NRK Meny
Normal

Sundby om dopingdommen: – Det er hundre prosent mitt ansvar

SJUSJØEN/OSLO (NRK): I sommar sa Martin Johnsrud Sundby at skulda for regelbotet låg på skiforbundets skuldre, men han tek no sjølv det fulle ansvaret for at ting blei som dei blei.

Sundby

VIL LEGGE DET BAK SEG: Martin Johnsrud Sundby håpar han snart kan legge astma-saka bak seg, og konsentrere seg om framtida.

Foto: Ruud, Vidar / NTB scanpix

– Eg må berre vere so tydeleg som eg kan vere. Dette er hundre prosent mitt ansvar, seier Sundby til NRK.

Etter at astmasaka mot Martin Johnsrud Sundby hadde gått føre seg i halvanna år, innkalla skiforbundet i sommar inn til hastekonferanse.

Johnsrud Sundby var felt i Idrettens voldsgiftsrett (CAS) for å ikkje ha søkt fritak for bruk av den lovlege astmamedisinen Ventoline.

Skiforbundet la seg flate, og landslagslege Knut Gabrielsen tok på seg all skuld. Men no vil hovudpersonen sjølv presisere at det er hans ansvar at ting blei som dei blei.

– Håpar ingen misforstår

– Eg har full forståing for at folk ser på dette som ansvarsfråskriving slik saka er blitt framstilt, særleg i seinare tid. Der må eg berre so tydeleg som eg kan vere. Dette er hundre prosent mitt ansvar. Det er juridisk sett berre mitt ansvar, og det håpar eg ingen har misforstått heller.

Det er ein litt anna tone enn han sjølv hadde på pressekonferansen den 20. juli:

– Eg føler at det er ein totalt urimeleg dom som no fell på meg, for ei misforståing av eit system i det medisinske støtteapparatet. Men eg må stå med den dommen. Og eg skal klare å stå sterkt i det, fordi eg veit at eg ikkje har gjort noko gale.

– Eg er kjempeglad for at skiforbundet tar på seg det ansvaret som ligg på deira skuldrer i denne saka, for eg har aldri gjort noko anna enn å følge den medisinske rådgivningen eg har fått, sa Sundby den gongen.

sundby

ATTENDE PÅ TRENING: Tidlegare denne veka var Johnsrud Sundby på trening med resten av herrelandslaget i langrenn.

Foto: Bendiksby, Terje / NTB scanpix

No forklarar han kvifor skiforbundet tok sin del av ansvaret då saka kom ut.

– Skiforbundet hadde sannsynlegvis dårleg samvit for dei råda som blei gitt undervegs. Dei følte at dei ønska å ta skulda for det som skjedde.

Har blitt meir forsiktig

Johnsrud Sundby har også teke grep for å hindre at slike ting skjer igjen.

– Dei siste 18 månadane har vore annleis. Eg har sørga for at alt me har gjort har vore trippelsjekka, slik at det ikkje skal vere nokon tvil. Det var sånn sett godt for meg å få vinteren i fjor, som var min beste vinter nokon sinne, heilt utan å bruke forstøvarapparatet.

– Har du slutta heilt med å bruke forstøvarapparatet?

– Det har eg ikkje brukt sidan eg fekk den beskjeden på telefon frå legen min den 19. januar 2015.

Siste nytt

  • Svendsen går ikke i Frankrike

    Emil Hegle Svendsen er fortsatt ikke tilbake i full trening etter luftveisinfeksjonen han fikk i Østersund for to uker siden.

    – Han går ikke sprinten til fredag og sannsynligvis kommer han til å stå over hele helgen, sier landslagstrener Egil Kristiansen.

    Verdenscupen i skiskyting er nå i franske Annecy-Le Grand-Bornand.

    Emil Hegle Svendsen
    Foto: Lise Åserud / NTB scanpix
  • Froome tatt for dopingregelbrudd

    Syklisten Chris Froome har avgitt dopingprøve som viser at han har altfor høy konsentrasjon av salbutamol. Det er et stoff som er vanlig i astmamedisin.

  • Edvartsen tilbudt å dømme 2. div.

    NFF skal ha tilbudt Svein-Erik Edvartsen å dømme i 2. divisjon neste sesong, melder VG. Det tilbudet skal imidlertid 38-åringen ha avslått.

    Edvartsen har stevnet NFF for det han mener er feilaktig avskjedigelse som seksjonsleder for samfunnsansvar.

    Svein-Erik Edvartsen
    Foto: Jon Olav Nesvold / NTB scanpix

Sendeplan

Kl. Program Kanal
EM svømming kortbane: Forsøksheat
EM svømming
EM svømming kortbane: Semifinaler og finale
OL-profiler: Ole Einar Bjørndalen
EM svømming
VM håndball kvinner: Kvartfinale Norge - Russland
VM håndball kvinner: Kvartfinale Norge - Russland
VM håndball kvinner: Kvartfinale Norge - Russland
VM håndball kvinner: Kvartfinale Norge - Russland