Den slovenske jenta har no 2024 poeng i den totale verdscupen. Den gamle rekorden tilhøyrde austerrikaren Hermann Maier, som oppnådde nøyaktig 2000 poeng i sesongen 1999-2000.
Og rekorden blir heilt sikkert forbetra. Det står mange renn att denne sesongen. I morgon er det super-G i Garmisch, neste helg er det slalåm og storslalåm i Oftenschwang, og deretter er det verdscup-avslutning i alle disiplinar i Lenzerheide.
Maze har allereie for lenge sidan sikra seg sigeren i verdscupen denne sesongen. Ho har vunne ni verdscup-renn hittil i sesongen, i tillegg til at ho tok gull i super-G i VM. Men sigeren i Garmisch var hennar første i utfor denne vinteren. 20 gonger i vinter har ho vore på sigerspallen.
Tina Maze er berre den tredje kvinna som har vunne verdscuprenn i alle disiplinar i same sesong. Janica Kostelic gjorde det same i 2005-06, og Petra Krohnberger klarte det i 1990-91.
Laurdag vann ho 39 hundredeler framfor Laurenne Ross og 50 føre Maria Höfl-Riesch.
Lotte Smiseth Sejersted enda på 20.-plass, slått med 2,13 av vinnaren.
