NRK Meny
Normal

Toppidrettssjefen meiner openheitskrikken skjer på feil premiss

NISO-leiar Joachim Walltin kalla toppidrettssjef Tore Øvrebø lite audmjuk og arrogant, då han gav Eirik Verås Larsen munnkorg. – Dei opererer med feil premiss, seier Øvrebø.

Tore Øvrebø

TAR DET TIL SEG: Tore Øvrebø seier til NRK at dei tar til seg all kritikken som har kome etter OL, for å læra av det til framtida.

Foto: Johansen, Erik / NTB scanpix

– Eg tenker det er ein grunnleggande forskjell på openheit og offentlegheit. Eg meiner at NISO og Siri Gedde-Dahl (leiar i Offentlighetsutvalget) opererer med feil premiss for kritikken, seier Tore Øvrebø til NRK.

Kritikken han svarar på kjem frå leiar for idrettsutøvaranes fagforbund (NISO), som sa dette til NRK tidlegare i dag, etter at Olympiatoppen gav Eirik Verås Larsen munnkorg.

– Når det kjem signal frå Thorkildsen og Verås Larsen, er det verdt å lytta til. Det er lite audmjukt og litt arrogant å avfeia det. Eg trur neppe norsk idrett blir betre av ein slik haldning på øvste nivå, seier NISO-leder Joachim Walltin.

Tar til seg kritikken

Det har storma rundt toppidrettssjefen, etter at Norge leverte sitt svakaste OL-resultat på over 50 år. Fleire har uttalt seg om kva som har gått gale og kvifor resultatet har svikta. Blant anna Verås Larsen, som reiste spørsmålet om den auka pengebruken i Olympiatoppen har gått til sportsleg utvikling eller meir administrasjon.

Joachim Walltin

KRITISK: Joachim Walltin er kritisk til korleis Olympiatoppen har takla den opne debatten om den svake norske OL-innsatsen.

Foto: Øijord, Thomas Winje / Scanpix

– Eirik kan uttale seg om det som har med faget hans å gjere, men idrettspolitikk ligg andre stadar i organisasjonen. Han har mange høve til å uttale seg om kvar han meiner skoen trykkjer fagleg i dei idrettane han har kunnskap om, sa Øvrebø i går, om kvifor Verås Larsen ikkje lengre får uttala seg om det temaet.

– Vi vil ha ein open debatt internt om korleis vi skal finne vegen vidare, la Øvrebø til.

Dette utspelet har blant anna Walltin og leiar i Offentlighetsutvalget, Siri Gedde-Dahl, reagert på.

– Det kan tyda på at dei forstår seg litt dårleg på openheit, dette er ein stor, viktig og interessant debatt som kjem til å gå uansett. Då er det håplaust at dei som har greie på det ikkje får uttala seg, seier Gedde-Dahl.

Siri Gedde-Dahl seier at Olympiatoppen ikkje har forstått omgrepet openheit, har dykk det?

Ja, vi har forstått det på vår måte, men eg veit ikkje om ho har patent på korleis openheit skal tolkast. Men det er interessant at ho meiner det ho meiner, og vi møter ho gjerne for ein prat for å få klarlagt kva ho konkret meiner med dette, seier Øvrebø.

Men toppidrettssjefen seier dei tar til seg alle utspel som har kome i etterkant av OL.

– Vi avfeiar ingenting av den kritikken som har kome. Vi høyrer kva som blir sagt og tar det med oss inn i evalueringa vi skal ha etter at paralympisk er over, seier han til NRK.

Siste nytt

  • Snøball mot Kristoffersen

    Henrik Kristoffersen raste etter at noen i publikum kastet en snøball på ham i 2. omgang i slalåmrennet i Schladming. Nordmannen endte nok en gang på andreplass bak Marcel Hirscher.

    ddd
  • Phil Neville overtar England

    Phil Neville er ansatt som ny sjef for Englands kvinnelandslag i fotball, med har en avtale som gjelder til EM-sluttspillet i 2021.

    Det opplyste Englands fotballforbund tirsdag. 41-åringen har en lang spillerkarriere bak seg i Manchester United, Everton og på Englands landslag.

Sendeplan

Kl. Program Kanal
Slalåm, menn