Krog etter andreplass: – Så sliten at eg ikkje klarte å tørke meg om kjeften

LILLEHAMMER/OSLO (NRK.no): Håvard Klemetsen låg best an etter hopprennet, men det var Magnus Krog som gjekk raskast i sporet. Telemarkingen gjekk inn til ein sterk andreplass bak tyske Eric Frenzel.

Magnus Krog var utslitt etter andreplassen i kombinert på Lillehammer søndag. - Det tyngste løpet jeg noen gang har gått. Sa Krog til NRKs Ida Nysæter Rasch.

Magnus Krog var veldig, veldig sliten. Dei siste kreftene gjekk med til eit intervju på NRK, spøkte kommentatorane etter intervjuet.

Frenzel gjekk ut som nummer to etter hopprennet bak russiske Evgeniy Klimov. Ikkje veldig langt bak russaren følgde Håvard Klemetsen (+33 sekund) og Magnus Krog (+47 sekund).

Frenzel var derimot suveren i sporet, og henta inn og gjekk frå Klimov kjapt. Bak var det Krog som imponerte mest av nordmennene.

Klemetsen klarte ikkje å halde tempoet, og blei forbigått av både Krog, Jørgen Gråbak, Mikko Kokslien og Jan Schmid.

Magnus Krog

Magnus Krog var svært sliten etter løpet, men fullførte eit godt langrenn til andreplass.

Foto: Larsen, Håkon Mosvold / NTB scanpix

– Opna litt for hardt

I går gjekk Kokslien som eit olja lyn og stal med seg ein tredjeplass trass i dårleg hopping. I dag gjekk 28-åringen seg opp frå 30. til sjuandeplass.

– I dag var det tungt, frykteleg tungt føre. Eg var sliten etter gårsdagen, så eg hadde ikkje like mykje å «trøkke» med, sa Kokslien til NRK etter løpet.

For det var verkeleg tungt å gå på Lillehammer, både ifølgje vinnar Frenzel og Magnus Krog.

– Eg opna litt for hardt, så eg blei frykteleg tung på slutten. Eg var så sliten at eg ikkje klarte å tørke meg om kjeften ein gong. Det var krampe i både armar og bein, sa ein tungpusta Krog.

Mot slutten av løpet kom nemleg Akito Watabe i full fart, og hadde løpet vore litt lenger hadde Krog fort blitt forbigått.

– Det blei spennande på slutten, slo Krog fast.

Saka held fram under bildet.

Krog og Watabe

Magnus Krog var absurd sliten mot slutten av langrennet, men heldt akkurat unna for Akito Watabe og gjekk inn til andreplass.

Foto: Larsen, Håkon Mosvold / NTB scanpix
Mikko Kokslien

Mikko Kokslien gjekk inn til tredjeplass laurdag, men skuffa i hopprennet søndag. Til slutt enda han på sjuandeplass.

Foto: Larsen, Håkon Mosvold / NTB scanpix

Lovar siger neste helg

For Krog var det ekstra godt med ei god plassering.

– Eg tryna i går, så det var ekstra kjekt med eit så godt renn i dag. No treng eg å gå litt fleire renn og få fart i føtene. Hoppinga er derimot god, så eg skal prøve å halde den på same nivå, avslutta Krog.

– Det var kjempebra av Magnus å bli nummer to i dag. Nok ein bra norsk dag. No manglar berre sigeren, og den skal komme neste helg, sa Kokslien.

Jørgen Gråbak blei nest beste nordmann på fjerdeplass, medan Kokslien altså tok sjuandeplassen. No lovar Kokslien siger neste helg.

– Nja ... Vel, ja, eg lovar det, avslutta 28-åringen glisande.

Tyskeren Eric Frenzel gikk inn til verdenscupseier på Lillehammer søndag. Her får du se målgangen til 32-åringen.

Eric Frenzel gjekk inn til suveren siger på Lillehammer.

Siste nytt

Sendeplan

Kl. Program Kanal
Håndball-EM: Norge-Russland
Radiosporten: EM håndball kvinner Norge - Russland
Radiosporten: EM håndball kvinner Norge - Russland
Radiosporten: EM håndball kvinner Norge - Russland