Sundby testar nye treningsmetodar og går «all in» for 15-kilometeren i OL

Martin Johnsrud Sundby satsar alt på eitt kort når han no snart byrjar å førebu seg på OL-sesongen.

Østberg og Sundby

ALL IN: Neste sesong blir 15-kilometeren i OL det altoverskyggande målet for Martin Johnsrud Sundby. Her saman med Ingvild Flugstad Østberg etter at dei begge vann Skarverennet laurdag

Foto: Anders Skjerdingstad

– Eg har veldig lyst til å gå «all in» på ein distanse, seier Martin Johnsrud Sundby.

Han avslutta sesongen med siger i Skarverennet laurdag. Og no er alt retta framover mot OL-sesongen og Pyeongchang i Korea i februar.

– Det blir 15 kilometer skøyting med intervallstart. Eg er spent på kor langt eg kan klare å ta spesialtrening framover mot akkurat den distansen, seier Sundby til NRK.

– Det inspirerer og motiverer meg, seier han.

– Eit rett val

NRKs langrennskommentator Torgeir Bjørn synest Sundbys val er spennande.

– Martin har historisk sett vore sterk på alle distansane og derfor vunne verdscupen fleire gonger. Det han manglar, er individuelt VM- eller OL-gull. Derfor synest eg det er rett at han går all in for ei øving, meiner Torgeir Bjørn.

– Denne sesongen har han vist at han framleis har ei utfordring i å avgjere mot slutten i fellesstartar, så det tryggaste alternativet i OL er eit renn med intervallstart, seier Bjørn.

Han trur ikkje dette kjem til å spele særleg mykje inn på Sundbys konkurranseopplegg.

– Han bør nok gå alle typar øvingar, og vil også ha medaljeambisjonar i alle. Men han bør iallfall gå alle 15-kilometrane med intervallstart som han kan.

Eksperimentere med hardøkter

For Sundbys trening betyr det at han allereie no i april har testa ut ulike typar hardøkter med tanke på akkurat den distansen - og mange av dei har vore heilt nye, seier han.

– Det har blitt mykje hardøkter, ting eg ikkje torer å gjere i sesongen. Eg prøver å lære mest mogeleg på 30 dagar. Eg har iallfall trena hardt nok i april, sjølv om eg ikkje har trena så mykje, seier Sundby.

No skal han unne seg eit par vekers ferie, så er treninga fram mot neste vinter i gang.

– Eg har prøvd å analysere meg fram til det eg må forbetre, og trur eg har kome fram til ein bra plan for korleis eg skal legge sesongen opp.

Lite å bety for konkurransesesongen

– Har dette noko å seie for konkurransesesongen?

– Kanskje litt, men stort sett kjem eg nok til å konkurrere som eg har gjort. Eg har god erfaring med det, det er litt min måte å gjere det på.

– Betyr det at eit OL-gull er viktigare for deg enn verdscupen samanlagt?

– Du veit kor glad eg er i den gule trøya. Eg har innsett at det blir tøffare enn nokosinne neste år. Eg har mest lyst til å seie ja takk, begge deler.

– Men det kan hende at treninga inn mot ein distanse får konsekvensar likevel.

Siste nytt

  • Vant sitt første NM-gul

    Thea Louise Stjernesund vant torsdagens NM-storslalåm på Oppdal foran Marte Monsen. Seiersmarginen endte på 0,59 sekunder.

    Duoen var i en klasse for seg. Det skilte hele 2,27 sekunder til Andrine Mårstøl på bronseplass.

    NM-gullet er Stjernesunds første i karrieren. Tidligere i vinter var den 24 år gamle Hakadal-utøveren med på å ta VM-gull for Norge i blandet lagkonkurranse i parallellslalåm.

    cQAlLa-ZeRI
    Foto: Torstein Bøe / NTB8BIM8
  • Warholm åpner for OL som 36-åring

    – Hvis du spør meg nå, så håper jeg å kunne løpe OL i 2032, sa Karsten Warholm i et intervju med Ato Boldon onsdag kveld.

    Boldon er tidligere verdensmester på 200 meter og ekspertkommentator på NBC. Hver uke gjennomfører han direkteintervju med en friidrettstjerne på instagram, og Warholm var gjest i anledning at det onsdag var 100 dager til OL i Tokyo.

    25-åringen avslørte altså at Tokyo-lekene neppe blir hans siste. Hvis han stiller i OL i 2032 som 36-åring, blir det imidlertid neppe på 400 meter hekk.

    – Jeg vil prøve meg på 800 meter, men jeg vet ikke når, fortalte han.

    I intervjuet fortalte Warholm også at det største presset før OL i Tokyo kommer innenfra.

    – Jeg legger mest press på meg selv, jeg er på trening hver dag, med treneren og treningskameratene, det er hardt arbeid og dedikasjon. Jeg skylder meg selv det og jeg føler jeg fortjener å gjøre det bra. Derfor løper jeg med hjertet utenpå drakta. Jeg ville kuttet av meg en arm for å komme først over mållinja, sa han med et et smil.

    TJmbnXm5lo0
    Foto: Berit Roald / NTB
  • Åpner for OL-avlysning

    Japan er inne i sin fjerde koronabølge under 100 dager før OL. Generalsekretæren i landets regjeringsparti avviser ikke muligheten for å droppe sommerlekene, ifølge NTB. Toshihiro Nikai sier i et TV-intervju at Japan må «gi opp» OL hvis smittespredningen fortsetter å øke.

    – Vi kommer uten tvil til å avlyse om det ikke lenger er mulig, sier 82-åringen, ifølge nyhetsbyrået Kyodo.

    oqlmfYdJgys
    Foto: YOSHIKAZU TSUNO / AFP

Sendeplan

Kl. Program Kanal