Svindal trur på comeback i sesongopninga

Ting ser plutseleg mykje lysare ut for Aksel Lund Svindal. No trur alpinisten at han er klar for sesongopninga i fartsdisiplinar.

Lund svindal

ATTENDE I TRENING: Aksel Lund Svindal er tilbake i alpinbakken og utfordrar lagkameratane.

Foto: Poppe, Cornelius / NTB scanpix

– Eg synest det går bra. Det går veldig mykje betre enn i Chile i september. Og det er bra, for då var eg ikkje i nærleiken. Eg trur eg er på start i Val d'Isere seier Aksel Lund Svindal til NRK.

Vegen attende frå skrekkfallet i utforrennet i Kitzbühel har vore lang for Lund Svindal. Korsbandet rauk, det gjorde også resten av sesongen. Og tidlegare i haust kunne han avsløre at skadeomfanget var større enn han hadde sagt.

Men trass at han ikkje har fått trent like hardt som han har ønska på over ni månadar, er han meir optimistisk enn på lenge.

– Kjenner skada

Skadeomfanget etter fallet var faktisk so stort at ikkje berre denne sesongen, men heile karrieren til Lund Svindal stod i fare. No er derimot 33-åringen tilbake på trening med resten av landslaget.

– Eg ligg heilt greitt an på trening. Eg er ikkje so god som eg har vore på mitt beste, men ikkje so langt unna at det er håplaust. Det fungerer sopass bra at eg bør vere klar for sesongstart.

Sjølv om Lund Svindal er attende på trening, innrømmer alpinisten at skadefråveret har konsekvensar.

SKI-ALPINE-WORLD-MEN

FALL: Slik såg det ut då Aksel Lund Svindal gjekk over ende i den berykta Hahnenkamløypa.

Foto: JOE KLAMAR / Afp

– Eg merkar at det har vore ni månadar utan å køyre ordentleg. Eg har litt å ta igjen på dei andre.

Men det er ikkje berre farten som er utfordringa for 33-åringen. Han må også slåss med smertene kvar gong han tek på seg skia.

– Eg kjenner skada. Men eg brukar dag etter dag på å bli meir trygg. Eg må tilvenne meg gradvis. Sjølv om det er vondt, treng det ikkje nødvendigvis å vere farleg.

– Over 50 prosent sjanse for start

Verdscuprenna i Lake Louise og Beaver Creek er avlyst på grunn av snømangel, og det første rennet i fartsdisiplinane blir dermed i franske Val d'Isere helga 2. til 4. desember.

Det betyr at Svindal får ei ekstra veke til å gjere seg klar til renn.

– Lake Louise har vore ein fin stad å starte. Men at det omveltingar, kan eg i alle fall late som er ein fordel for meg, seier Svindal til NRK.

– Du er klar for start, du?

– Eg har ikkje sagt til nokon at eg ikkje skal starte. Det er godt over 50 prosent sjanse for at eg startar, seier Svindal og ler.

Også sportssjef på alpinlandslaget, Claus Ryste, er positiv på Lund Svindals vegne.

– Me jobbar framleis med målet om at han skal nå sesongopninga, so tek me oppsummering når det nærmar seg.

Siste nytt

  • Martial redda uavgjort for United

    Anthony Martial scora eit svært viktig bortemål for Manchester United mot Club Brügge i 16-delsfinalen i Europaligaen mot Manchester United. Den belgiske klubben starta best og tok tidleg leiinga ved Emmanuel Dennis etter 15 minutt. Solskjærs menn tok seg opp utover kampen og etter 36 minutt sette Martial iskaldt inn utlikninga. United pressa på og var nærmast sigeren mot slutten, men har likevel skaffa seg eit godt utgangspunkt for avansement før heimemøte på Old Trafford.

    Anthony Martial
    Foto: JOHN THYS / AFP
  • Jumbolaget slo Oilers

    Oslo-laget Grüner overraska heile Hockey-Noreg da dei slo serievinnar Stavanger Oilers 4-3 torsdag. Grüner ligg heilt desidert sist i serien med heile 27 poeng opp til Manglerud Star på plassen over. Likevel klarte dei altså å ta skalpen til Oilers som alt har vunne serien denne sesongen.

    Gruner
    Foto: Annika Byrde / Annika Byrde
  • Noreg til semifinale i bandy-VM

    Dei norske bandykvinnene var sjanselause mot Sverige og tapte heile 11-1 på Frogner stadion. Likevel er dei klare for semifinale fredag. Motstandar der blir Russland, som Noreg tapte 2-0 for tidlegare torsdag. Sverige møter Finland i den andre semifinalen. Noreg starta VM med siger mot USA og Finland og klarte seg også greitt mot favoritten Russland. Sverige og Russland har møtt kvarandre i alle finalane i VM sidan meisterskapet blei arrangert for fyrste gong i 2004.

    Sverige mot Noreg på Frogner stadion i bandy-VM
    Foto: Fredrik Hagen / NTB Scanpix

Sendeplan

Kl. Program Kanal