NRK Meny
Normal

Vettel best i kvalifiseringa

Sebastian Vettel var klart best i kvalifiseringa i formel 1-løpet i Shanghai laurdag, og får beste startspor i løpet søndag.

Sebastian Vettel
Foto: PETER PARKS / AFP

Den 22 år gamle tyskaren vann løpet i Malaysia for to veker sidan , og startar ved sida av lagkamerat Mark Webber i Shanghai.

Det er tredje gongen i årets fire første løp at Vettel har "pole position".

Var nervøs

Vettel har hatt vanskar med bana i den kinesiske storbyen. Men berre minutt før kvalifiseringa var over laurdag, slo han til med ein perfekt runde.

- Han har slite, og så slår han til slik. Eg har ikkje peiling på kvar den runden kom frå, jubla Red Bulls lagleiar Christian Horner.

- Eg var litt nervøs sjølv, fordi Mark var så mykje raskare enn eg på treninga tidlegare i veka. Derfor var det utruleg godt å få det til på denne måten heilt mot slutten av kvalifiseringa, sa Vettel sjølv.

Problem med bilen

For Lewis Hamilton, verdsmeisteren frå 2008, var det motsett. Han har vore raskast heile veka, men var berre sjette best i kvalifiseringa, då han ikkje fekk bilen til å lystre skikeleg.

- Eg veit ikkje kva som er gale, sa Hamilton.

Bak Vettel og Webber startar Fernando Alonso (Ferrari) og Nico Rosberg (Mercedes), og ved sida av Hamilton startar regjerande verdsmeister Jenson Button, begge i McLaren.

Etter tre av sesongens 19 VM-løp leier Felipe Massa (McLaren) to poeng føre Alonso og Vettel, og ytterlegare to føre Rosberg og Button.

Michael Schumacher hadde niande beste tid i kvalifiseringa.

Siste nytt

  • Barcelona har luke

    Barcelona cruiset inn til 4-0-seier hjemme mot Deportivo La Coruña søndag. Luis Suárez og Paulinho ble begge tomålsscorere for den spanske La Liga-lederen. De leder med seks poeng på Atletico Madrid.

    Luis Suárez
    Foto: Stanley Chou / Getty Images
  • Fossum i ellevill Bundesliga-kamp

    Iver Fossum startet sin første kamp siden 21. oktober, og spilte samtlige minutter for Hannover i 4-4-festen mot Leverkusen i Bundesliga. Julian Korb sikret poengdeling sju minutter før slutt.

    Foto: Peter Steffen / AP

Sendeplan

Kl. Program Kanal
Uttak landslagstroppen til håndball-EM for menn
V-cup alpint: Parallellstorslalåm menn
V-cup alpint: Parallellstorslalåm menn
V-cup alpint: Parallellstorslalåm, menn
V-cup alpint: Parallellstorslalåm menn