Svindal tilbake på topp: – For ein ekstrem idrettsmann!

Aksel Lund Svindal hadde ikkje køyrt utforrenn sidan VM i februar. Men i dag var han igjen best og tok sin fyrste verdscupsiger på to år – med knappast mogleg margin.

Svindal jublar i Lake Louise

PÅ TOPP: To år etter hans siste verdscupsiger var Aksel Lund Svindal igjen på toppen av sigerspallen.

Foto: Jeff McIntosh / Ap

– Det var sinnssjukt herleg. Eg var litt ute å køyre i starten, men fekk det perfekt til mot slutten og fekk opp god fart.

– Er du tilbake i verdstoppen nå?

– Ja, det må eg vel kunne seie nå, gliser Aksel Lund Svindal.

– Ein ekstrem idrettsmann

Frå startnummer to leia Peter Fill gjennom heile rennet, og det gjorde han også på alle mellomtider før mållinja på Svindal.

Men Svindal fekk til ein forrykande avslutning og i mål hadde han det eine hundredelssekundet han trengde.

Se utforrennet til Aksel Lund Svindal fra Lake Louise her. Komm.: Andreas Toft og Marius Arnesen.

– Han viser ei rå styrke og kva slags ekstrem idrettsmann han er. På toppen gjer han ein feil, men han klarer likevel å vinne. Dei siste 12 sekunda er han klart raskast. Aksel viser verkeleg at han er tilbake som verdas beste fartskøyrar, seier NRKs ekspertkommentator Marius Arnesen.

Svindal tek sin sjuande verdscupsiger i canadiske Lake Louise, på ein dag da fjorårsvinnar Kjetil Jansrud skuffa. Men han innrømmer at han var nervøs da han stod på start.

– Når alt ligg til rette slik som i dag har ein så utruleg lyst til gripe moglegheita. Så eg sette ekstra press på meg sjølv i dag og det kribla nok litt ekstra, seier Svindal til NRK etter målgang.

Peter Fill blir nummer to og amerikanske Travis Ganong tek den siste pallplassen 0,36 bak Svindal. Kjetil Jansrud blir til slutt nummer 9.

Strålande fornøgd Aksel Lund Svindal

STORT GLIS: Aksel Lund Svindal gliste stort etter sin 26 verdscupsiger i dag.

Foto: Tommy Barstein

Storfavoritt i morgon

Arnesen meiner Svindal viste stor rutine i sitt comeback i fartsdelen av verdscupen.

– Han får gjort det han er best på og får køyrt ut dei lange svingane som han har jobba mykje med. I tillegg viser han igjen at han trivst godt på nordamerikansk snø, så dette kan bli moro framover, seier Arnesen.

For det er i super-G Aksel Lund Svindal verkeleg har vore dominant i den canadiske skimetropolen med fire sigrar. Dermed er han sjølvsagt mannen å slå i morgondagens renn.

– Nå har han klart målet sitt som var å vinne det fyrste rennet. Det er ikkje nokon grunn til at han ikkje skal vere like rask i morgon. Han må nesten gjere ein stor feil for å ikkje vinne, om han køyrer på same måte som i dag, seier eksperten som tidlegare var norsk landslagstrenar.

View this post on Instagram

1/100 ahead of this guy!

A post shared by Aksel Lund Svindal (@asvindal) on

Siste nytt

  • Suveren i toppkampen

    Ståle Solbakkens FC København slo Midtjylland 3-0 i toppkampen i Danmark. Dermed leier FCK med åtte poeng på det jyske laget når seks kampar står att.

    Dame N'Doye scora dei to siste etter at Andreas Bjelland scora først.

    Solbakken kan dermed føre FCK til seriemeisterskap for åttande gong.

    Ståle Solbakken
    Foto: Mads Claus Rasmussen / Scanpix Denmark / NTB scanpix
  • Norsk tap for Finland

    Norge tapte 3-1 for Finland i Rovaniemi i den nordiske ishockeyturneringa i dag. Finland leia 2-0 etter berre åtte minutt, før Michael Haga reduserte like før første pause.

    Finland sikra sigeren eit minutt før slutt då Norge hadde teke ut målvakta.

    Laga møtest igjen fredag.

    Michael Haga
    Foto: Fredrik Hagen / NTB scanpix
  • Jörgen Brink legger opp

    Langrennsveteranen Jörgen Brink (45) har bestemt seg for å legge opp. Det opplyser svensken på Instagram.

    Brink vil nok for alltid bli best husket for kollapsen på stafetten i VM i 2003.

    Siden 2010 har han satset på langløp, og han vant Vasaloppet tre år på rad fra 2010 til 2012.

    Jørgen Brink
    Foto: Terje Bendiksby / NTB scanpix

Sendeplan

Kl. Program Kanal