NRK Meny
Normal

Carlsen: – Eg var litt trøytt i dag eigentleg

ZÜRICH/OSLO (NRK.no): Magnus Carlsen var ikkje på siste turneringsdag i Sveits, men hanka likevel inn sigeren. – No vil eg berre ete og sove, seier ein sliten 23-åring til NRK.

Magnus Carlsen

Levon Aronian hadde moglegheita til å hente inn Magnus Carlsen, men verdstoaren hadde heller ingen optimal dag ved sjakkbrettet. Dermed tok Carlsen heim sigeren i si første turnering etter VM-kampen i november.

Foto: Skibstad, Kent / NTB scanpix

Magnus Carlsen

Det blei ingen glimrande avslutningsdag for Magnus Carlsen, men nordmannen vann likevel si første turnering etter VM-triumfen.

Foto: Steffen Schmidt / Ap

– Eg var ikkje så bra i dag, og eg blei utspelt av Levon og utspelt av Fabiano. Heldigvis hadde eg stor nok leiing til å vinne likevel, sa Carlsen på pressekonferansen etter turneringa.

Til NRK seier verdseinaren at han rett og slett spelte dårleg.

– Og eg likar ikkje å spele dårleg, så enkelt er det. Det gir ein litt dårleg følelse. Det er alltid fint å avslutte turneringar på ein god måte, det greidde eg ikkje denne gongen, slår Carlsen fast.

– Men for all del: resultatet er veldig bra. Den klassiske delen var spesielt bra, legg han til.

Carlsen leia med to poeng etter den klassiske delen – der han vann tre parti og spelte to remis. På siste speledag tysdag blei det to tap, to remis og berre éin siger.

Levon Aronian

Levon Aronian, her i partiet mot Caruana på avslutningsdagen, hadde ein OK dag ved sjakkbrettet. Det var ikkje nok til å hente inn Carlsen sitt forsprang.

Foto: Steffen Schmidt / Ap

Aronian fekk moglegheita

Turneringssigeren blei sikra etter ein kjapp remis mot Viswanathan Anand i siste hurtigsjakkparti tysdag ettermiddag.

Tidlegare på dagen hadde Magnus Carlsen slått Boris Gelfand, spelt remis mot Hikaru Nakamura og tapt mot Levon Aronian og Fabiano Caruana.

Aronian spelte eit glimrande parti mot verdseinaren, men den andrerangerte armenaren hadde heller ingen optimal dag i Sveits.

Beste på siste dag var italienske Caruana med fire poeng, Nakamura nest best med tre og eit halvt poeng, medan Aronian plukka tre poeng.

Carlsen tok berre to av fem moglege poeng. Gelfand plukka eitt og eit halvt poeng, medan Anand fekk med seg eitt poeng etter to remis.

Samanlagt vann Carlsen med 10 poeng, eitt meir enn Aronian og Caruana. Det er førebels uklårt kven som endar på andreplass.

  • Sjå oppsummering av turneringa og sluttresultat i faktaboksen til høgre!

– Godt å slå tilbake

Etter det siste partiet såg ikkje Carlsen spesielt fornøgd ut. På pressekonferansen om lag 30 minutt seinare var derimot smilet delvis tilbake.

– Det ville vore betre å ha fullført turneringa på ein positiv måte. Det blir ein liten bismak, men eg kan ikkje klage for mykje, sa han til det frammøtte pressekorpset.

Likevel er det ein liten maktdemonstrasjon å vinne si første turnering sidan VM-triumfen i november i fjor.

– Langsjakken var veldig bra, pluss at det blei ny ratingrekord. Om nokre dagar kjem eg nok til å sjå veldig blidt tilbake på denne turneringa, seier Carlsen til NRK.

– Men det blir inga feiring i kveld?

– Det tvilar eg på. Eg vil eigentleg berre ete og sove.

Verdsmeisteren fortel vidare til NRK at han er ekstra fornøgd med å vinne turneringa som er den sterkaste noko sinne. Han er i tillegg fornøgd med å ha befesta posisjonen sin som verdas beste sjakkspelar.

– Ja, det var godt å slå tilbake etter at Aronian vann såpass overbevisande i Wijk aan Zee. Det er fint å få denne sigeren, og i alle fall ganske overbevisande i langsjakkdelen, avslutta Magnus Carlsen.

Kva turnering som blir verdseinaren si neste er førebels uklart.

Vladimir Kramnik

Vladimir Kramnik er éin av favorittane i kandidatturneringa i mars.

Foto: HENNING KAISER / AFP

Tek pause fram til kandidatturneringa

For fleire av Carlsen sine motstandarar blir det derimot heilt pause fram til kandidatturneringa i Khanty-Mansijsk frå 13. til 31. mars.

– Det blir berre trening før det, sa Levon Aronian på pressekonferansen etter Zürich Chess Challenge.

Mange såg på Aronian som favoritt før turneringa i Sveits. Han er òg favoritt, saman med Vladimir Kramnik, til å få spele VM-kamp mot Carlsen i haust.

– Eg er fornøgd med store delar av turneringa, eg spelar nokre gode kampar. Kandidatturneringa blir gøy, så får vi sjå. Eg likar Khanty-Mansijsk, så eg ser fram til turneringa, fortalde Aronian.

Carlsen på si side ser òg på Aronian som favoritt.

– Han spelar veldig bra. Han har sine styrkar, eg har mine, men for å vere ærleg: Han spelte betre enn meg i klassisk sjakk denne gongen, så vi får sjå, runda Carlsen av med på pressekonferansen.

Switzerland Chess Challenge Magnus Carlsen

Magnus Carlsen spelte remis mot Viswanathan Anand i både den klassiske og hurtige delen av Zürich Chess Challenge.

Foto: Steffen Schmidt / Ap

Siste nytt

  • Celtic og Ajer fikk bank i Russland

    Kristoffer Ajer fikk en stri kveld på jobb i Celtic-forsvaret borte mot russiske Zenit St. Petersburg. Skottene tapte 0-3 og røk ut av europaligaen. Celtic vant hjemmekampen 1-0, men det skulle vise seg å være et altfor lite forsprang mot russerne.

    Scottish Premiership - Celtic vs Rangers
    Foto: Russell Cheyne / Reuters
  • Buick fortsetter å levere i Dubai

    Den norske jockeyen William Buick vant torsdag to nye galoppløp i Dubai. Med det håvet han inn over 18,6 millioner kroner til fornøyde hesteeiere. 28-åringen tok sine to siste seirer med hestene Folkswood og Walton Street.

    Video Norsk jockey gjør kometkarriere i England
    Foto: Nyhetsspiller
  • Lars Sætra tilbake i Godset

    Midtstopperen Lars Sætra (26) vender hjem til Strømsgodset. Sætra har skrevet kontrakt med drammenserne ut 2019-sesongen. Midtstopperen har tidligere vunnet både cup og serie med Strømsgodset. Han har trent med Godset den siste tiden.

    Laster Twitter-innhold

Sendeplan

Kl. Program Kanal