Tøff etappe for dei norske: – Må vi?

Dagens etappe i Tour de France blir nok ein kamp for å komme seg innanfor tidsfrista for dei norske syklistane.

Boasson og Breen
Foto: Braastad, Audun / NTB scanpix

Frå Spania til Andorra. 184,5 kilometer, og tre førstekategoristigningar. Målgang på 2240 meter over havet. Dagens etappe i Tour de France blir nok ein knalltøff etappe der nordmennene må kjempe for å komme seg i mål tidsnok.

– I går var vi nære ved å ryke ut, og det kan bli det samme i dag, seier Alexander Kristoff før start.

Men akkurat kva som skal til for å komme innanfor, veit dei ikkje før dei nærmar seg mål.

Reknestykke

Tidsfrista blir nemleg berekna ved å plusse på ein prosent av vinnartida. Den prosenten varierer frå etappe til etappe. I tillegg blir gjennomsnittshastigheita avgjerande for kva tid ein må komme inn på for å bli med vidare i Touren.

– Det er ein vanskeleg måte å rekne det ut på, og me har eigentleg ikkje peiling på kva tidsfrista er før me kjem i mål, seier Kristoff.

CYCLING-FRA-TDF2016-DEPARTURE

VANSKELEG Å BEREGNE: Alexander Kristoff seier at at det er vanskeleg å vite eksakt kva tid ein kan komme i mål på før ein faktisk har kryssa mållinja.

Foto: KENZO TRIBOUILLARD / Afp

Uansett er det klart at det blir ein tøft for dei norske å komme innanfor tidsfrista i dag.

– Det blir nok ein tung dag, og ein kamp mot frista. Det er mentalt hardt, seier Tour-debutant Sondre Holst Enger.

– Må vi?

At det er tungt både fysisk og psykisk er Vegard Breen enig i.

– I dag vil vi berre komme til mål, men so har du tre fjell mellom deg og målstreken. Då tenkjer ein for seg sjølv «må vi?»

Med temperaturar opp mot 30 varmegrader, blir det ekstra tøft å klatre opp dei bratte fjella i dag.

– Varmen tappar deg for krefter, men det er likt for alle. Eg håpar eg har nok krefter i dag, seier Breen.

Gler seg til kviledag

Etter 9 etappar på 9 dagar, ventar kviledag for feltet i morgon. Det er det fleire som gler seg til.

– Ein kjenner at vi har køyrt nokre etappar, det er tøft for bein og musklar. Det blir godt med ein kviledag i morgon, seier Edvald Boasson Hagen.

Han meiner at dei etappane dei er inne i no er noko av det tøffaste i touren.

– I går var ein veldig tøff etappe, og i dag er den minst like tung. Det blir noko av det verste, seier Boasson Hagen.

Siste nytt

  • Suveren i toppkampen

    Ståle Solbakkens FC København slo Midtjylland 3-0 i toppkampen i Danmark. Dermed leier FCK med åtte poeng på det jyske laget når seks kampar står att.

    Dame N'Doye scora dei to siste etter at Andreas Bjelland scora først.

    Solbakken kan dermed føre FCK til seriemeisterskap for åttande gong.

    Ståle Solbakken
    Foto: Mads Claus Rasmussen / Scanpix Denmark / NTB scanpix
  • Norsk tap for Finland

    Norge tapte 3-1 for Finland i Rovaniemi i den nordiske ishockeyturneringa i dag. Finland leia 2-0 etter berre åtte minutt, før Michael Haga reduserte like før første pause.

    Finland sikra sigeren eit minutt før slutt då Norge hadde teke ut målvakta.

    Laga møtest igjen fredag.

    Michael Haga
    Foto: Fredrik Hagen / NTB scanpix
  • Jörgen Brink legger opp

    Langrennsveteranen Jörgen Brink (45) har bestemt seg for å legge opp. Det opplyser svensken på Instagram.

    Brink vil nok for alltid bli best husket for kollapsen på stafetten i VM i 2003.

    Siden 2010 har han satset på langløp, og han vant Vasaloppet tre år på rad fra 2010 til 2012.

    Jørgen Brink
    Foto: Terje Bendiksby / NTB scanpix

Sendeplan

Kl. Program Kanal