NRK Meny
Normal

Slik starta Hegle Svendsen ordkrigen før OL

RUHPOLDING/OSLO (NRK.no): Medan Emil Hegle Svendsen gjennomførte ei perfekt helg i Tyskland, slappa den franske superrivalen av i Alpane. No er den psykiske krigføringa inn mot OL i gang – der «trugslar» om feiring med feil flagg blei sett ut søndag.

Emil Hegle Svendsen

Emil Hegle Svendsen gjekk i mål søndag med eit norsk flagg i handa. Eigentleg var planen å halde eit fransk flagg.

Foto: JOHN MACDOUGALL / Afp

– Eg gjekk og såg etter eit fransk flagg som eg kunne ta med meg i mål, men der var ingen franske flagg. Det var mest norske, tyske og sånt, seier Emil Hegle Svendsen.

Med si første perfekte skyting i verdscupen etter 1401 dagar med venting, gjekk han i mål til sin 35. verdscupsiger. Han glei over målstreken med eit norsk flagg i henda.

Trønderen fortel derimot at han hadde gjort alvor av tankane om han hadde funne eit fransk flagg.

– Eg var gira på å gjere det, men vi får spare den, flirer 28-åringen.

Espen Nordby Andersen

Éin, to, tre, fire og fem. Skytinga til Emil Hegle Svendsen og Tarjei Bø varma trenarhjartet til Espen Nordby Andersen søndag.

Foto: Grøtt, Vegard / NTB scanpix

– Trur Emil hadde tatt han i dag

Laurdag gav han alt for siger på normaldistansen, medan han på suverent vis vann søndag.

Hovudkonkurrent og rival Martin Fourcade - som framleis leiar verdscupen med 49 poeng - trenar og slappar av i idylliske Antholz i dei italienske alpane.

Det Hegle Svendsen viste søndag trur trenar Espen Nordby Andersen at sjølv den franske stjerna ikkje hadde tukta.

– Kanskje, men eg trur verkeleg Emil hadde tatt han i dag, seier trenaren.

Han kunne både juble, glise og bli rørt då både trønderen og Tarjei Bø banka inn 20 av 20 skot.

– Å skyte 20 er tøft, og det står stor respekt av det. Og så både Emil og Tarjei, nei, det varmar eit trenarhjarte, fortel Nordby Andersen i prat med NRK.

Martin Fourcade

Martin Fourcade leiar verdscupen i skiskyting og er éin av dei store gullfavorittane i Sotsji-OL.

Foto: ODD ANDERSEN / Afp

Vel og bra, men OL bli ein suksess

Trenaren fortel at heile laget har jobba mykje med den ståande skytinga som tidlegare har vore eit problem. Den siste tida har dei fått stadfestinga på arbeidet som har blitt lagt ned, og no er det under éin månad til OL.

– No skal vi fintune forma inn mot OL. Det er vi ikkje åleine om, så vi må gjere det ekstra godt, seier trenar Nordby Andersen.

Han meiner løpet til både Emil og Tarjei er så nære eit gulløp ein kan kome, men at det framleis er meir å gå på fysisk.

For dei norske OL-favorittane sin del blir det no avslapping.

– Det blir avslapping og avkopling, før det blir mykje trening på precamp. I Sotsji blir det mest roleg og finpuss. Det blir ein god periode med fullt fokus på OL. Neste løp for meg blir OL-løp, så det er bra, seier Hegle Svendsen.

Éin ting er derimot sikkert: Ei glimrande helg i Ruhpolding hjelper lite om OL blir ein fiasko.

– Eg er ikkje letta før eg har nådd sesongens store mål, slår han fast.

Laster Twitter-innhold
Laster Twitter-innhold

Siste nytt

  • Real vann også returkampen

    Real Madrid utan suspenderte Cristiano Ronaldo slo Barcelona 2-0 i returkampen i den spanske supercupen i går kveld. Asensio og Benzema scora.

    Real vann 5-1 samanlagt. Det er første gong på 30 år at Barcelona taper sine to første konkurransekampar i ein sesong.

    Barcelonas sportsdirektør sa etter kampen at signeringane av Liverpools Philippe Coutinho og Dortmunds Ousmane Dembele snart er klare.

    Den spanske ligaen sesongopnar laurdag.

    Real jubel
    Foto: JUAN MEDINA / Reuters

Sendeplan

Kl. Program Kanal
Ingebrigtsen hjemkomst
EM feltritt: Dressurridning
EM feltritt: EM feltritt - dressurridning
EM feltritt: Dressurridning
EM feltritt: Dressurridning
EM feltritt: Dressurridning
Toppserien: LSK Kvinner - Avaldsnes
Toppserien: LSK - Avaldsnes
Toppidrettsveka: Sprint
Toppidrettsveka: Sprint i Aure
Toppidrettsveka: Sprint