Solskjær: – Vi skal vere favorittar

I fjor var Molde eitt straffespark unna ei svært god moglegheit til spel i meisterligaen. No håper Ole Gunnar Solskjær at marginane er på Molde si side i årets kvalifisering.

Ole Gunnar Solskjær

Molde-manager Ole Gunnar Solskjær er klar på at avansement frå andre kvalifiseringsrunde blir svært viktig. Då må irske Sligo Rovers slåast over to kampar.

Foto: Poppe, Cornelius / NTB scanpix

Yann Sommer

Her blir Yann Sommer rista i pur glede av lagkameratar etter at han redda Magne Hoseth sitt straffespark på overtid.

Foto: MICHAEL BUHOLZER / Reuters

8. august i fjor hadde Molde ei gyllen moglegheit, mot ein antatt sterkare motstandar. Oddsa var verkeleg imot Molde då dei hadde tapt 1–0 på Aker stadion i den første av to kampar mot sveitsiske Basel.

I returoppgjeret i Sveits storspelte derimot Molde, og dei blå og kvite tidvis herja med Basel. Likevel gjekk kampen mot 1-1, men på overtid fekk Molde straffe. Magne Hoseth, til vanleg blant dei mest sikre straffeskyttarane i Noreg, gjekk fram og kunne sende Molde til play-off, men veteranen bomma .

Molde gjekk til Europaliga-playoff og avanserte ved å slå Heerenveen, medan Basel fekk spele playoff til meisterligaen.

Over to kamper tapte Basel på bortemålsregelen for rumenske CFR Cluj.

– Små marginar

At eit Molde-lag, i storform, var ei hårsbreidd frå å møte antatt svakare CFR Cluj, er ikkje gløymt.

Det er den største turneringa i verda, og ei fantastisk moglegheit til å få vise seg fram. Ramma er spesiell, og berre det å høyre hymna er spesielt. Den vil eg gjerne høyre igjen.

Daniel Berg Hestad, Molde-veteran

– I fjor var vi eit straffespark unna den siste kvalikrunden til Champions League. Det er små marginar, slår Molde-veteran Daniel Berg Hestad fast.

Han var blant Molde-spelarane som verkeleg viste seg frå si beste side i Europa i fjor. No vil han ikkje berre nesten til meisterligaen, men heilt dit.

– Det er kjempeviktig for oss, både økonomisk og sportsleg. Turneringa er fantastisk å vere med i, seier Hestad – som var med i turneringa i 1999 med Molde.

– Det er ei gulrot, spesielt for unggutane som har sett Champions League på TV. Det er den største turneringa i verda, og ei fantastisk moglegheit til å få vise seg fram. Ramma er spesiell, og berre det å høyre hymna er spesielt. Den vil eg gjerne høyre igjen.

Saka held fram under videoen.

En utrent Vegard Forren er tilbake i Molde etter oppholdet i Southampton. Nå drømmer han om å spille for Molde i onsdagens mesterliga-kvalifisering borte mot irske Sligo Rovers.
Even Hovland

Molde-midtstoppar Even Hovland gler seg stort til meisterligakvaliken.

Foto: Svein Ove Ekornesvåg / Scanpix

Solskjær utropar Molde til favoritt

Motstandar til Molde, irske Sligo Rovers, blei seriemeister i Irland.

– Vi møter eit Sligo-lag som vi skal vere favorittar mot, men det er sjølvsagt på dagen ein skal gjere det, seier Ole Gunnar Solskjær.

Molde-manageren reiste til Irland saman med resten av laget tysdag, og fortel til NRK at dei gler seg stort til kamp.

– Kor viktig blir det å karre seg vidare og eventuelt kvalifisere seg til meisterligaen?

– Går vi vidare frå andre runde får vi i alle fall fire kampar til i Europa, noko som er veldig viktig for oss, svarer Solskjær politisk.

Daniel Berg Hestad

Molde-ringrev Daniel Berg Hestad er svært lysten på meir spel i verdas gjævaste turnering.

Foto: Erik Hattrem / NRK

Veit lite om laget

Even Hovland, som etter kampen mot Viking laurdag blei utropt som landslagsklar av Solskjær , meiner det ikkje blir nokon lett kamp.

– Kvaliken er viktig, for vi vil ut og spele mot dei beste i Europa. Då må vi vere godt førebudde, for det kjem ikkje til å bli lett, meiner sogningen.

Midtstopparen meiner Molde ikkje må ta lett på det.

– Men vi har gode moglegheiter. Vi skal til Irland for å få med oss eit godt resultat heim til Noreg. Så får vi sjå.

– Kor mykje veit de om Sligo Rovers?

– Vi veit ikkje så mykje, vi spelarane, men eg reknar med at trenarteamet har full kontroll, avsluttar Hovland.

Daniel Berg Hestad er nesten like blank om motstandaren, men meiner dei er hakket kvassare enn mange av dei andre laga Molde kunne trekt.

– Men eg har svært god tru på avansement, slår Berg Hestad fast.

Siste nytt

  • Arteta roser Ødegaard

    Arsenal-manager Mikel Arteta ga Martin Ødegaard ros da han ble spurt om nordmannens evne til å bruke eksempelets makt til å lede laget.

    – Jeg tror vi er iferd med å bygge en lederkultur i gruppen. Det er en veldig ung tropp med mange spillere under 23 år. Martin er landslagskaptein.

    – Marten har en evne til å utnytte talentet sitt, motta ballen der andre ikke ønsker den, men også gjennom holdningen sin, rytmen og måten han setter press på andre spillere, fortsetter Arteta på Arsenals pressekonferanse før ligacupkampen mot AFC Wimbledon onsdag.

    Han mener Ødegaard imponerer også i den defensive delen av spillet.

    Den norske stjernespilleren ble matchvinner med et lekkert frispark mot Burnley i helgen.

    Britain Soccer Premier League
    Foto: Anthony Devlin / AP
  • Messi mister kamp

    Paris Saint-Germain-stjernen Lionel Messi har fått en mindre skade i kneet og spiller ikke seriekampen mot Metz onsdag.

    Det opplyser den franske storklubben på sitt nettsted. Det er ikke oppgitt om Messi fikk smellen i søndagens kamp mot Lyon, der argentineren ble byttet ut etter 75 minutter.

    – Lionel Messi har tatt en MR-undersøkelse i morges, og den bekrefter tegnene på en bloduttredelse i kneet. En ny sjekk gjøres innen 48 timer, skriver klubben.

    France Soccer League One
    Foto: Francois Mori / AP
  • Historisk rugbydommer

    Sara Cox (31) blir lørdag historisk som den første kvinnelige dommeren i en herrekamp på toppnivå i engelsk rugby.

    Cox skal dømme kampen mellom Harlequins og Worcester Warriors i Twickenham sørvest i London.

    – Gratulerer så mye til Sara Cox. Hun blir den første kvinnen til å dømme en Premiership-kamp på lørdag, skriver Premiership Rugby.

    Cox har skrevet historie før. I 2016 ble hun verdens første kvinne med status som profesjonell rugbydommer. Og i 2020 var hun tidenes første kvinnelige assistentdommer i England i kampen mellom Bath og Wasps. (NTB).

Sendeplan

Kl. Program Kanal