NRK Meny
Normal

Stjernas fall: – Det er kjipt

HERNING (NRK): Ho var giganten sist Norge vann VM, men etter kvart endra landslaget spelestil. I kveld kan Linn Jørum Sulland (31) ta VM-gull som benkeslitar.

Sommer OL i London 2012.

BEDRE TIDER: Linn Jørum Sulland under OL i 2012.

Foto: Åserud, Lise / NTB scanpix

– Det er kjipt. Ein trener ikkje to gangar om dagen heile året for å sitte på benken, seier Györ-backen Linn Jørum Sulland.

31-åringen slo for alvor gjennom i 2010 då ho kom inn som reserve og gjorde knallsuksess i semifinalen og finalen då Norge vann EM-gull i nettopp Herning, der Norge speler finale mot Nederland i kveld.

Linn Jørum Sulland

Linn Jørum Sulland, her under ein pressekonferanse tidlegare i VM.

Foto: Ruud, Vidar / NTB scanpix

Året etter blei distanseskyttaren turneringas toppscorar med 51 mål då Norge tok VM-gull i Brasil.

Under OL-finalen i 2012 opplevde Sulland sin største suksess med 10 scoringar.

I fjor måtte Sulland stå over EM på grunn av skade.

Etter kvart som Stine Bredal Oftedal og Nora Mørk fekk større rollar på landslaget, har Sulland mista sin posisjon som lagets gigant.

– Det er stor forskjell frå 2011. Det er rart når du føler du ikkje får vere med og bidra. No speler vi ein heilt annan handball, seier Sulland.

– I 2011 spelte eg nesten heile tida. Rolla er rveldig forandra frå den gangen, seier Sulland, som også har hatt mindre skader i årets VM.

– Mørk er den nye vinen

NRKs handballekspert Geir Oustorp forklarer kvifor:

– Det største forskjellen er at angrepsspelet går mykje kjappare no. Uheldigvis går det ut over Sulland. Nora Mørk er den nye vinen. Ho har tempoet dette landslaget vil spele med, seier han.

– Kvifor seier du uheldigvis?

– Eg synst vi har plass til Sulland i laget også. Ho har det beste skotet av

Mørk

DEN NYE OG DEN GAMLE VINEN?: Linn Jørum Sulland og Nora Mørk.

Foto: Ruud, Vidar / NTB scanpix

bakspelarane. Det er synd at vi ikkje får brukt det meir. Om det er lov å seie noko om svakheiter i dette laget så er det at vi manglar distanseskot-spelarar, seier Oustorp.

– Sjølvtillit og tillit er avgjørande for at ein spelar skal fungere. Det slit ho med på landslaget, seier Oustorp.

Sulland har sett seg eit mål om å komme sterkare tilbake under OL i Rio neste sesong.

– Men det ser vanskeleg ut?

– Definitivt. Slik vi speler i dag er det ikkje veldig mykje rom for langskyttarar, seier Sulland.

Breivang-exit

Oustorp meiner også at Karoline Dyhre Breivangs karriereslutt har hatt stor betydning for Sulland.

– Kaptein Oftedal og Karoline Dyhre Breivang er to vidt forskjellige spelarar. Breivang var mykje flinkare til å bruke Sulland riktig enn det Stine er, seier Oustorp.

– Det er vanskeleg å seie at landslagssjef Hergeirsson burde prioritere annleis. Men for å ha enda fleire strenger å spele på synst eg også at vi skal utvikle spelet så det blir plass til Sulland.

Siste nytt

  • Mjelde kåret til tredje beste

    Maren Mjelde ble søndag kveld stemt frem av spillerne selv som den tredje beste spilleren i engelsk fotball.

    Lagveninne fra Chelsea, Fran Kirby, vant prisen. Ji So-yun fra Manchester City tok andreplassen.

    SOCCER-CHAMPIONS-CHE-WOB/WOMEN
    Foto: ADAM HOLT / Reuters
  • Napoli senket Juventus

    De fleste av de store fotballigaene er avgjort, men i Italia er det fortsatt spenning.

    Søndag kveld tapte tittelforsvarer Juventus 0–1 mot Napoli på hjemmebane.

    Dermed er Napoli bare ett poeng bak Juventus på toppen av tabellen.

    FBL-ITA-SERIE A-JUVENTUS-NAPOLI
    Foto: MARCO BERTORELLO / AFP
  • Salah kåret til årets spiller

    Liverpools storscorer Mohamed Salah ble søndag tildelt den prestisjetunge prisen som årets Premier League-spiller av den engelske spillerforeningen PFA, skriver NTB. Egypteren tangerte ligarekorden da han scoret sitt 31. seriemål lørdag.

    FBL-ENG-PR-WEST BROM-LIVERPOOL
    Foto: LINDSEY PARNABY / AFP

Sendeplan

Kl. Program Kanal
Morgensport og musikk
Morgensport og musikk
Morgensport og musikk
Morgensport og musikk
Morgensport og musikk
NRK Sport Live
NRK Sport Live
NRK Sport Live
Best i verden: Martin Schanche - Rattets Messias
Sport i dag
4-4-2 Eliteserien: Odd - Sarpsborg 08