Viking-sigeren glapp i siste sekund

Viking låg an til bortesiger. Så øydela eliteseriens toppscorar for gjestene i kampens aller siste sekund.

Ohi Omoijuanfo

SAT LANGT INNE: Ohi Omoijuanfo kan brøle av glede etter utlikninga i kampens siste sekund

Foto: Vidar Ruud / NTB scanpix

Laster innhold, vennligst vent..

– Vi er ikkje fornøgd med uavgjort, men vi fortente poenget etter det vi viste i andre omgang, sa Ohi Omoijuanfo til NRK.

Då hadde han nettopp scora sitt niande mål for sesongen, og eitt av dei viktigaste.

Han har medkjensle med Viking, som såg sigeren glippe, og som ligg klart sist på tabellen.

– Stabæk var der i fjor. Vi veit korleis det er. Dei må berre «gønne på» og ikkje gi opp.

Fire og eit halvt minutt på overtid – eit halvt minutt på overtid av overtida – lempa Stabæk ballen langt opp i eit siste desperat forsøk på utlikning. Der vinn Stabæk duellen, og Ohi kunne smelle ballen i buret.

– Eg er stolt av gutane, sjølv om vi mista sigeren. Vi følgde kampplanen. Men det var hjarteskjærande å miste sigeren, seier Viking-trenar Ian Burchnall til NRK.

Spektakulært leiarmål

Då hadde Viking leia i over ein omgang.

Målet rett før pause og var ei blanding av det spektakulære og det lett komiske:

Skogstad skal avklar, men headar i staden ballen bakover mot eige mål. Kwesi Appiah oppfattar situasjonen raskt, og møter ballen med eit brassespark.

Brassen er ikkje spesielt vellukka. Men Stabæks keeper er på veg ut, og litt ute av balanse lar han ballen gå mellom beina og i det tomme målet.

– Viking har gjort det vanskeleg for Stabæk, og Stabæk har også gjort det vanskeleg for seg sjølv, sa MAX-kommentator Bengt Eriksen. Før utlikninga.

Etter pause la Viking seg bakpå, og Stabæk hadde grep om kampen. Og det såg ut til å gå mot sesongens første bortesiger for tabelljumboen.

Men toppscorar Ohi ville det annleis. Og med utlikninga slapp også Stabæk å gå mållause av bana for tredje heimekamp på rad.

Stabæk-Viking

BRASSE: Kwesi Appiah kastar seg rundt og får til eit brassespark som Stabæk-keeper Sayouba Mane er heilt feilplassert og ubudd på. Ballen går i mål og gir Viking ei leiing som nesten held heilt inn

Foto: Vidar Ruud / NTB scanpix
Laster innhold, vennligst vent..

Siste nytt

  • Liverpool senka Genk

    Etter fire strake tap på bortebane i meisterligaen vart det siger for Liverpool, då dei slo Genk og Sander Berg 4–1 på bortebane. Oxlade-Chamberlain scora dei to første måla. Sadio Mané la på til 3-0, før Mohamed Salah setje inn 4–0. Genk reduserte til 1–4 like før full tid. Liverpool er dermed nummer to i si gruppe, bak Napoli med sju poeng.

    Champions League - Group E - KRC Genk v Liverpool
    Foto: Francois Lenoir / Reuters
  • Chelsea tok viktige poeng

    Michy Batshuayi sørget for tre poeng for Chelsea da de spilte borte mot Ajax i mesterligaen onsdag. London-laget vant 1-0 og tok tre meget viktige poeng i gruppespillet. De har nå seks poeng, like mange som Ajax som foreløpig leder gruppen.

    Champions League - Group H - Ajax Amsterdam v Chelsea
    Foto: Lee Smith / Reuters
  • Jansrud droppar verdscupopninga

    Kjetil Jansrud kjem ikkje til å køyre verdscupopninga i Sölden i Austerrike i helga. Det opplyser alpinisten til NRK i kveld. – Det har med fleire ting å gjere, men mest fordi forma i storslalåm ikkje er på det nivået som den bør vere, seier 34-åringen. 24-år gamle Marcus Monsen overtek plassen til Jansrud.

    FIS Alpine Skiing World Cup Finals - Men's Downhill training
    Foto: Christian Hartmann / Reuters

Sendeplan

Kl. Program Kanal