Solskjær avviser Fernandes-misnøye

Ole Gunnar Solskjær avviser spekulasjonane om at Bruno Fernandes skal ha kome på kant med han og Manchester United.

– Det er mange på utsida som ønskjer å skape splid. Men dette er ei gruppe som ønskjer å jobbe hardt og halde saman, sa Solskjær i dag.

Fernandes avviste også rykta om splid på portugisisk tv onsdag.

På dagens pressekonferanse fekk Solskjær også spørsmål om Harry Maguire, som blei utvist i landskampen mot Danmark onsdag.

– Når du blir utvist i ein landskamp, blir det overskrifter. Det skal vi handtere, og Harry er sterk. Han vil slå tilbake, sa Solskjær.

– Paul Pogba er vår spelar og blir her i ti år til, var Solskjærs kommentar til rykta om at franskmannen ønskjer seg til Real Madrid.

United møter Newcastle borte i helga, og må slå tilbake etter 1-6 mot Tottenham i førre kamp.