Lionel Messi må stå over Argentinas første kamp i kvalifiseringa til VM 2022. Det er straffa etter at han blei utvist og kalla det søramerikanske fotballforbundet for korrupt under kampen om tredjeplassen i Copa America 6. juli. Han får også 1500 dollar i bot.
Gareth Bale var tilbake på Real Madrids lag og scora i 2-2-kampen i Washington i natt. Arsenal leia 2-0 ved pause. Reals Nacho og Arsenals Papastathopoulos blei utviste i første omgang, begge etter to gule kort.
Real vann straffekonkurransen 3-2, og der bomma Bale.
Ingen nordmenn tok seg vidare frå forsøka i VM i natt. Ingeborg Vassbakk Løyning blei nr 23 på 50 m bryst med 28,67, Niksa Stojkovski nr 35 på 100 m bryst, og Tomoe Hvas blei diska på 200 m medley.