NRK Meny
Normal

Tvungen tilbake til Beitostølen

Skal landslagsløparane i langrenn trene på snø må dei tilbake til staden som ikkje fekk verdscup-opning grunna snømangel.

Video Dårlige treningsforhold på Sjusjøen

SJÅ VIDEO: Dårlege treningsforhold på Sjusjøen.

Nystad

– Det vi gjer er sikkert eit paradoks, seier landslagssjef Trond Nystad.

Foto: Junge, Heiko / Scanpix

På Sjusjøen skal det etter planen arrangerast verdscupopning i langrenn til helga. Men måndag var løypa stengt på grunn av lite snø og dårlege forhold.

Difor reiser no det norske herrelandslaget til Beitostølen for å trene. Der er det nemleg frakta snø frå Valdresflya som dekker totalt 2,5 kilometer med løype.

– Dette gjør vi fordi det er bedre treningsforhold der. No har dei mykje anleggstrafikk i løypa, og i natt har det vore for varmt til å produsere snø på Sjusjøen, så vi har ikkje treningsforhold her akkurat no, seier landslagssjef Trond Nystad.

Innsatsen og kuldegradene kom altså for seint for Beitostøl-arrangørane. For det var eigentleg der verdscupninga skulle vore. Før helga vart denne flytta til nettopp snøfattige Sjusjøen.

– Det har vore mykje jobb med å få til gode forhold på Beitostølen. Det er fullt mogleg å gå i løypene der, seier arrangør Erik Østli.

  • SJÅ VIDEO:
Video Sesongåpning på Beito avlyst

Sesongåpning på Beito avlyst

– Dumt å bite i hånda som gjev mat

I staden for å henge med hovudet fordi dei ikkje fekk verdscup, hjelper arrangementsleiaren frå Beitostølen no Sjusjøen med å få alt klart til helga.

– Vi føler oss definintivt ikkje snurt. Beitostølen skulle gjerne hatt rennet, men må bare akseptere at avgjerda er tatt. Om ein er hund er det dumt å bite i den hånda som gjev mat. Vi vil sjølvsagt ikkje øydelegge for framtidige verdscuparrangement med å vere misnøgd med dette, seier Østli.

– Men kva tenker du om det held seg dårleg på Sjusjøen?

– Då har ein tatt ei feil avgjerd. Men på eitt tidspunkt måtte ein føreta seg noko i denne saka, og vêret kan ingen gjere noko med, seier Østli.

Paradoks

På Beitostølen ligg innbydande trikkeskinner og ventar på langrennsløparane.

– Det er sikkert eit paradoks, men vi er vand med å operere i den verda. Vi må som sagt flytte oss dit forholda er bra. Akkurat no er det godt føre på Beitostølen, og difor dreg vi dit, seier Nystad.

Siste nytt

  • Brun og Strandli på 2. plass

    Kristoffer Brun og Are Strandli løftet seg flere hakk og rodde inn til 2.-plass i lettvekt dobbeltsculler under verdenscupen i roing i Linz søndag.

    Brun og Strandli
    Foto: Heiko Junge / NTB scanpix
  • Diomande scoret sitt fjerde i MLS

    Adama Diomande (28) har fått en pangstart i sin nye klubb Los Angeles FC. Mot Colombus Crew ble det nok en scoring.

    Los Angeles FC vant 2-0, og målene kom tidlig i kampen.

    MLS Crew Los Angeles FC Soccer
    Foto: Mark J. Terrill / AP
  • Norske Mathias (18) til NHL-lag

    NHL-laget Calgary Flames har draftet den norske 18-åringen Mathias Emilio Pettersen fra Manglerud, opplyser klubben på Twitter. Det siste året har han spilt på Muskegon Lumberjacks i United States Hockey League.

    Mathias Emilio Pettersen
    Foto: Carina Johansen / NTB scanpix

Sendeplan

Kl. Program Kanal
FIFA Fotball-VM 2018: England - Panama
Veien til VM: Uruguay og Senegal
FIFA Fotball-VM 2018: Japan - Senegal
VM fotball: Japan - Senegal
FIFA Fotball-VM 2018: VM-studio
FIFA Fotball-VM 2018: Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten: 4-4-2 Radiosporten og FIFA Fotball-VM 2018 Japan - Senegal
4-4-2 Radiosporten
VM fotball: Polen - Colombia