Fire dagar utan trening for småsjuk Sundby

I fire dagar i romjula har Tour-favoritt Martin Johnsrud Sundby ikkje fått trena.

Martin Johnsrud Sundby

JUL PÅ SOFAEN: Martin Johnsrud Sundby har vore småsjuk og hadde fire dagar utan trening i romjula

Foto: FABRICE COFFRINI / Afp

– Han har vore litt småsjuk og hatt litt lurvete lunger. Det er ikkje optimalt, men det kan slå begge vegar, seier landslagstrenar Trond Nystad til NRK.

– Han har ofte store problem med lungene om vinteren når det blir kaldt, og det har han slite litt med.

– Men han har fått tre-fire dagar på sofaen, så no er han i fer med å bli betre, seier Nystad.

Tour de Ski opnar med sprint i fri teknikk i morgon.

– Vi håpar og trur at han er i orden til i morgon, seier trenaren.

NRKs ekspertkommentator Fredrik Aukland trur ikkje det nødvendigvis betyr stort.

– Det er aldri optimalt med sjukdom før konkurransar. Samtidig har Martin eit så godt grunnlag at eit sjukdomsopphald ikkje treng å spele noko rolle.

– Det som er spesielt med Tour de Ski, er at det er åtte renn på ti dagar, og den største utfordringa for løparane er å halde seg friske. Slik sett er det verre å vere sjuk i forkant av eit Tour de Ski enn eit vanlig verdenscupløp.

– Kan slå begge vegar

– Kva betyr dette for Tour de Ski?

– Om han skulle bli sjukare, betyr det at det ikkje ser så lyst ut. Men dersom han ikkje blir sjuk, må han nok framleis finne seg i å vere favoritt. Det kan slå begge vegar, trur Trond Nystad.

Sundby trenar normalt to økter om dagen. I romjula gjekk det fleire dagar utan at han trena i det heile.

Optimistisk

– Det kan føre til at han er litt slapp i kroppen, men det kan også gi auka overskot. Det er vanskeleg å seie. – Det er no eingong slik at ein må ta livet som det kjem. Sjukdom er ein del av livets realitetar, filosoferer landslagssjefen.

Han er optimist.

– Eg vel å tru at det går greitt.

For dei andre på laget har alt gått etter planen i jula, og alle er i fin form.

– Så langt ser det veldig bra ut.

Siste nytt

  • – KBK blir United-motstandar

    Kristiansund blir truleg Manchester Uniteds motstandar på Ullevaal under Norway Cup i sommar, skriv Tidens Krav.

    Kristiansund er Ole Gunar Solskjærs heimby, der han spela for Clausenengen.

    Solskjær
    Foto: Paul Ellis / AFP
  • Siger til Mol og Sørum

    Anders B. Mol og Christian S. Sørum vann båe gruppespelskampane i 4-stjernesturneringa i sandvolleyball i Kina. Dermed toppar den norske duoen gruppe A og går rett til 2. runde i turneringa. Den runden blir spelt på laurdag.

    Mol og Sørum med siger
    Foto: Ronald Zak / AP
  • Leder både sport og administrasjon

    Espen Bjervig får langrennsansvaret for både sport og administrasjon i skiforbundet.

    – Det betyr at lederansvaret og arbeidsoppgavene i den tidligere «landslagssjef-rollen» nå blir organisert på en ny måte, sier komiteleder Torbjørn Skogstad.

    Bjervig
    Foto: Terje Pedersen / NTB scanpix

Sendeplan

Kl. Program Kanal