Sven Kramer: – Held fram etter årets sesong

Den nederlandske skøytekongen vil også gjerne stille opp i EM i vinter.

Sven Kramer

GIR SEG IKKJE: Sven Kramer har ingen planar om å legge opp etter denne sesongen. Han vil halde fram kanskje to-tre sesongar til

Foto: VINCENT JANNINK / AFP

– Eg kjem definitivt ikkje til å slutte etter denne sesongen, seier Sven Kramer til NRK.

– Eg har det moro med livet som skøyteløpar.

Kramer tek dermed livet av spekulasjonane om at årets OL-sesong blir den siste for det nederlandske skøyteesset – kanskje den største skøyteløparen i historia.

Han har vunne nesten alt som er verd å vinne, og kan ta sitt tiande allround-VM på heimebane i Amsterdam i mars. I mellomtida har han kanskje også sikra seg den einaste tittelen han saknar: OL-gullet på 10.000 m.

Er ikkje mett enno

Derfor har mange trudd at 31-åringen er mett. Men det er han ikkje.

– Eg har lyst å halde fram med skøyter. Eg veit ikkje kor mange år, kanskje eitt eller to eller tre. Eg har ikkje teke standpunkt til det enno. Eg har det moro, og det er det viktigaste, seier Kramer.

Han og resten av det nederlandske laget reiste til Italia etter løpa i Calgary sist helg, der han vann 5000-meteren. Dei stiller derfor ikkje i verdscupløpa i Salt Lake City komande helg.

– Nei, vi har OL-uttak i romjula, og vil derfor tilbake til Europa no, seier Kramer.

Vil stille opp i EM

Han ser heller ikkje bort frå at han stiller i EM i Kolomna i Russland første helga i januar. Årets EM omfattar berre enkeltdistansar, og Noreg sine beste skøyteløpare har allereie bestemt seg for å ikkje stille opp.

– Om alt går bra, vil eg gå i EM, seier han.

Og han ønskjer å ta tilbake verdsrekorden på 10.000-meteren. Den mista han til nederlandsk-kanadiske Ted-Jan Bloemen som gjekk på 12.36,30 for to år sidan.

– Ja, sjølvsagt vil eg det. Kanskje i OL i Korea, seier han. I prøve-OL sist sesong gjekk han på 12.38,89, og OL-arenaen er låglandsbane.

– Det er fullt mogeleg å ta rekorden der i OL. Om det ikkje går, prøver eg neste sesong, seier Sven Kramer.

Siste nytt

  • Juventus-toget dundrer videre

    Ingen ser ut til å kunne stoppe Juventus' parademarsj i Serie A. Douglas Costa, Emre Can og Daniele Rugani scoret målene da Torino-laget slo Chievo Verona og tok sin 18. seier for sesongen. Juventus topper tabellen ni poeng foran Napoli.

    Juve - Chievo 3-0
    Foto: Alessandro Di Marco / AP
  • Danmark sikret seier

    I kveldens siste kamp fra håndball-VM i Danmark og Tyskland vant vertsnasjon Danmark 26-20 over Egypt. Resultatet gjør at Danmark topper gruppe to med åtte poeng, to foran Norge og Sverige.

    Danmark - Egypt
    Foto: Henning Bagger / AP
  • Tobias Heintz tapte i Tyrkia-debut

    Tobias Heintz ble nylig solgt fra Sarpsborg 08 til tyrkiske Kasimpasa. 20-åringen fikk mandag sine første minutter på øverste nivå i tyrkisk fotball som innbytter i 0-1-tapet hjemme mot Rizespor. Kasimpasa lå allerede under da Heintz kom inn.

    Europa League: Sarpsborg 08-Besiktas (2-3)
    Foto: Terje Pedersen / NTB scanpix

Sendeplan

Kl. Program Kanal