- Slik var:
Klokka viste 81 minutt og alt gjekk mot ein fjerde heimesiger på rad for AaFK. Sogndal spelte nemleg med 10 mann, etter at Sidy Sagna blei sendt i dusjen med sitt andre gule etter 73. minutt.
Men så, Magnus Stamnestrø. Den Molde-utleigde 21-åringen fekk ballen på 40 meter, tok han med seg framover før eit skot av dei sjeldne enda i nettet bak AaFK-keeper Sten Grytebust.
– Her på heimebane skal vi ha tre poeng, og slik kampen var skal vi ha tre poeng. Men det er vanskeleg å gardere seg mot skot frå 25 meter i krysset, så det er berre å rose han som scora. Men vi er sjølvsagt skuffa.
Det konkluderte AaFK-kaptein Jonatan Tollås Nation i prat med CSports etter kampen.
– Det kan fort bli årets mål! Heilt vanvittig, konkluderte Sogndal-kaptein Rune Bolseth.
James med soloprestasjon
Etter fleire Sogndal-sjansar ved Malick Mane, tok Aalesund leiinga etter 29 minutt.
Leke James leika seg forbi midtstoppar Hannu Patronen, heada med seg ballen vidare, før han banka ballen i mål til 1-0 frå 17 meter.
40 spelte minutt var gått då Sidy Sagna blei hindra av Jo Nymo Matland i AaFK sin 16-meter. Dommar Ola Hobber Nilsen peikte på straffemerket, og Malick Mane ekspederte til 1-1.
– Eg synest det er noko tamt over oss. Vi har grei kontroll bakover, men vi må skape og trøkke på meir offensivt, sa Tollås Nation til CSports i pausen.
Hamdallah-bonanza og perlescoring
I andre omgang gjekk AaFK ut i hundre, med ein frisk Abderrazzaq Hamdallah - eller Hamed-Allah som er fotballnamnet.
Etter 49 minutt curla han ballen i stolpen, før han berre sekund etter la ballen i mål. Sogndal-keeper burde kanskje hatt kontroll på skotet som kom frå nær død vinkel.
Ikkje lenge etter var Mane frampå for Sogndal, før Hamdallah var centimeter frå å sende 3-1 i krysset. I det 73 minutt fekk Sidy Sagna sitt andre gule og blei med det sendt i dusjen etter raudt kort.
Det hindra derimot ikkje utlikning, for etter 81 minutt kom 2-2-scoringa til Stamnestrø. Han gjorde noko liknande i april, då han kom inn frå benken på Aker Stadion og sikra Sogndal-siger mot Molde.
– Eg kjente tidleg at det var eit godt treff. Eg er glad i å skyte, og av og til sit det godt, gliste Stamnestrø etter 2-2-kampen.
Saka held fram under bildet.
To gode statistikkar held fram
Sjølv om eitt poeng nok er surt for AaFK, står den gode heimestatistikken framleis ved lag.
Etter åtte heimekampar har dei framleis ikkje tap, og står no med 5-3-0. Før 2-2 mot Sogndal hadde Aalesund vunne tre heimekampar på rad.
For Sogndal sin del blei ein svært god bortestatistikk vidareført. Før kampen stod laget med like mange poeng borte som heime. Dei kvite og svarte frå Sogn har 3-2-3 etter åtte bortekampar.
På tabellen ligg laga framleis på tredje- og sjetteplass. No med høvesvis 25 og 21 poeng. Dersom Viking og Brann vinn søndag og måndag vil dei gå forbi AaFK. Haugesund og Tromsø kan klatre forbi Sogndal med siger.
- Les også:
Var utan Molde-kapteinen sin
AaFK måtte klare seg utan Michael Barrantes,
, men både Leke James og Abderrazzaq Hamed-Allah var på plass. Etter kampen er dei to angriparane i tillegg delte toppscorar i Eliteserien.For Sogndal sin del blei bortepoenget sikra utan kaptein Per Egil Flo,
Aalesund (4-4-2): Sten Michael Grytebust - Thomas Skog Martinussen, Edvard Skagestad, Jonatan Tollås Nation, Jo Nymo Matland - Fredrik Carlsen, Peter Orry Larsen, Lars Mendonca Fuhre - Abderrazzaq Hamed-Allah, Leke James.
Sogndal (4-4-2): Erik Dahlin - Taijo Teniste, Hannu Patronen, Gustav Valsvik, Eirik Skaasheim - Sidy Sagna, Rune Bolseth, Malick Mane, Ruben Holsæter - Ulrik Flo, Azar Karadas.