Hopp til innhold

Superstjerna etter nytt kriserenn: – Det er ei skam

Frå éi veke til ei anna gjekk ho frå å vere verdas beste skiskyttar til å vere den dårlegaste skyttaren i verdscupen. Tre år seinare er problemet framleis uløyst for Lisa Vittozzi, som tabba seg ut igjen fredag.

TABBE: Sjå Vittozzi tabbe seg ut her.

– Det er ei skam. Eg skaut berre fire skot, men eg oppdaga ikkje at den eine hadde falle ut. Så eg trudde eg var ferdig. I dag var det berre eit veldig dårleg løp, seier hovudpersonen.

Forvirringa var total då den italienske skiskyttaren reiste seg opp og gjekk vidare etter berre å ha losna fire av fem skot på den første liggjande skytinga. Ho trefte ikkje på nokon av dei fire forsøka.

– Det er heilt forferdeleg å sjå på, kommenterte Ola Lunde.

Vittozzi skrudde og skrudde, så heilt rådlaus ut, og gjekk vidare – tilsynelatande med eitt skot igjen i børsa.

– Dette blir disk antakeleg, sa Lunde.

Det vart avkrefta av Borut Nunar, renndirektør i IBU.

– Ho er ikkje diskvalifisert. Ho skaut openbert berre fire gonger, men vi fann ei kule på matta, så det har nok skjedd ein feil. Vi veit ikkje kvifor ho ikkje hadde eit ekstra skot i våpenet, men det kan skje viss ein bommar fire gonger. Ho har fått to minutts tillegg i tida for ikkje å ha skote fem skot, og også fem tilleggsminutt for ikkje å ha fått ned nokon av blinkane.

Dermed fekk stjerna sju minutt tillegg berre etter den fyste skytinga. Etter fire skytingar, hadde ho fjorten tilleggsminutt.

Dagens kriserenn kom berre i tillegg til dei mange nedturane Vittozzi har hatt i det siste.

Lisa Vittozzi

MYSTERIUM: I 2019 var Vittozzi i ferd med å bli verdas beste skiskyttar. No er ho umogeleg å bli klok på.

Foto: JONATHAN NACKSTRAND / AFP

– Skikkeleg tungt

Det er skikkeleg tungt. De siste tre åra har eg ikkje vore der eg skal vere. Eg vil tilbake til toppen, men det har vore så mange dårlege opplevingar, sa Lisa Vittozzi til NRK før fredagens renn.

For tre år sidan låg ho an til å vinne verdscupen og overta skiskyttartrona, berre 24 år gammal. Men like før sesongslutt skjedde det noko med Italias Lisa Vittozzi.

Liggskota sat plutseleg ikkje, og treffprosenten fall dramatisk. Med det glapp også samanlagdsigeren, og tre år seinare er problema verre enn nokon gang.

Ho er nede på 62,5 prosent på liggjande denne sesongen. Det er ubegripeleg svakt, meiner NRKs ekspert Lunde.

Etter rennet torsdag er treffprosenten hennar på 58,9 prosent.

Utfordra superstjerna

Før VM i Östersund i 2019 kjempa to italienske løparar om å vinne verdscupen i skiskyting. To veker av sesongen stod att. Dorothea Wierer med sin stjernestatus blei utfordra av den lågmælte Vittozzi. Stemninga dei imellom var ikkje den aller beste.

Vittozzi har vore open om deira kjølige forhold.

Dei står fram jo som veldig ulike. Eg trur nok ikkje samarbeidet var all verda, nei. I dag er dei jo i kvar si treningsgruppe også, seier Ola Lunde.

Wierer var sterkast av dei i løypa den sesongen. På standplass var Vittozzi heilt overlegen. Ho kom til Östersund med ei treffprosent på 92, både på liggjande og ståande. Men under meisterskapen blei ho plutseleg ei helt anna.

Ho tok rett nok ein individuell sølvmedalje på 15 kilometer. Men resten av løypene fortalde at Vittozzi var på veg til å miste det. Nesten halvparten av skota i liggjande var bomskot.

Likevel var Wierer og Vittozzi helt likt før de tre siste renna i Oslo.

2020 Biathlon World Championships

KJØLIG: Stemninga mellom Vittozzi (til venstre) og Dorothea Wierer er ikkje den beste.

Foto: LEONHARD FOEGER / Reuters

– Overraska

Verdscupavslutninga i Holmenkollen blei et mareritt. Vittozzi bomma fem gonger på sprinten og kom ikkje med på jaktstarten. Wierer fekk krystallkula utan å måtte kjempe veldig for den.

Eg hugsar eg møtte henne i Holmenkollen. Ho var sjølvsagt ekstremt skuffa. Då prøvde eg å si at di tid kjem, men vi ventar jo ennå, seier NRKs ekspert Synnøve Solemdal.

I skiskyting kan éin dag forandre alt. Eg tenkjer på det som skjedde som ein motivasjon, at det kan snu like fort den andre vegen, seier Vittozzi.

For problemet har berre forverra seg. Skrekkavslutninga i 2019 gjorde at treffprosenten i liggjande for sesongen falt til 83,6. Året etter var talet 78,8 – altfor lite til å henge med i toppen.

Førre sesong var treffprosenten så vidt over 70. Og denne sesongen er Vittozzi svakast av alle som har tatt verdscuppoeng. Berre 62,5 av skota i liggjande stilling er treff.

Sjølvtilliten er sikkert heilt borte. Eg er overraska, for når ein først har kunne liggjande skyting, så kan ein det. Det er litt som å sykle. Men ein del av seriane er sånn at ein person heilt utan trening kunne skote betre, seier Solemdal.

– Ho sette meg ut

Verdenscup skiskyting.

EKSPERTAR PÅ FØRSTEETAPPE: Synnøve Solemdal og Lisa Vittozzi har konkurrert mot kvarandre mange gonger.

Foto: Lise Åserud / NTB

Då skulle ein tru at Vittozzi er eit usikkert kort på stafett. Men sanninga er at Italia nesten alltid vekslar først når ho går. Treffprosenten på liggjande er svært respektable 86,5.

Lisa har revolusjonert førsteetappane i skiskyting. Ho sette meg ut då ho kom inn i verdscupen, med sine ekstremt raske førsteseriar, seier Synnøve Solemdal, som har gått førsteetappe for Noreg mange gonger.

Eg veit ikkje kva som er løyndomen. Men eg trur det berre handlar om at eg klarer å ha det gøy, seier Vittozzi.

Seinast i Ruhpolding sist helg følgde ho verdscupleiar Marte Olsbu Røiseland helt til veksling.

I villreie

Men individuelt er hennar 31 bom på liggjande 23 bom meir enn det Røiseland har denne sesongen.

Alle seier at «du må tenke at det er stafett», men det er ikkje berre å gjere det, seier Vittozzi oppgitt.

Skidskytte, världscupen, stafett, Ruhpolding

GODT SLAG: Sist helg var Vittozzi nok ein gong i storslag på stafett, og følgde Marte Olsbu Røiseland heilt til veksling.

Foto: THOMAS BACHUN / GEPA PICTURES

Det er lett å sjå at ho er i villreie. Trenarane hennar forstår lite. Nokre gonger sit bommane over blinken, andre gonger under.

– Det handlar mykje om det mentale, for skyteteknisk er det veldig bra på stafett, seier Ola Lunde.

– Det at ho er så god på stafett, gjer dette enda meir oppsiktsvekkjande, seier Solemdal.

No handlar alt om mental jobbing fram mot OL i Beijing for 26-åringen frå Sappada. På opningsdagen av OL fyller ho 27 år. Vittozzi ønsker seg berre éin ting til bursdagen: Å få gamle evner tilbake.

– Då eg var liten, drøymde eg om OL-medalje, og eg var så nær i Pyeongchang (fjerdeplass på fellesstart, red anm.). Men no tenkjer eg berre at eg må prøve å ha det gøy. Eg vil ha tilbake «gamle Lisa». De vil sjå henne ei gang i framtida, eg lover, seier ein av de aller beste skiskyttarane i verda – inntil vidare berre på stafett.

2019 IBU World Championships Biathlon, Day 11, Women 12.5 km Mass Start

STARTEN: Fellesstarten under VM i Östersund var starten på den verkelege nedturen. Første skyting enda med tre bom

Foto: JOHAN AXELSSON / BILDBYRÅN

Siste nytt

  • Klopp sesongens manager i Premier League

    Liverpool-manager Jürgen Klopp er kåret til sesongens manager i Premier League for 2021/22, det kom frem i en prisutdeling tirsdag kveld.

    Klopp ledet Liverpool til den sure andreplassen i Premier League, ett poeng bak seriemester Manchester City.

    Pep Guardiola (Manchester City), Eddie Howe (Newcastle), Thomas Frank (Brentford) og Patrick Vieira (Palace) var også nominert i samme kategori.

    Prisen ble for øvrig delt ut av tidligere United-manager Alex Ferguson.

    Jürgen Klopp
    Foto: CARL RECINE / Reuters
  • Ding sendte Carlsen ut i semifinalen

    Kinesiske Ding Liren vant det avgjørende partiet i semifinaleduellen i Champions Chess-turneringen mot Magnus Carlsen tirsdag og slo ut nordmannen.

    Neste oppgave for Magnus Carlsen blir Norway Chess. Den turneringen starter i neste uke.

    Dubai World Chess Championship
    Foto: Jon Gambrell / AP
  • PSG-trener suspendert etter «upassende oppførsel og uttalelser»

    Paris Saint-Germain har suspendert treneren for klubbens kvinnelag for det som omtales som upassende oppførsel og ordbruk over spillere på laget.

    Den franske storklubben offentliggjorde selv beslutningen om å suspendere trener Didier Ollé-Nicolle tirsdag.

    «Paris Saint-Germain har i dag blitt informert om upassende hendelser og bemerkninger medlemmer av klubbens kvinnelag skal ha blitt utsatt for», heter det i en uttalelse.

    «Disse hendelsene og kommentarene vil, dersom de blir bekreftet, være uforenlige med de sportslige og menneskelige verdiene til Paris Saint-Germain», skriver storklubben videre.

    PSG opplyser at den tar situasjonen som har oppstått på største alvor, og at klubben har til hensikt å belyse fakta.

    Norske Celin Bizet Ildhusøy er del av PSGs spillerstall.

    (©NTB)

    PCyi-Lw6zws
    Foto: LUKAS BARTH / Reuters

Sendeplan

Kl. Program Kanal
Spilleliste med 39 klipp
Sport
Spiller nå
Haalands karriere fra A til NÅ 03:44
Neste