NRK Meny
Normal

Svindals suksesstrenar blir friidrettssjef

Tidlegare landslagstrenar Håvard Tjørhom (35) skal bruke suksess-opskrift frå alpintsporten til å løfte norsk friidrett.

Håvard Tjørhom

NY TOPPIDRETTSSJEF: Håvard Tjørhom.

Foto: Karlsen, Anette / NTB scanpix

– Håvard Tjørhom har utvikla ein toppidrettskultur i alpint som han vil overføre til oss, seier friidrettspresident Tore Hordnes.

35 år gamle Tjørhom var sjef for utøvarar som Aksel Lund Svindal og Kjetil Jansrud på det norske alpintlandslaget i fem år før ga seg i fjor.

I 2015 blei han kåra til «Årets trenar» på Idrettsgallaen.

Dei fire neste åra blir han toppidrettssjef i Norges Friidrettsforbund.

Jansrud: – Smart

Under Tjørhoms leiing har både Kjetil Jansrud og Henrik Kristoffersen tatt steget opp blant dei aller beste i alpintsporten.

Jansrud meiner friidrettsforbundet har gjort ein strålande signering.

– Det er kanskje dette friidrettsforbundet treng. Ein leiar som ikkje har hatt noko med friidrett å gjøre før. Han hadde ikkje noko spesiell erfaring då han kom inn i alpintgruppa, men gjorde ein ekstremt god jobb for oss, seier Jansrud.

– Han får til veldig mykje og er tydeleg på dei endringane han vil ha. Han er kanskje ikkje ein sjef som vil vere så synleg, men når han seier ifra så smell det skikkeleg, legg Jansrud til.

Suksessopskrift

Tjørhom erstattar sportssjef Ronny Nilsen.

– Eg trur eg kan komme inn med nye auger i friidrettsforbundet. Eg har vore del av ein kultur der eg har lært mykje av utøvarane og dei andre i alpintmiljøet. No vil eg bruke kunnskapen i friidretten, seier Tjørhom.

– Kor vil du seie at norsk friidrett står i dag?

– Den er vel ikkje der ein ønskar at den skal vere, seier Tjørhom, og siktar til den resultatmessige bølgedalen norsk friidrett fortsatt er i akkurat no.

– Men det er mykje positivt også. Det blir jobba godt, men ein er bare ikkje heilt der ein vil vere, seier Tjørhom.

Også då 35-råingen frå Sirdal ga seg på landslaget fekk han tilbod om jobben, men takka først nei.

– Timingen var litt dårleg då. Eg var med alpintlaget i åtte år. Det innebar mykje reising. Det var bra å ha eit år vekke frå toppidretten. No kjenner eg at eg er veldig motivert og har lyst til å bidra, seier Tjørhom.

Håvard Tjørhom ble Årets trener.

ÅRETS TRENAR I 2015: Alpintsjef Håvard Tjørhom.

Siste nytt

  • To mål av Zahid

    Ghayas Zahid scora to mål då Apoel slo Ominia 3-1 i lokaloppgjeret i Nikosia på Kypros i kveld.

    Apoel ligg på fjerdeplass, 6 poeng bak leiande AEK Larnaca men med to kampar til gode.

    Ghayas Zahid
    Foto: FLORIAN CHOBLET / AFP
  • Alle norske kvalifisert

    Alle nordmennene er kvalifisert til opningsrennet i verdscupen i Wisla søndag. Robert Johansson på 10.-plass var best.

    – Dagen ber litt preg av at det er tidleg på sesongen og hopparane har masse å gå på, seier sportssjef Clas Brede Bråthen.

    Laurdag er det laghoppeing i Wisla. Forfang, Fannemel, Tande og Johansson er det norske laget.

  • Lorentzen vann igjen

    Håvard Holmefjord Lorentzen tok sin andre siger for dagen og knuste parkamerat Kai Verbij med 1.08,22. Verbij blei nr 2 med 1.08,47.

    Han vann 500 meter tidlegare i dag.

Sendeplan

Kl. Program Kanal
Cupfinale J19: Arna-Bjørnar - Fortuna
Cupfinale: J19: Arna-Bjørnar - Fortuna
Cupfinale J19 Arna-Bjørnar - Fortuna