Sommar-OL startar 23. juli
Den internasjonale olympiske komité (IOC) og arrangøren av Tokyo-OL er samde om at dei utsette sommarleikane i Tokyo vil starte 23. juli neste år. Det stadfestar president Yoshiro Mori i OLs arrangørkomité måndag ettermiddag. Opphavleg skulle OL arrangerast frå 24. juli til 9. august i år. Dei nye OL-datoane betyr at VM i friidrett i Eugene i Oregon neste år blir flytta til 2022. Paralympics er flytta til 24. august til 5. september, ifølge nettstaden Insidethegames. Det ligg også i korta at VM i svømming må flyttast som følgje av OL-utsetjinga. Opphavleg dato for meisterskapet i japanske Fukuoka er 16. juli–1. august neste år.