NRK Meny
Normal

Stjernene i sorg over Vilanova

Lionel Messi og ei rekke andre store fotballprofilar viser støtte etter at den tidlegare Barcelona-trenaren Tito Vilanova døydde av kreft.

Tito Vilanova

Tito Vilanova fekk bare ein sesong som hovudtrenar i Barcelona. Resten av livet blei ein tung kamp mot kreften.

Vila

Tito Vilanova var Lionel Messis sjef i 2012/2013-sesongen då Barcelona sanka heile 100 poeng i serien og vann La Liga.

Foto: GUSTAU NACARINO / Reuters
Aguero

I SORG: Sergio Agüero.

Foto: ANDREW YATES / Afp

«Eg vil aldri gløyme Tito. Eg er med deg for alltid. Masse kjærleik til familien,» skriv Lionel Messi på sin Facebook-profil.

Kondolansane florerer etter at FC Barcelona meldte om dødsfallet på sin Twitter-konto tidleg fredag kveld.

«FC Barcelona er i djup sorg. Tito Vilanova har gått bort 45 år gamal. Måtte han kvile i fred,» skriv klubben.

Frå London sender Chelsea-manager Jose Mourinho med denne meldinga:

«Tito Vilanovas bortgang er ein trist dag for fotballen, for Barcelona og aller mest for familien og vennene. Eg kondolerer på vegne av heile Chelsea Football Club i ei vanskeleg tid».

Tok over suksesslag etter Guardiola

Vilanova var Pep Guardiolas førstelagsassistent i den katalanske storklubben frå 2008.

45-åringen fekk kreft i 2011, men kom likevel tilbake til trenarbenken trasstilbakefall.

I 2012 tok han over som hovudtrenar for Barcelona, men kreften gjorde at han til slutt måtte forlate sjefsstolen i fjor.

Hasteoperert

Torsdag denne veka meldte spanske medier at Vilanovas tilstand var svært alvorleg.

Spanjolen fekk nyleg ein hasteoperasjon, men livet stod ikkje til å redde.

Vilanova blei 45 år gamal.

Kreften spolerte ei stor trenarkarriere

Petter Veland kommenterer spansk fotball for CMore. Han vil hugsa Vilanova som ein unik overraskingsmann.

– Han tok over som hovudtrenar etter Guardiola, og eit lag som hadde vunne alt som var å vinne. Mange trudde Barcelona var over middagshøgda, men Vilanova førte klubben til ny serietrumf. I tillegg tok Barcelona fleire poeng i La Liga under Vilanova enn dei nokon gang hadde gjort under Guardiola, seier Veland.

Det stemmer godt. For i 2012/2013-sesongen enda Barcelona på 100 poeng. Lag nummer to, Real Madrid, var sjanselause i kampen om trofeet.

Hovudstadsklubben tok «bare» 85 poeng på 38 kampar.

Men større triumfar blei det ikkje på 45-åringen.

– Han ville fått ei stor trenarkarriere om det ikkje var for kreften, seier Veland.

Ramos og Aguero i sorg

Store fotballstjerner kondolerer på Twitter i kveld.

«Stor støtte til Titos familie og vener. Eit godt eksempel på kampvilje og styrke. RIP (Kvil i fred)», skriv Real Madrid-stjerna Sergio Ramos.

Også Manchester Citys Sergio Agüero har levert ei siste helsing:

«Med tungt hjarte etter å ha blitt fortalt om Vilanovas bortgang. Tankane går til familien hans. RIP,» skriv Agüero.

«Kvil i fred, Tito Vilanova,» skriv Arsenals Mesut Özil.

Les meir under biletet...

Tito Vilanova

Tito Vilanova løftar La Liga-trofeet saman med Eric Abidal, som også blei ramma av kreft i 2011. Abidal vann kampen mot sjukdommen og speler i dag for Monaco i fransk fotball.

Foto: ALBERT GEA / Reuters

Opnar Camp Nou

Barcelona har sendt ut ei lang pressemelding etter dødsfallet.

Der opplyser dei om at Barcelonas gigantiske arena fredag kveld står open for fans som vil uttrykke sympati og sørge over Vilanova.

«I løpet av dei neste timane vil Barcelona opna eit område ved hovedtribunen på Camp Nou for folk som vil uttrykke sine kondolansar. Det vil vere opent for alle som ønskar å uttrykke sin sympati og sin kjærleik til avdøde Tito Vilanova. Det vil også komme informasjon om den religiøse seremonien som vil bli avholdt i løpet av dei kommande dagane,» skriv klubben i meldinga.

Siste nytt

  • City vann trass to Napoli-straffer

    Manchester City slo Napoli 2-1 i meisterligaen. Raheem Sterling og Gabriel Jesus gav City 2-0 tidleg.

    Så stoppa det opp for engelskmennene. Napoli bomma først på straffe, men Amadou Diawara scora då Napoli fekk ny straffe.

    City har dermed vunne alle sine tre kampar i gruppespelet.

  • Start med langt steg mot opprykk

    Start slo Ranheim 4-2 og har stø kurs mot opprykk til eliteserien.

    Andreas Rye og Mads Reginiussen gav Ranheim 2-0. Men to av Niels Vorthoren gav 2-2 ved pause, og to av Steffen Lie Skålevik sikra Start-siger.

    Start - Ranheim
    Foto: Tor Erik Schrøder / NTB scanpix

Sendeplan

Kl. Program Kanal