Tidlegare United-manager om superstjerne: – Gå til City

United-fansen vil ha Solskjær til å snappe Matthijs de Ligt framfor nasa på Barcelona.

Matthijs de Ligt

ETTERTRAKTA: Matthijs de Ligt kan vere i ferd med å utløyse ein heftig bodkrig blant Europas storklubbar

Foto: MARCO BERTORELLO / AFP

Onsdag kveld, samstundes:

  • SUKSESS: I Torino herjar Ajax med Italias suverent beste lag og vinn 2-1. Kaptein Matthijs de Ligt opplever ein ny stor kveld og scorar sigersmålet i 2-1-sigeren som sender Ajax til meisterliga-semifinale for første gong på 22 år.
  • MARERITT: I Barcelona blir Manchester United audmjuka av Lionel Messis lag, og Ole Gunnar Solskjærs lag taper 3-0, 4-0 samanlagt.

– Få de Ligt inn i United-drakta, krev fleire av fansen på sosiale media.

Men tidlegare Manchester United-manager Louis van Gaal ber de Ligt om å ikkje signere for United – men derimot for byrival City om han ikkje vel Barcelona, skriv Manchester Evening News.

– Får spele under Guardiola

FILES-FBL-NED-VANGAAL

- IKKJE UNITED: Tidlegare Manchester United-manager og nederlendar Louis van Gaal vil at de Ligt skal prioritere Barcelona eller Manchester City

Foto: KOEN VAN WEEL / AFP

– I City får han spele under manager Pep Guardiola, og det trur eg er det beste han kan gjere om han ikkje hamnar i Barcelona, seier den tidlegare United-manageren seier van Gaal.

Han grunngjev rådet sitt slik:

– Både Barcelona og Manchester City har sine svakaste punkt i midtforsvaret, derfor vil han få spele.

Louis van Gaal fekk sparken i United i mai 2016.

Den 19 år gamle forsvarsspelaren er i søkelyset for dei fleste storklubbane etter det han har vist i meisterligaen så langt. I åttedelsfinalen var de Ligt også sentral då Ajax knuste Real Madrid 4-1 på bortebane.

Storklubbar i kø for de Ligt

Det er spådd at de Ligt skal følgje sin lagkamerat Frenkie de Jong til nettopp Barcelona i sommar. Men også PSG, Bayern München, Manchester City og gårsdagens tapar Juventus er hissige på å sikre seg nederlendaren, som er eit resultat av Ajax' ungdomssatsing.

Ole Gunnar Solskjær

STOR JOBB: Ole Gunnar Solskjær vedgår at han har ein kjempejobb framfor seg for å byggje opp United til europeisk toppnivå

Foto: ALBERT GEA / Reuters

de Ligt var ikkje eingong fødd då Solskjær scora sigersmålet mot Bayern München i finalen på nettopp Nou Camp i 1999.

Ein midtstoppar i superklasse er noko av det United treng mest for å heve laget til det nivået Solskjær etter kampen onsdag sa at han vil.

United kunne hatt både Matthijs de Ligt og Freknie de Jong i stallen for lenge sidan.

– Vi hadde gud veit kor mange rapportar om han og Frenkie de Jong, seier tidlegare rekrutteringsleiar i United, Denis Langley til Manchester Evening News. United kunne sikra seg begge to før dei slo gjenom i Ajax i 2016, men valde å ikkje hente dei. I staden omplasserte klubben Langley.

– Beste forsvarsspelaren på planeten

Derfor må United sikte etter høgprofilerte forsterkingar.

– Matthijs de Ligt er den beste forsvarsspelaren på planeten, sa tidlegare United-forsvarar Rio Ferdinand, etter at de Ligt og resten av Ajax hadde utspela Juventus i Torino.

– Det hadde vore godt for United å få fatt i han før komande sesong, sa Ferdinand.

Som 17-åring spela de Ligt heile finalekampen i europaligaen i 2017, då Ajax tapte 2-0 for nettopp Manchester United.

Stor oppgåve

Solskjær veit at han står framfor ei stor oppgåve for å heve Manchester United til europeisk toppnivå.

– Men det er ikkje noko som skjer over natta, sa han på pressekonferansen etter kampslutt.

– Barcelona var eit par hakk over oss i desse to kampane, er det nivået vi siktar mot, sa Solskjær til britiske BT Sport etter kampen.

– Vi kan også nå dit, men vi har ein stor jobb å gjere. Om vi skal kome tilbake til vårt beste nivå og våre beste tradisjonar, er vi nøydde til å utfordre lag som Barcelona.

Laster Twitter-innhold
Laster Twitter-innhold
Laster Twitter-innhold
Laster Twitter-innhold

Siste nytt

  • Kompany forlater City

    Manchester Citys lagkaptein Vincent Kompany forlater klubben etter elleve sesonger. Lørdagens FA-cuptriumf ble hans siste kamp i lyseblått, skriver han på Facebook. Kompany varsler at et nytt innlegg om kort tid vil fortelle hvor framtiden ligger.

    Kompany
    Foto: David Klein / Reuters
  • Til finale i Brasil

    Anders Mol og Christian Sørum er klare for finale i sandvolleyballturneringen i Brasil. I semifinalen slo de polske Piotr Kantor og Bartosz Losiak i tre sett. I søndagens finale blir det polsk eller nederlandsk motstand for de norske gutta.

    Mol og Sørum
    Foto: Peter Schneider / AP
  • Vipers-siger etter ekstraomgangar

    Vipers tok første stikk i sluttspelfinalen mot Storhamar. Men det måtte ekstraomgangar til i den dramatiske kampen som til slutt enda 42–40 til Vipers. Dermed har laget sikra seg eit godt utgangspunkt før returoppgjeret på Hamar tysdag.

    Sluttspillet Eliteserien Kvinner.
    Foto: Tor Erik Schrøder / NTB scanpix

Sendeplan

Kl. Program Kanal