NRK Meny
Normal

Storhamar: – Det blir heilt feil

Sparta-spelar Victor Panelin-Borg fekk spele sluttspelskamp medan han venta på dom for ein stygg takling. Mathias Saxrud i Storhamar meiner Norge ligg langt bak når det gjeld saksbehandling.

Panelin Borg

UTESTENGT: Victor Panelin Borg (i kvitt) er utestengd i tre kampar etter taklinga i kampen mot Storhamar. Her i duell med Vålerengas Fillip Gunnarson

Foto: Pedersen, Terje / NTB scanpix

I den tredje sluttspelskampen mellom Storhamar og Sparta Sarpsborg fekk Martin Blakseth Hauge hjernerysting, etter å ha blitt takla hardt av Victor Panelin-Borg.

Etter kampen anmeldte Storhamar spelaren til disiplinærutvalet i Ishockeyforbundet.

Lang klagetid

Den klaga blei ikkje ferdig handsama før den neste sluttspelskampen mellom laga torsdag, noko som betyr at Panelin-Borg fekk spele den. Det reagerer Storhamar-manager Mathias Saxrud på:

– Det blir heilt feil. Me er ikkje ute etter å få ut spelarar frå laget deira, men dette handlar om rettferd.

Mathias Saxrud

REAGERER: Mathias Saxrud i Storhamar meiner det blir heilt feil å vente so lenge på ein dom

Foto: Elin Fossum / NRK

Leiar av disiplinærutvalet, Snorre Haukali, forstår frustrasjonen, men meiner at god saksbehandling trumfar det.

– Eg er oppgidd over at dei bryr seg meir om prosess enn realitet. Det tek meir enn tre minutt å avgjere ei slik sak, seier Haukali.

Klubbane har nøkkelen

Dommen frå disiplinærutvalet slår fast at Panelin-Borg blir utestengt i tre kampar. Det har ikkje Sparta-trenar Lenny Eriksson noko å sei på.

– Det er berre å ta det med seg og halde kjeft, seier Eriksson til NRK.

Lenny Eriksson

GODTAR STRAFFA: Sparta-trenar Lenny Eriksson.

Foto: Braastad, Audun / NTB scanpix

Saxrud i Storhamar meiner at det i slike situasjonar bør takast ei avgjerd mykje raskare, slik at det blir gjeldande til neste kamp.

– Norge ligg alt for langt bak her. Nokon må sette seg ned for å unngå at slikt skjer i framtida, for dette blir ikkje riktig, meiner Saxrud.

Haukali på si side seier at det er klubbane sjølve som kan gjere noko med problemet.

– Det einaste som kan korte ned behandlingstida er om klubbane får kortare frister til å komme med sine tilsvar, seier han.

Det er ikkje Eriksson i Sparta framand for, men er tydeleg på kvar ansvaret ligg.

– Alle er interesserte i å få kortare behandlingstid, so lenge det er likt for alle. Men ansvaret for å få det til ligg hjå ishockeyforbundet.

Siste nytt

  • Sandnes Ulfs første poengtap

    Med 0-0 mot HamKam på Hamar tapte Sandnes Ulf sine første poeng i årets 1. divisjon, etter tre sigrar i sesongopninga.

    Sandnes-laget er dermed på tredjeplass, på målskilnaden bak Aalesund og Notodden. HanKam er framleis utan siger, men har tre uavgjorte.

  • Anklaget for å ha solgt laguttak

    Belgias tidligere landslagssjef Marc Wilmots anklager Chelsea-keeper Thibaut Courtois' far for å ha solgt lagoppstillinger til mediene under fotball-EM 2016.

    Overfor TV-kanalen BeIN Sports påstår Wilmots at Courtois lekket uttakene så snart de var gitt til spillerne.

    Marc Wilmots og Thibaut Courtois
    Foto: Geert Vanden Wijngaert / Ap
  • Fotballtreneren Henri Michel er død

    Den tidligere franske landslagssjefen i fotball, Henrik Michel, døde tirsdag 70 år gammel. Han ledet Frankrike til OL-gull i Los Angeles i 1984 og var også trener for VM-laget som tok bronse i 1986-VM.

    Henri Michel
    Foto: Issouf Sanogo / AFP

Sendeplan

Kl. Program Kanal
Mesterligaen: Semifinale Liverpool - Roma