NRK Meny
Normal

Var postbud under førre EM – no kan han gjera Nord-Irland historiske

Då Tyskland spelte semifinale under EM i 2012, måtte den nord irske spissen Conor Washington (24) leggja seg før kampen var slutt. Han skulle gå postrunden i heimlandet England.

SOCCER-NIR-BLR/

FEIRING: Her feirar Conor Washington sitt andre landslagsmål. Sidan han debuterte for landet i mars i år har han spelt fem kampar og scora to mål.

Foto: Clodagh Kilcoyne / Reuters

Laster innhold, vennligst vent..

– Eg jobba som postmann. Eg prøvde å få med meg dei fleste kampane, men måtte gå i seng tidleg, då eg måtte gå med posten klokka fem om morgonen, seier Conor Washington ifølgje Daily Mail.

Det har gått fire år sidan Washington spelte for St Ives Town og banka inn mål på sjuande nivå i engelsk fotball. I tillegg jobba han som postmann for å få endane til å møtast.

I kveld kan han sende Nord-Irland vidare i EM. Om dei tar poeng mot regjerande verdsmeister Tyskland, er dei så godt som klare for åttandedelsfinalen, for første gong.

– Det er heilt surrealistisk å tenkje på kor eg er no og kor eg var for fire år sidan. Eg klyp ikkje meg sjølv i armen av og til. Eg gjer det heile tida, seier han ifølgje The Guardian.

Tenkte ikkje på landslaget

For fem dagar sidan var i startoppstillinga då Nord-Irland slo Ukraina 2–0, i landets første meisterskap på 30 år.

Frå EM i 2012 og fram til i dag, har Washington vore innom Newport Country, Peterborough Town og no Queens Park Rangers i engelsk championship.

Han er fødd i England, mora er frå Skottland, medan bestemora er nord-irsk. Det gjorde at Washington hadde tre val då han skulle bestemme seg for kva landslag han skulle representera.

SOCCER-EURO-POL-NIR/

NESTEN: Så nære var Conor Washington å utlikna for Nord-Irland i 1–0 tapet mot Polen. Ei dårleg ballberøring gjorde at ballen hamna i armane til keeper, i staden for i målet.

Foto: Eric Gaillard / Reuters

– Eg har visst at eg kunne spelt for Nord-Irland heile livet, men det var ikkje noko eg tenkte over då eg var 19–20 år. Då spelte eg i Conference (fjerde nivå), seier han til.

Han vart kalla opp til den nord-irske troppen for første gong i mars i år, til privatlandskampane mot Wales og Slovenia. I sin andre kamp scora han, på sin andre tur til landet han no speler for i EM.

Hans første tur var under ein treningskamp med Peterborough.

Hummels: – Ei fantastisk historie

Nord-Irland har sjansen til å ta seg vidare til utslagsrundane i EM, men då må dei få med seg eit resultat mot regjerande verdsmeister Tyskland.

FBL-EURO-2016-MATCH18-GER-POL

HINDRINGA: Tyske Mats Hummels er mannen som skal hindra at Conor Washington får sitt tredje mål for Nord-Irland i kveld.

Foto: LIONEL BONAVENTURE / Afp

– Eg høyrde om hans historie. Eg elskar slike historier, seier Tysklands forsvarssjef, Mats Hummels før kveldens kamp.

Historia til Washington er ikkje ulik historia til Englands stjernespiss, Jamie Vardy, som kom frå lågare divisjonar og tok Premier League med storm denne sesongen.

– Vardy har vore ein stor inspirasjon for meg. Han har vist at det er mogeleg å ta vegen opp frå lågare divisjonar og ikkje berre via storklubbane sine akademi, seier Washington.

  • Kampen mellom Tyskland og Nord-Irland ser du direkte på NRK 1, frå klokka 18.
Laster innhold, vennligst vent..
Laster innhold, vennligst vent..

Siste nytt

  • Rekordomsetning etter Neymar-salg

    Etter skatt sitter Barcelona igjen med et nettoresultat på 13 millioner euro (123 millioner kroner) etter forrige sesong.Mye skyldes salget av Neymar til PSG 222 millioner euro.

    Barcelona hadde 914 millioner euro i inntekter og utgifter på 882 millioner euro.

    neymar
    Foto: Francois Mori / AP
  • Panamas landslagssjef gir seg

    Hernan Daro Gomez avslutter sin tid som Panamas landslagssjef etter landets VM-debut i Russland.

    – Russland 2018 var starten. Jeg oppfylte løftet om å føre landet til sitt første VM. Og det vil for alltid ha en plass i hjertet mitt, skrev landslagssjefen.

    Hernan Dario Gomez
    Foto: FILIPPO MONTEFORTE / AFP
  • Ruud møter tidligere verdenstreer

    Den spanske tennisspilleren David Ferrer, verdenstreer så sent som i 2014, blir Casper Ruuds motstander i 2. runde av ATP-turneringen i Båstad. Andre runde spilles onsdag eller torsdag. Nå er Ferrer rangert som nummer 39 i verden, mot Ruuds 147.-plass.

    Casper Ruud
    Foto: Vincent Thian / AP

Sendeplan

Kl. Program Kanal