Viking slapp med skrekken

Alle eliteserielaga som var i aksjon i cupens 1. runde søndag, gjekk vidare.

Viking sleit mest, men slo Staal Jørpelands til slutt 3-2. Eks-Vikingspelar Even Østenstad utlikna Vikings leiing to gonger. Viking leia ved pause, men Østensen utlikna etter 53 minutt.

Men gleda blei kortvarig, for Rolf Daniel Vikstøl sende Viking til 2-1 eit par minutt seinare.

Sju minutt før full tid utlikna Østensen igjen, men på nytt svarte Viking på direkten ved Sebastian Sebulonsen.

I Mo i Rana låg det an til cupsjokk i litt over ein omgang. Rana leia 1-0 ved pause mot Bodø/Glimt. Men etter sidebyte fekk Glimt opp tempoet og vann 4-1. Lasse Nordås scora tre av måla.

Sarpsborg måtte også slite i Halden, der Kvik gav god motstand. Eit sjølvmål på overtid i første omgang og ei scoring fem minutt på overtid i andre omgang gav sarpingane 2-0.

Rosenborg hadde ingen problem med Melhus, og vann 7-0. Dei tre siste måla kom på overtid.

Vålerenga var klart best i lokaloppgjeret mot Lyn og vann 4-0.

Sandefjord hadde heller ingen vanskar, og slo Pors 4-1. Mjøndalen vann 3-0 over Åssiden.

Erling Braut Haalands fetter Albert Braut Tjåland scora siste målet då Molde slo Spjelkavik 4-1.

Sebastian Sebulonsen
Foto: Trond Reidar Teigen / NTB

Siste nytt

  • Tielemans perle då Leicester vann

    Youri Tielemans stod for kampens øyeblikk, då han sendte Leicester i føringa før kvarteret var spela mot Brentford.

    Etter eit frispark blir ballen klarert ut på 16-meteren. Der står belgiaren og ventar på ballen. På volley dundra han ballen i nermaste hjørne, og sørga for at Leicester tok med seg leiinga inn til pause.

    Ei utlikning frå Mathias Jørgensen etter ein corner skapte glede blant heimefansen, men den var kortvarig. For eit drygt kvarter før slutt sørga James Maddison for at Leicester vann 2–1.

    Tielemans
    Foto: TONY OBRIEN / Reuters
  • Antonio matchvinnar i London-derby

    West Ham cruisar vidare i Premier League. Michail Antonio skåra søndag kampens einaste mål då dei slo London-rival Tottenham 1-0.

    Dermed klatrar West Ham forbi nettopp Tottenham og opp på ein 4.-plass i serien. Tottenham har på sin side falt ned på 6.-plass.

    Antonio
    Foto: IAN KINGTON / AFP
  • Sterk norsk duo i Magdeburg-seier

    Duoen Christian O'Sullivan og Magnus Gullerud spelte begge sentrale roller då Magdeburg slo Kiel 29–27 i den tyske Bundesligaen i handball søndag.

    Borte mot den regjerande seriemeisteren skåra nordmenna ti av dei 29 måla, som bidrog til ein sterk tomålssiger.

    Harald Reinkind hadde fire nettkjenningar for Kiel, medan Sander Sagosen ikkje var med i troppen etter å ha blitt smitte av korona tidlegare i veka.

    YUOPmp5CNLo
    Foto: Lise Åserud / NTB

Sendeplan

Kl. Program Kanal