– Ja, eg har nok vore så sliten før, men ein gløymer det så dum som ein er frå gong til gong. Eg skjønar ikkje kvifor vi driv på med dette, for det er så vondt på sisterunden, smilte ein sliten Hegle Svendsen.
Det kostar å vinne i verdscupen. Det viste Emil Hegle Svendsen tydeleg på 20.-kilometeren i Ruhpolding laurdag.
Foto: Matthias Schrader / ApBåde skytinga og skigåinga sat for trønderen, og det blei til slutt siger. Siste del av siste runde var derimot skremmande tung.
– Sisterunden var veldig tung. Eg opna litt for tøft, og fekk det litt på det seige føret.
– Eg er ein svær, feit mann, veit du, gliste sigersherren.
Han vann framfor to russarar i Alexey Volkov og Evegny Ustyugov. Johannes Thingnes Bø blei nest beste nordmann på ein åttandeplass – og fekk dermed revansjert seg med fem strake bom.
– Normalkongen er tilbake!
Dagens mann var derimot ein 28 år gammal OL-favoritt.
– Jada! Emil Hegle Svendsen, den gamle normalkongen er tilbake, jubla NRK-kommentator Andreas Stabrun Smith etter fjerde skyting.
Det enorme norske medaljehåpet før OL hadde nettopp plaffa inn sitt tredje fulle hus. Den einaste bommen kom på første skyting.
Etter siste skyting gjekk Emil Hegle Svendsen ut 27,9 sekund framfor russiske Evgeny Ustyugov. I mål var hadde han tapt over 10 sekund, men leia framleis komfortabelt.
Saka held fram under videoen.
Her går Emil Hegle Svendsen inn til sin 34. verdscupsiger. Etter målgang var trønderen absurd sliten.
Kunne ikkje sleppe all jubel laus
Nordmannen kunne ikkje sleppe all jubel laus med éin gong, for bak kom det andre farlege russarar.
Alexey Volkov var berre 4,1 sekund bak Hegle Svendsen ut etter siste skyting. Når sisterunden til trønderen ikkje var 100 prosent, hadde russaren ein sjanse.
Sjølv om Volkov henta sekund heilt mot slutten, tapte han derimot 10,5 sekund og var 14,6 sekund bak i mål.
I tillegg til Volkov var Evgeniy Garanichev lenge ein trussel, men etter tre fulle hus bomma russaren éin gong på siste skyting.
Dermed blei verdscupsiger nummer 34 sikra for Hegle Svendsen. Han har no tredjeplassen over flest verdscupsigrar åleine, etter at han .
- Les også:
Ekstra glad for siger i «skytekonkurransen»
Mange sigrar, men det var tre år sidan trønderen sist vann på normaldistanse. Sist gong det skjedde var 12. januar 2011, også då i Ruhpolding.
– Denne sigeren er veldig viktig for meg, spesielt med tanke på skytinga, fortel Hegle Svendsen.
– 20.-kilometeren er ein skytekonkurranse, og i dag viste det seg at eg er bra i rute til OL, sa han vidare.
Måndag blir det jaktstart for herrane. Då går nordmannen for siger nummer 35.
– No skal eg slappe av og ete. Det blir to harde løp på to dagar no, før det blir litt fri før OL, avsluttar eitt av Noreg sine største gullhåp i Sotsji.
Hovudkonkurrenten tek livet med ro
Éin mann mangla derimot i Ruhpolding-løypene, og det er Hegle Svendsen sin kanskje største konkurrent: Martin Fourcade.
Han publiserte dette på Twitter medan løpet gjekk føre seg:
Johannes Thingnes Bø leverte eit sterkt løp i Ruhpolding. Dermed fekk han revansjert seg litt etter katastrofestafetten.
Tarjei Bø skaut seg bort allereie på første skyting. Tre bom, tre ekstra minutt og tre nye skytingar utan mykje å kjempe om.
