Vanvitig sluttspurt sikra Usain Bolts tredje 100m-gull

Ingen har tidlegare vunne tre OL-gull på 100 meter, før i natt. Usain Bolt (29) var overlegen på slutten og tok sitt tredje strake OL-gull på distansen.

Bolt løp inn til sitt tredje OL-gull på 100m

LØPET: Sjå Usain Bolt springe inn til nok eit OL-gull på 100-meter.

– Bolt klarar det igjen. Han låg bak halvvegs, men kom som ei kule på slutten. Dette gullet måtte han kjempa hardt for, seier NRKs kommentator, Jann Post.

Justin Gatlin var i leiinga midtvegs, men på slutten var Bolt raskast og klokka inn på 9,81. Han sjuande OL-gull. Gatlin tok sølv og Andre De Grasse tok bronsen.

– Tre gull på rad. Han viser at han framleis er verdas raskaste mann, men tida er ikkje til å ta av for. Men det heldt, seier NRKs ekspertkommentator, Vebjørn Rodal.

– Det var ein god start og eg fekk vist at eg er i betre form enn i fjor. Nokre tvilarar vil det alltid vera, men eg vant gullet og er der eg skal vera, seier Bolt.

Størst toppfart

Som så mange gonger før var det Justin Gatlin som var raskast ut av startblokkene, og var i leiinga halvvegs. Så kom Bolt i lange klyv og med ti meter att til mållinja hadde han full kontroll. Akkurat som i semifinalen.

– Eg trur ikkje det stoppa opp for Gatlin. Bolt har rett og slett større toppfart, trass i at han vart hengande litt bak ut frå start, seier Rodal.

– Eg var i tvil om det kom til å bli eit Bolt-show eller ein jamn finale. Men etter dette trur eg mest på Bolt-show, sa NRKs friidrettsekspert Vebjørn Rodal etter semifinalen.

For i semifinalen var Bolt heilt overlegen, og dei siste 20 meterane jogga han roleg og såg rundt seg, medan han gliste stort. Tida var 9,86. Justin Gatlin på si side sprang på 9.94 i semifinalen, tredje raskast. Nest raskast var canadiske Andre De Grasse på 9,92.

29-åringen har aldri tapt ein 100 meter finale i eit meisterskap, og har vunne distansen i både OL og VM kvar gong sidan OL i 2008. Under VM i Daegu i Sør-Korea i 2011 vart han diska for tjuvstart før finalen og kunne dermed ikkje forsvara gullet på distansen. Verdsrekorden hans er 9,58, sett under VM i Berlin i 2009.

OLYMPICS-RIO-ATHLETICS-M-100M

LEKEN: Som vanleg køyrde Usain Bolt show etter målgang.

Foto: DYLAN MARTINEZ / Reuters

Siste nytt

  • Rangers tapte i Zucca-comeback

    Mats Zuccarello var endelig tilbake på isen etter skade i fredagens målrike New York-derby, men han og Rangers måtte til slutt se seg slått 7–5 av byrivalene Islanders. Nordmannen har stått over tre kamper på grunn av lyskestrekk.

    Predators Rangers Hockey
    Foto: Frank Franklin II / AP
  • Kroatia slo Spania

    Kroatia var avhengig av poeng for ikke å falle helt av i gruppespillet i nasjonsligaen torsdag. Etter en god andreomgang avgjorde Tin Jedvaj til 3-2 på overtid. Spania topper tabellen med seks poeng, mens både England og Kroatia står med fire.

    Croatia Spain Nations League Soccer
    Foto: Darko Bandic / AP
  • Rooney takket av med storseier

    Wayne Rooney kom ikke på scoringslisten i sin siste landskamp for England, men fikk være kaptein i 3-0-seieren over USA. Den mangeårige England-kapteinen har vært ute av landslaget en stund, men fikk ta avskjed med sin 120. kamp for «Three Lions».

    Britain England US Soccer
    Foto: Alastair Grant / AP

Sendeplan

Kl. Program Kanal
V-cup skøyter: Lagtempo kvinner
V-cup skøyter: Lagtempo og 500 m, kvinner og menn
V-cup skøyter
V-cup skøyter: Lagtempo menn
V-cup skøyter: Lagtempo menn
V-cup skøyter: 500 m kvinner
V-cup skøyter: 500 m menn
Sesongstart langrenn: 10 km klassisk, kvinner
VM-minner
VM-minner
Vinterstudio