Vegard Breens store sjanse: – Kjenner alle bakkane i Andorra

Dagens etappe er den som passar Vegard Breen aller best i årets Tour. Han er lommekjend i området der første del av etappen går.

Vegard Breen

LOMMEKJEND: Vegard Breen har trena mykje i Andorra, og kjenner vegane der. – Derfor tru eg at eg har ein sjanse, seier han

Foto: Braastad, Audun / NTB scanpix

– Vi skal opp der, seier Vegard Breen og peikar oppover mot fjellet bak hotellet i Escaldes-Engordany i Andorra. Der skal tiande etappe i årets Tour de France opne.

– Eg trur eg kjenner alle vegane som er i Andorra, seier Vegard Breen. I dag skal han ut i ein etappe i eit område der han har trena mykje og veit det meste.

– Så får vi sjå om det er ein fordel eller ei ulempe. Eg veit iallfall kvar dei brattaste partia er, og kvar det vil bite litt ekstra å kome seg med, seier Breen til NRK.

– Det er derfor eg trur eg har ein sjanse i dag.

Brutal etappestart

Det er ein etappe som normalt ikkje skal passe klatrarane. Etappen startar rett nok med ei klatring opp mot Port d'Envalira på 2408 meter – ein kategori 1-stigning på 22,6 kilometer med 5,5 prosent stigning.

Tour de France, 10. etappe

TØFF START: Dagens etappe startar med ei knalltøff stigning opp til 2400 meters høgde. Så er det flatt

Foto: Tour de France

– Det er også uvisst korleis syklistane taklar høgda, seier Breen. – 2400 meter er ganske høgt. Dessutan var det mange som gjekk i kjellaren i varmen og stigningane på dei siste etappane før kviledagen, legg han til.

Men på resten av etappen er det unnabakke og nokså flatt.

– Der vil klatrarane tape einkvar duell mot klassikar-ryttarane. Hadde eg vore klatrar, hadde eg spart meg til andre etappar. Og så trur eg det er litt langt for spurtarane dersom dei må hente eit brot som har køyrt ifrå i første bakken. For der vil ikkje dei klare å kontrollere eit brot. Det er derfor eg ser sjansen, seier Breen.

Vegard Breen imponerte på andre etappe. Der låg han i brot nesten heile tida, og vann ein innlagd spurt, før han blei innkøyrd like før mål.

– Det kjem til å gå eit tidleg brot

Brudd

IMPONERTE: Vegard Breen låg lenge i brot på 2. etappe, men vart innkøyrd like før mål

Foto: Peter Dejong / Ap

Men det er dagens etappe han meiner er den som passar han best.

– Det kjem til å gå eit brot. Så får vi sjå om det held heilt inn, og om eg er med, seier Breen. – Det er umogeleg å føresjå no. Eg er iallfall klar for å gi alt.

Han meiner at Edvald Boasson Hagen er den beste om dei to nordmennene skulle ligge saman i brot.

Og det har Edvald lyst til. Om han får lov, og ikkje må hjelpe lagkamerat Mark Cavendish til å halde på den grøne trøya.

– Det er ein tøff start og ei avslutning som skulle passe meg bra, seier Hagen til NRK.

– Kva må du gjere for å riste av deg andre i brot, Vegard Breen?

– Køyre frå dei.

Siste nytt

  • Chelsea-manageren i trøbbel

    Onsdag bekreftet Englands Fotballforbund at det er opprettet disiplinærsak mot Chelsea-manager Maurizio Sarri. Italieneren ble sendt på tribunen under ligamøtet med Burnley på mandag. Han har frem til fredag med å gi tilsvar til anklager om usportslig oppførsel.

    Chelsea-manager Maurizio Sarri er anklaget for usportslig oppførsel
    Foto: Matt Dunham / AP
  • Real kan senke Ødegaard-pris

    Real Madrid er villig til å reduere prisen på Martin Ødegaard, skriv avisa de Telegraaf.

    Ødegaard, som er utlånt til Vitesse, er ønska av Ajax. Real har hittil sett in prislapp på 20 millionar euro (over 190 mill kr) for nordmannen, og det er for dyrt for Ajax.

    Ødegaard
    Foto: Carina Johansen / NTB scanpix
  • Sharks klar for kvartfinale

    San Jose Sharks er videre i NHL-sluttspillet etter et ellevilt hockeydrama mot Vegas Golden Knights. Til slutt endte det med at hjemmelaget vant 5-4 etter forlengning og dermed 4-3 sammenlagt i kamper. Colorado Avalanche venter i kvartfinalen.

    Vegas Golden Knights v San Jose Sharks - Game Seven
    Foto: Ezra Shaw / AFP

Sendeplan

Kl. Program Kanal