Trur investering til 750.000 redda Olsbus siger

Nye superlys redda Marte Olsbu Røiselands sprintsiger i verdscupen, meiner NRKs skiskyttarekspert. Nå har også Holmenkollen investert i nytt anlegg for å kjempe mot «Kollen-tåka».

Lys

NYE LYS: Nye lys på standplass i Oberhof redda truleg norsk i siger i den tyske skiskyttar-metropolen.

Torsdag vann Marte Olsbu Røiseland sesongens første verdscupsiger i tjukk tåke i tyske Oberhof. Rennet kunne blitt avlyst og dermed hindra norsk siger, men for første gang blei nye LED-lys på stadion tatt i bruk på standplass slik at løparane såg blinkane.

– Lysa fungerte veldig bra. Eg er veldig takknemleg for at det ikkje blei avlyst i dag, seier Marte Olsbu Røiseland til NRK.

– Marte kunne fort blitt snytt for ein triumf hadde det ikkje vore for desse lysa. Det var veldig tett tåke under eit par periodar under løpet, seier NRKs skiskyttarekspert Ola Lunde.

Sesongstart Skiskyting Sjusjøen

FORNØGD: Marte Olsbu Røiseland smilte etter sesongens første verdscupsiger.

Foto: Geir Olsen / NTB scanpix

– Betre kontrastar

Froland-jenta skaut fullt hus og gjekk som ein rakett i sporet, og vann 33 sekund føre Denise Herrmann frå Tyskland.

NRKs skiskyttarekspert hyllar sesongens nyvinning i verdscupen.

– Lysa gjev mykje betre kontrastar på standplass. Utan desse lysa er eg ganske sikker på at rennet hadde blitt avlyst, og det er jo ein stor fordel, seier NRKs skiskyttarekspert Ola Lunde, og forklarer vidare at kontrasten mellom det kvite og den svarte blinken blir tydelegare for løparane.

Lunde opplyser at også Holmenkollen har gjort grep dersom den berømte «Kollen-tåka» trugar eit renn.

– Umogleg å sjå

Ola Lunde

NRK-EKSPERT: Ola Lunde

Foto: Vidar Ruud / NTB scanpix

– Holmenkollen har fått det same. Dei har kjøpt lys for 750.000 kroner som kan justerast, og som kan gjere at løp som tidlegare blei avlyst – kan fullførast, seier Lunde vidare.

Den såkalla Kollen-tåka har mang ein gang skapt trøbbel for arrangøren av skirenn i Noregs berømte nasjonalanlegg. Og spesielt for skiskyting skapar det problem på standplass. No håpar Lunde at det problemet kan bekjempast.

– Ved tåke er det dessverre umogleg å sjå gjennom kornet på siktet. Dette har gjort at vi er sikrare på å få gjennomført desse løpa både her i Oberhof og i Oslo på sikt, seier Lunde.

– Det kjedelegaste ein kan opplever er renn som blir avlyst. Det er bra at dei nye lysa fungerer, og at også Holmenkollen har sikra seg det, seier Marte Olsbu Røiseland.

Siste nytt

  • Hovland fire slag bak i Dubai

    Viktor Hovland åpnet Dubai Desert Classic med en runde ett slag under par i vanskelige spilleforhold. Han er på delt 18.-plass etter de første 18 hullene, og er fire slag bak ledende Thomas Pieters. Turneringen i Dubai inngår i europatouren og varer til søndag. Forrige uke slet Hovland i sin sesongdebut. Da klarte han ikke cuten i Abu Dhabi. (NTB)

    Viktor Hovland spiller turnering i Dubai
    Foto: Stian Lysberg Solum / NTB scanpix
  • Sørloth til kvartfinale

    Klubben til Alexander Sørloth, Trabzonspor, er videre til kvartfinale i den Tyrkiske cupen etter straffesparkkonkurranse. I det første oppgjøret mot Denizlispor vant klubben til Sørloth 2-0, men fikk det langt tøffere torsdag. Denizlispor skaffet seg en tidlig 2-0 ledelse, men i andreomgang fikk nordmannen muligheten fra straffemerket. Den reddet keeper og det stod 2-0 til Denizlispor etter full tid. Dermed måtte kampen avgjøres på straffesparkkonkurranse, og der var Trabzonspor best. Sørloth spilte hele kampen, men tok ikke en av de avgjørende straffene.

    Alexander Sørloth spilte hele kampen
    Foto: Stian Lysberg Solum / NTB scanpix
  • Thingnes Bø vant i «comebacket»

    Johannes Thingnes Bø skjøt 20 treff og vant torsdagens 20 km i Pokljuka. Rennet var hans første i 2020, og hans første etter at han ble pappa til en gutt. Nordmannen var 11,4 sekunder raskere enn Martin Fourcade og 25,6 raskere enn Fabien Claude.

    Johannes Thingnes Bø under torsdagens normaldistanse i Pokljuka
    Foto: Darko Bandic / AP

Sendeplan

Kl. Program Kanal