Skiforbundet tatt på senga: Vikersund, Lillehammer og Trondheim ikkje godkjent for v-cup

Det kom heilt overraskande på skiforbundet at tre av dei fire Raw Air-bakkane ikkje har sertifikat for neste sesong.

Vikersundbakken.

LANGE SVEV: Vikersund er største hoppbakken i verda, men er ikkje sertifisert for verdscup og Raw Air neste år

Foto: Terje Bendiksby / NTB scanpix

– Eg har ikkje opplevd tidlegare i mine 15 år som arrangementssjef at dette ikkje har vore klart på kalenderkonferansen, seier Terje Lund til NRK.

På kalenderkonferansen i FIS i Zürich i dag fekk Norges delegasjon vite at sertifikata for Lysgårdsbakken på Lillehammer, Granåsen i Trondheim og Vikersundbakken har gått ut.

– Vi visste ikkje det, og blei tatt litt på senga, seier Lund.

FIS' hopp-kalender 2018/19

UTELATE: Holmenkollen er inne på Raw Air neste år, men dei tre andre bakkane står med berre stjerner på FIS-lista etter kalenderkonferansen i dag

Foto: FIS

Det betyr at per dags dato kan dei ikkje få tildelt verdscuprenn. Berre Holmenkollen er sikra verdscuprenn i sesongen 2018/19.

Bakkeigarane sitt ansvar

Norge har ein frist til FIS-kongressen 16. mai til å få sertifikata i orden.

– Det er bakkeigarane som har ansvaret for sertifiseringa. I og med at vi fekk vite om dette i ettermiddag, veit ikkje eg kva som må gjerast for å få alt på plass, seier Lund.

Lysgårdbakken er eigd av Olympiaparken, Granåsen av Trondheim kommune, og Vikersund av stiftinga Vikersund Hoppsenter.

Skiforbundet har i ettermiddag sendt mail til dei tre eigarane for å få vite kva som må gjerast.

– Vi har bede dei ta tak i dette måndag og klarere det med FIS' bakkekomité, seier Lund.

– Det er dei som har ansvaret for fornying. Det kan innebere alt frå å sende inn papir og stadfeste at alt er i orden, til at ikkje alt er ok med bakken, seier Lund.

– Har aldri opplevd det før

Terje Lund

ARRANGEMENTSSJEFEN: Terje Lund har gjennom 15 år aldri opplevd at sertifiseringa ikkje er klar på FIS' kalenderkonferanse

Foto: Vidar Ruud / NTB scanpix

Alle anlegg, både hoppbakkar, alpinbakkar og andre skianlegg, får sertifikat for ein gitt periode. Det var denne perioden som hadde gått ut for dei tre bakkane utan at skiforbundet hadde fått det med seg.

Normalt får vi beskjed av det internasjonale skiforbundet i god tid, og eigarane brukar å ha god oversikt sjølve. Så vi er litt forundra over at dette kom no, seier Lund.

– Men eg er nokså trygg på at dette kjem til å ordne seg, seier han.

Terje Lund var sjølv ikkje til stades på møtet i Zürich, men fekk vite om den manglande sertifiseringa på telefon.

– Har du opplevd at de kjem til kalenderkonferanse og får ein slik beskjed som de ikkje har visst om?

– Nei, det har eg ikkje opplevd før.

Siste nytt

  • Ødegaard med målgivende i cupen

    Martin Ødegaard var nest sist på 2–0-målet da Real Sociedad slo Espanyol 2–0 i den spanske cupen onsdag kveld. Aleksander Isak og Ander Barrenetxea gjorde målene for Real Sociedad, som nå er videre til åttedelsfinalen i cupen.

    Ødegaard
    Foto: Heiko Junge / Heiko Junge
  • Må stenge dopinglaboratorium

    Verdas Antidopingbyrå (Wada) har beordra at dopinglabatoriet i Moskva blir stengt. Det kjem som ein fylgje av at Wada i førre månad utestengde Russlands antidopingbyrå. Stenging av laboratoriet kan medføre at det det blir vanskelegare og dyrare å teste russiske utøvarar i forkant av OL i Tokyo.

    Russland olympiske hovudkvarter
    Foto: ALEXANDER NEMENOV / AFP
  • Griezmann reddet Barcelona

    Barcelona lå lenge under 0–1 mot nivå tre-laget Ibiza i den spanske cupen onsdag kveld. Men Antoine Griezmann scoret to ganger, det siste målet fire minutter på overtid, og sikret 2–1-seier og cupavansement for katalanerne.

    Antoine Griezman
    Foto: Josep Lago / AFP

Sendeplan

Kl. Program Kanal