Stabæk stjel stjernespelar frå erkerivalen

Etter fire sesongar i Røa, vel landslagsspiss Elise Thorsnes frå Leikanger å gå til erkerival Stabæk.

Elise Thorsnes

TIL STABÆK: Leikangerjenta Elise Thorsnes er tapt for årets tapande cupfinalist, Røa. No går ho til erkerival Stabæk og blir lagveninne med ei anna sognajente, Siri Nordeide Grønli frå Høyanger.

Foto: Terje Bendiksby / NTB scanpix

Elise Thorsnes har dei siste sesongane vore ein av profilane i toppserien, har etablert seg på landslaget og har vunne to serie- og to cupmeisterskap på dei fire åra ho har spelt med Røa.

Dei to siste sesongane enda det derimot enda med cupfinaletap, mot nettopp Stabæk.

– Det har vore eit vanskeleg val. Eg var nøgd med tida i Røa, men føler det er rett å prøve noko nytt for å halde motivasjonen oppe. Eg har veldig stor tru på Stabæk, seier ho til NRK.no.

Trengde nytt miljø

Sesongen 2012 har ikkje vore noko opptur for Thorsnes og Røa. Dei makta ikkje forsvare seriemeisterskapen og måtte til slutt ta til takke med fjerdeplass.

Thorsnes vart Toppseriens suverene toppscorar med 27 mål og toppa dette med å bli kåra til årets spelar. Skader gjorde at ho ikkje fekk den oppkøyringa som ho ynskte til årets sesong. Ho enda til slutt med 11 seriemål.

– Eg kjende eg treng noko nytt for å få lysta tilbake og satse for fullt mot EM. Først og fremst treng eg nytt miljø, ny motivasjon og litt nye impulsar for å satse skikkeleg og bli best mogeleg, seier 24-åringen.

Valde erkerivalen

Trass nedturen i årets sesong, har Røa-spissen har nok av tilbod å velgje mellom. Ho har høyrt frå dei fleste toppserieklubbane og hatt ubesvarte anrop frå utlandet som ho reknar med er frå klubbar.

Leikangerjenta trivast godt i Oslo og ynskte difor å bli verande i hovudstaden. Med fleire toppserieklubbar i Oslo-området, fall valet på erkerival Stabæk.

– Det er vel kanskje den verste klubben ein spelar på Røa kan gå til, men dei har eit bra og rutinert lag. Dei har ein trenar med sterk og klar filosofi som eg trur eg kan lære mykje av. Samstundes spelar det litt inn at eg har gode venner der, seier Thorsnes.

Siktar mot utlandet

Leikangerjenta har vunne to cupmeisterskap og to seriemeisterskap med Røa etter overgangen frå Arna Bjørnar. Avtalen med Stabæk gjeld eitt år. Då er ho ikkje framand for å prøve lukka i utlandet.

Og då vil EM i fotball vere eit godt utstillingsvindauge.

– Det kjem jo heilt an på korleis neste sesong blir. Eg ynskjer å stabilisere meg på eit høgt nivå før eg reiser til utlandet, slik at eg ikkje går på ein smell og må reise heim etter eitt år, seier ho.

Nøgd sportsleiar

Sportsleg leiar i Stabæk, Richard Jansen, seier til budstikka.no at det er tredje gongen han prøver å hente leikangerjenta til klubben.

Thorsnes blir den andre sognajenta i bærumsklubben. Også høyangerjenta Siri Nordeide Grønli spelar i Stabæk. Medan Nordeide Grønli spelar i forsvar, er Thorsnes er kjend for å vere ein rask og fysisk sterk angrepsspelar.

– Vi har ynskt oss Thorsnes i fleire år. Ho passar perfekt i klubben med tanke på spelestil, vi trur vi kan gjere henne endå betre, seier Jansen til NRK.no.

Siste nytt

  • Kvadruppel bogey øydela for Hovland

    På 17 hol storspela Viktor Hovland i golfturneringa i Florida, og var på veg mot det heilt store. Då hadde han sju under par, inkludert fem strake birdiar, og åtte under par samanlagt etter to dagar. Han låg på sjetteplass.

    Men på det siste holet møtte han veggen. Han brukte åtte slag på par 4-holet, ein kvadruppel bogey. Sju under par blei til tre under for dagen.

    Han var likevel på 15-plass då han var ferdig med runden, men ikkje alle konkurrentane var ferdige.

  • Birkebeinerrennet avlyst også i år

    Også i år er Birkebeinerrennt avlyst på grunn av korona og smittefrykt.

    Arrangørane melder at restriksjonanen gjorde det umogeleg å arrangere det tradisjonsrike rennet frå Rena til Lillehammer. Det skulle ha gått 20. mars.

    – Det er trist å bli tvinga til å avlyse for andre år på rad, seier dagleg leiar Eirik Torbjørnsen.

    Eliteløparane som skulle delteke, får eit erstatningsrenn ved Åre i Sverige.

    Birkebeinerrennet 2016
    Foto: Geir Olsen/BIRKEN
  • VG: To positive koronaprøver i VM

    To mennesker som er akkrediter til VM har testet positivt for koronaviruset og er isolert i Oberstdorf. Det bekrefter mediesjef Miriam Frietsch overfor VG.

    Arrangøren vil ikke svare på om de to positive prøvene gjelder utøvere, ledere eller mediefolk som er på plass i VM-byen.

    Ifølge Frietsch er det gjennomført 9000 prøver siden VM startet. Antallet inkluderer både hurtigtester og ordinære PCR-tester.

    VM på ski 2021 i Oberstdorf
    Foto: Lise Åserud / NTB

Sendeplan

Kl. Program Kanal