Starta å springe for fire år sidan – sette ellevill rekord

Stian Andersen (29) frå Bergen vart lokka med på sin første halvmaraton for fire og eit halvt år sidan. No står han med norsk rekord på 100 miles.

Rekordløp

NORSK REKORD: På 13 timar og 47 minutt sprang Stian Andersen inn til ny norsk rekord på 160,9 kilometer.

– Det var eit eventyr. Eg gjekk ut i ein fart som skulle gi ei god sluttid, og det var veldig gledeleg å halde den farten såpass lenge som eg klarte, seier Andersen til NRK.

Det var under Mors 100 miles i Danmark den nye rekorden, som lyder på 13 timar, 47 minutt og 22 sekund, vart sett søndag.

100 miles er 160,9 kilometer eller nesten fire strake maraton.

Lever på «grisemat»

Men rekordløpet hadde sine utfordringar. Undervegs måtte Andersen springe i både regn, sludd og motvind.

Dårlæg vær

UTFORDRANDE: Det var både regn, slutt og motvind som møtte den ferske rekordhaldaren på 100 miles.

– Når ein skal springe frå vest til sør, har det ein tendens til å vere motvind heile vegen. Siste del av løpet, fire til fem siste timane, så løya vinden litt og det vart ganske greie forhold. Med dei forholda så var det ikkje rekordforhold, men at det var motvind i 160 kilometer, skal eg ikkje seie.

Ei anna utfordring i eit så langt løp er få i seg nok væske og mat. Oppskrifta er enkel. Det er det Andersen kallar «grisemat».

– Dagen før var vi innom ein lokal forretning i Danmark og kjøpte kanelbollar, Nonstop og sånt kjafs. Å byrje med ein treretters er ikkje akkurat noko sjakktrekk. Det må vere noko som er lett å få ned og som kan tyggast i fart.

– Bort i natta langt

NRKs friidrettskommentator Jann Post er imponert over prestasjonen til 29-åringen.

– Med så kort fartstid så er det ein kjempeprestasjon og det syner at kroppen er god til å tilpasse seg. Det ligg solid innsats bak.

Fysisk og mental styrke, samt rett næring, seier han er dei tre avgjerande faktorane for å lykkast.

– Vi snakkar her om eit løp som er nesten fire gonger eit vanleg maraton. Det er bort i natta langt. Dei fleste av oss hadde nok stoppa lenge før.

Sjølv om den nye rekorden på er ei forbetring av den gamle med rundt 17 minutt er han redd den ikkje blir ståande veldig lenge.

– Trur eg er heldig om den står ut 2020.

rekord

REKORD: Den nye rekorden er på 13 timar, 47 minutt og 22 sekund.

– Det er liksom litt slik i dette miljøet at når ein rekord blir sett, så har folk ein tendens til å mobilisere.

– Vart lokka med

Andersen er på ingen måte ein veteran i ultraløpssirkuset.

Til vanleg arbeidar han i Nordsjøen og det var først for fire og eit halvt år sidan han fekk smaken på lange løp.

– Eg spring 160 til 180 kilometer i veka og føler det er veldig greitt. Rett og slett ein hobby. Eg vart lokka med på ein halvmaraton og det var starten på ei lita løpekarriere.

Neste mål er alt sett. I desember ventar NM på heimebane og 100 kilometer står på programmet.

– Eg håpar å gi noregseliten kamp der. Om ikkje å ta tittelen, så vil eg prøve og puste dei i nakken.

– Han er framleis ung som ultraløper. Han kan minst halde på i 20 år til. Rutine og mengde over tid er ofte ein fordel, så vi kan nok vente oss mange gode løp frå denne mannen, seier Post.

pallen

PALLEN: Her får Stian Andersen bevise på at han vann konkurransen i Danmark etter å lagt bak seg over 160 kilometer.

Sportsnyheter

Sterke reaksjoner mot handsregelen: – Bare tull

Handsregelen får hard medfart etter nye kontroversielle avgjørelser. Nå ønsker flere at regelen endres – igjen.

Alaphilippe

Mistet faren i sommer – brast i gråt etter sin største bragd

Julian Alaphilippe rykket i den siste bakken og sikret et suverent gull i sykkel-VM. I målområdet tok følelsene overhånd.

Siste nytt

  • Glimt vant tross straffebom og rødt

    Bodø/Glimt fortsetter ufortrødent videre. Mot Vålerenga ble det ny seier og ledelsen i ligaen er nå på hele 18 poeng.

    Glimt ledet 2-0 til pause etter mål av Kasper Junker og Philip Zinckernagel. Etter pause var Glimt svakere. Jens Petter Hauge bommet på straffe og Marius Lode ble utvist, men Vålerenga klarte ikke utnytte overtallet.

    Bodø/glimt vålerenga 27. september 2020
    Foto: Lars-Bjørn Martinsen / NRK
  • Markus Henriksen klar for Rosenborg

    Markus Henriksen er tilbake i Rosenborg-drakt for første gang siden 2012. 28-åringen har skrevet under på en kontrakt ut 2024, melder RBK.

    Trønderen vender tilbake til moderklubben etter å ha vært klubbløs siden kontrakten med Hull gikk ut denne sommeren.

    Markus Henriksen
    Foto: Fredrik Hagen / NTB
  • RBK klatret forbi Molde

    Torgeir Børven fikk en etterlengtet sjanse på topp for Rosenborg, men gikk igjen målløs av banen mot Aalesund. Kristoffer Zachariassen avgjorde kampen med to scoringer, mens Sigurd Haugen scoret for vertene. 2-1-seieren gjør at Rosenborg klatrer opp til en 2.-plass på tabellen – foran Odd og Molde.

    RBK
    Foto: Svein Ove Ekornesvåg / Svein Ove Ekornesvåg

Sendeplan

Kl. Program Kanal