. Det var i fjor han gav frå seg ein prøve som viste for store mengder salbutamol. Dette er eit stoff som er vanleg i astmamedisin.

Så langt er ikkje Froome straffa for forholdet. Han har delteke i ritt på same måte som før og vann Giro d'Italia i vår.

Men arrangørane av Tour de France, ASO (Amaury Sport Organization), viser til paragraf 28 i sine reglar. Der står det at dei har rett til å nekte eit lag eller ein utøvar å delta dersom dei eller den kan skade ASO sitt omdøme.

Endeleg avgjersle onsdag

Men ifølgje Cyclingnews kjem Froome til å delta i Tour de France.

– Vi er heilt sikre på at han vil køyre touren som planlagt. Han har ikkje gjort noko gale, seier Team Sky, laget Froome representerer.

Derfor har sykkellaget anka avgjersla til den franske olympiske komiteen, der saka skal opp i ei høyring tysdag.

Kor vidt Froome får delta eller ei blir truleg bestemt onsdag.

– Feil å ikkje delta

Chris Froome nektar sjølv for at han har gjort noko ulovleg.

– Frå min ståstad har eg ikkje gjort noko gale. Heilt frå denne saka starta har det vore mitt utgangspunkt. Det vil vere heilt feil for meg å ikkje delta i ritt når eg ikkje har gjort noko ulovleg. Så eg kjem til å halde fram med å sykle, har den britiske syklisten sagt til Sky Sports.

Tour de France startar vi år 7. juli. Første etappe går frå Noirmoutier-en-l'Île til Fontenay-le-Comte. Rittet avsluttast i Paris 29. juli.

Team Sky har enno ikkje offentleggjort kven som skal sykle for dei i årets ritt. Uttaket er venta å bli presentert tidleg neste veke.

APTOPIX France Cycling Tour de France

Chris Froome har vunne Tour de France fire gonger, i 2013, 2015, 2016 og 2017 (biletet).

Foto: Franck Faugere / AP

Siste nytt

  • NFF snur etter kritikk

    Norsk fotball har en lang tradisjon med at også sølv- og bronsevinnere blir gjort stas på når medaljene skal deles ut. Men i år planla Norges Fotballforbund (NFF) at kun RBK skulle få en seremoni etter siste runde i Eliteserien. Nå NFF snur etter kritikk. Lørdag blir det markering også for Brann og Molde, melder TV 2.

    Solskjær
    Foto: Svein Ove Ekornesvåg / NTB scanpix
  • Zuccarello på tribunen

    New York Rangers tok sin sjette strake hjemmeseier da de møtte Dallas Stars i NHL mandag. Grunnet en lyskeskade så Mats Zuccarello laget sitt vinne 2–1 fra tribunen. Rangers ligger på 2. plass i Eastern Division etter 21 spilte kamper.

    Zucca
    Foto: AL BELLO / Afp
  • Nederland til sluttspel

    Nederland scora to gonger på dei siste fem minutta, og 2-2 mot Tyskland var nok til å ta den siste plassen i "final four" som skal kjempe om sigeren i nasjonsligaen neste sommar.

    Dei tre andre er England, Portugal og Sveits.

Sendeplan

Kl. Program Kanal
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Sport i dag
Torsteins sjakkskole
Sport i dag