NRK Meny
Normal

Suveren Bjørgen tok sitt 16. VM-gull – har aldri vunne med meir

LAHTI/OSLO (NRK): Marit Bjørgen var totalt suveren og har aldri vunne eit gull med større margin. Men eigentleg ville skidronninga berre reise heim før start.

Marit Bjørgen etter 10 kilometer

NYTT GULL: Marit Bjørgen var suveren frå start til mål på dagens 10 kilometer intervallstart.

Foto: Tore Meek / NTB scanpix

Laster innhold, vennligst vent..

– Eg var frykteleg nervøs og ville eigentleg berre reise heim, seier Marit Bjørgen og ler i sigersintervjuet rett etter målgang.

Burde ha lagt opp

For sjølv om Marit Bjørgen hadde heile 15 VM-gull bak seg var ho svært nervøs før dagens 10 kilometer klassisk.

– Eg spurde meg sjølv fleire gonger kvifor eg driv med dette. Men det er eigentleg ein god eigenskap. Nervøsiteten gjer meg ekstra skjerpa, og eg trur ikkje eg hadde gått bra på ski utan den, fortel ein glad Bjørgen.

Bjørgen får gullklem

GULLKLEM: Marit Bjørgen får gullklem av Heidi Weng som til slutt enda på fjerdeplass.

Foto: Lise Åserud / NTB scanpix

Og gullet var ikkje berre Rognes-jentas 16. gull, det var også gullet med størst sigersmargin.

Før dagens gull var den største sigersmarginen 8,9 sekund frå 15-kilometeren med skibyte i OL i Sotsji, da Bjørgen vann med 8,9 sekund.

I dag tok gullet med heile 41 sekund ned til Charlotte Kalla og 55 sekund ned til bronsevinnar Astrid Uhrenholdt Jacobsen.

– Dei andre er rett og slett ikkje i nærleiken. Ein må undre seg om nokon blir større nokon gong, seier kommentator Jann Post i det Marit Bjørgen jublar over målstreken.

Tok kommandoen frå start

Det var aldri noko tvil på dagens 10 kilometer klassisk.

Marit Bjørgen starta bak Charlotte Kalla og tok leiinga med 4,9 sekund på den svenske jenta på fyrste mellomtid.

Det var forventa at den finske heimefavoritten Krista Pärmäkoski skulle bli den verste rivalen, men også ho var over fem sekund bak etter 1,5 kilometer.

Weng, Østberg og Kowalczyk var heller ikkje noko nærmare, og det skulle dei heller aldri bli.

– Eg er utruleg fornøgd. Eg synest eg gjekk fort på fyrsterunden, men fekk ikkje så

Charlotte Kalla hoppande glad etter sølv

SØLVJENTE: Charlotte Kalla hadde ein svært tung sesongstart, men kom i form til tide til VM og har nå både bronse og sølv i Lahti.

Foto: KAI PFAFFENBACH / Reuters

mange sekund ned til Kalla, så begynte sekunda å renne på andrerunden. Det var ei fantastisk god kjensle, fortel Bjørgen.

Kalla: – Det har vore ein berg og dalbane

Charlotte Kalla kom nærmast, men var til slutt over 40 sekund bak Bjørgen i mål. Den svenske jenta var svært lukkeleg etter å ha tatt sin andre medalje i meisterskapet.

– Det har vore mange kjensler dei siste månedane. Sidan Touren har det blitt betre, men det har vore ein berg og dalbane. Dei siste vekene har eg fått tilbake den gode kjensla og følt meg roleg. Det har vore herleg før meisterskapet, seier Kalla.

Astrid Uhrenholdt Jacobsen fekk til ein fantastisk avslutning og sikra ein svært gledeleg bronsemedalje.

Sjølv om Jacobsen har VM-gull frå før, var dette ein av hennar aller største dagar i karrieren.

– Eg trur det er det største eg har gjort. Det var stort i Sapporo da eg tok VM-gull, men det ligg hardare jobb bak denne medaljen, seier Jacobsen.

Laster innhold, vennligst vent..

Siste nytt

  • Sendte Norwich ut på staffer

    Chelsea fikk både Pedro og Álvaro Morata utvist, og trengte straffekonk for å slå ut Norwich i FA-cupens 3. runde.

    Michy Batshuayi scoret for Chelsea, mens Jamal Lewis sørget for 1–1 på overtid.

    Chelsea møter Newcastle i 4. runde.

     Alvaro Morata
    Foto: Adrian Dennis / AFP
  • Russer-høring starter 22. januar

    CAS-høringen av de OL-utestengte russerne starter 22. januar, melder idrettens voldgiftsrett (CAS) i en pressemelding. Blant utøverne som skal inn til høring er Aleksandr Legkov, Maksim Vylegzjanin og Ivan Skobrev.

    Totalt skal 42 russere avgi sin forklaring i Lausanne fra 22. til 27. eller 28. januar.

    Russian Doping Sochi
    Foto: Charlie Riedel / AP
  • Espanyol senket Barcelona

    Espanyol tok en svært populær 1-0-seier over Barcelona i kvartfinalen i den spanske cupen onsdag kveld. Det er Barcelonas første tap siden 16. august. Returoppgjøret spilles på Camp Nou neste torsdag.

    Oscar Melendo scoret kampens eneste mål.

    Spanish King's Cup - Espanyol vs FC Barcelona - Quarter-Final - First Leg
    Foto: Albert Gea / Reuters

Sendeplan

Kl. Program Kanal
V-cup alpint: Trening utfor, menn
OL-profiler: Tiril Eckhoff
Vinterstudio
Vinterstudio
V-cup skiskyting: Sprint kvinner
V-cup skiskyting: Sprint kvinner
Vinterstudio
Vinterstudio
VM skiflyging: Kvalifisering
VM skiflyging: Kvalifisering
EM kunstløp: Friløp, par