Trenarkrangel under cupfinalen: – Eg er sjokkert

Kåre Ingebrigtsen var tydeleg opprørt over oppførselen til sin trenerkollega Luis Pimenta under cupfinalen.

Luis Pimenta har et brennende Kongsvinger-hjerte. Det viste han også i finalen mot Rosenborg. Reporter: Jørn Lien og redigering: Siri Vålberg Saugstad.

VIDEO: Sjå og høyr engasjementet til Luis Pimenta under cupfinalen.

Laster innhold, vennligst vent..

– De krangla litt?

– Hm, ja. Eg er sjokkert, seier Ingebrigtsen.

– Korleis då?

– Eg er utruleg overraska, meir vil eg ikkje seie.

Kåre Ingebrigtsen var ikkje imponert over trenerkollega Luis Pimenta under pausen av cupfinalen mellom Rosenborg og Kongsvinger.

Me er vande med å sjå Pimenta oppglødd medan laget hans er ute på bana. Men i cupfinalen vart han kanskje vel engasjert når han forsøkte å mane spelarene til innsats. KIL-treneraren havna også i munnhuggeri med ein overraska RBK-trenar.

– Her må det ha vore noko verbalt mellom Pimenta og Ingebrigtsen i første omgang. Me såg også ein situasjon og ein krangel mellom Jonas Svensson og Pimenta i første omgang, seier Tom Nordlie.

Krangel med Svensson

Etter 20 minuttar spelt hamna Pimenta i ordhuggeri med RBK-backen Jonas Svensson. Sistnemnde prøvde å ta innkast, medan Pimenta ropte etter Svensson.

– Fuck off, eg ga deg ballen. Gå og pump litt mer jern, ropte trenaren mellom anna til spelaren.

– Han snakkar til min spelar. Det kan han halde seg for god til. Han kan snakke om sine eigne spelarar. So skal eg ta meg av mine, seier Ingebrigtsen.

– Kåre, ver litt gentleman. Du er gamal nok til det, er noko av det Pimenta seier til RBK-trenaren og som fanges opp av NRKs mikrofonar.

– Det er berre bra. Det er berre fotball, og det bra. Ein prøver berre å psyke dei litt ut mentalt, og slik skal det vere, seier Pimenta til NRK etter kampen.

Kåre og Pimenta

HØG TEMPERATUR: Kåre Ingebrigtsen og Luis Pimenta hadde høgt tenningsnivå på sidelinja.

Foto: Roald, Berit / NTB scanpix

Risikospel

Men trass engasjementet på sidelinja klarte ikkje Kongsvinger å temme Rosenborg i cupfinalen.

Kongsvinger spelte med høg risiko på eigen banehalvdel, og Rosenborg kom til fleire store sjansar som resultat av det.

– Det er forskjell på å vere dum og å vere modig, akkurat no er dei dumme, sa NRKs ekspertkommentator Tom Nordlie.

Trass den høge risikoen i forsvar, låg dei berre under 0–1 til pause. KIL-trenar Pimenta gjekk ut på grasmatta til kvar enkelt spelar for å mane dei opp til andreomgang.

– Gutta var strålande i førsteomgang, og det var berre ein null. Men når det blei to null blir det vanskeleg, seier Pimenta.

For det blei for tungt for Kongsvinger i andreomgang. Tore Reginiussen sende trønderane raskt opp i 2-0-leiing. Etter det sette Pål André Helland inn sitt andre og tredje for kvelden, og sikra ein komfortabel siger for Rosenborg.

Pål André Helland

HAT-TRICK: Pål André Helland skåra tre mål mot Kongsvinger i cupfinalen.

Foto: ≈serud, Lise, Åserud, Lise / NTB scanpix

– Det er ferdig

Trass i at kampen var over for lengst, blei det høg temperatur, også på bana i det siste kvarteret.

Det var fleire stygge duellar, og tendensar til slagsmål.

– Det har vore mykje rot, og høgt tenningsnivå mellom spelarane. Det har vore klasseforskjell på laga, særleg i andreomgang, seier Nordlie.

Og då dommaren blåste i fløyta etter 90 minutt var Pimenta raskt ute og samla alle spelarane i midtsirkelen for å gratulere dei med innsatsen i finalen.

I intervjuet etter kampen var RBK-trenar Kåre Ingebrigtsen også innstilt på å legge konflikten med Pimenta bak seg, og gravleggje stridsøksa.

– Det er ferdig, det er heilt ferdig, sa Ingebrigtsen etter kampen.

Siste nytt

  • Historisk VM-oppgjør i Nord-Korea

    Det historiske oppgjøret mellom Nord-Korea og Sør-Korea endte målløst da landene tirsdag kjempet om tabelltopp i gruppe H i den asiatiske VM-kvalifiseringen.

    Det var det første nabooppgjøret siden 1990 som ble spilt i Nord-Koreas hovedstad Pyongyang.

    HgLLPguv4FQ
    Foto: AP
  • Nilsson skal trene med herrene

    Stina Nilsson reiser ikke til høydeopphold i Val Senales, men velger i stedet snøtrening i Idre. Der skal også det svenske herrelandslaget oppholde seg.

    Charlotte Kalla og de fleste andre svenske landslagskvinnene drar til høydesamling i Val Senales.

    29WcnHchnj0
    Foto: Fredrik Hagen
  • Ber fotballpresidenten gå av

    Den bulgarske statsministeren Bojko Borissov har bedt landets fotballpresident gå av etter mandagens skandalekamp mot England i Sofia, melder TV 2.

    – Fra i dag vil vi kutte alle bånd, inkludert økonomiske, til Det bulgarske fotballforbundet inntil Borislav Mihajlov trekker seg fra stillingen sin, sier sportsminister Krasen Kralev på vegne av statsminister Bojko Borissov, ifølge TV 2.

    – Vi tåler ikke slik oppførsel lenger, sier han. (NTB)

    Bulgaria England Euro 2020 Soccer
    Foto: Vadim Ghirda / AP

Sendeplan

Kl. Program Kanal