NRK Meny
Normal

Sliten Carlsen viste gamle takter på opningsdagen av Norway Chess

Magnus Carlsen seier at han enno er eit godt stykke unna toppnivået. Likevel storspela han og vann lynsjakkturneringa i Norway Chess.

Magnus Carlsen storspilte og vant lynsjakkturneringen dagen før hovedturneringen i Norway Chess starter i Stavanger. Det var overraskende for verdensmesteren. Reporter: Arnfinn Fagerli, foto: Pål Berg Mortensen, redigering: Jorunn Hatling.

TILBAKE I RAMPELYSET: Magnus Carlsen vedgår at han har vore sliten etter VM sist haust. Men etter lynsjakk-turneringa i Stavanger kunne han likevel smile breitt

Med 7,5 av ni oppnåelege poeng var Carlsen ustoppeleg. Allereie før siste runde hadde han vunne turneringa.

Dermed har Magnus Carlsen fordelen av å kunne velje kven av konkurrentane han vil møte i første runde av hovudturneringa som tek til i morgon.

Carlsen opna med to remis. Men på dei sju siste kampane vann han seks – to av dei med svarte brikker – og fekk berre ein remis. Dermed enda han to poeng framfor Hikaru Nakamura og Levon Aronian.

– Eg spela fort og sjølvsikkert. Ikkje alltid like bra, men heldigvis var det meir enn nok, sa Carlsen til NRK etter lynsjakken.

Overraska

Det er ei stund sidan sist Carlsen vann ei turnering. Derfor var han overraska over at det gjekk så bra i dag.

– Ja, eg er overraska.Det er ei positiv oppleving å ta med. Men det hjelper ikkje å vinne lynsjakken dersom det ikkje går bra i langsjakken. Det er framleis mykje å jobbe med.

Carlsen meinte partiet mot Karjakin var hans beste i kveld.

– Det smakar ekstra godt å vinne mot han, sa Carlsen, som opnar mot verdstoar Wesley So når hovudturneringa tek til i morgon.

– Det blir ikkje nok fyrverkeri, men det skal bli ei morosam utfordring, seier Carlsen.

Sliten etter VM

Magnus Carlsen

IMPONERTE: Men Carlsen slo sterkt tilbake og var suveren i lynsjakkturneringa i Stavanger

Foto: Torstein Bøe / NTB scanpix

Det er eit svært sterk comeback av verdsmeisteren, som sjølv vedgår at han har vore både fysisk og mentalt sliten dei siste månadene.

Sidan VM-kampane mot Sergej Karjakin i november har ikkje nordmannen vore til å kjenne att ved sjakkbrettet, og han har ikkje vunne ei einaste turnering i 2017. Han vart utan titlar i VM i lynsjakk og hurtigsjakk i romjula.

– Det har teke han eit par-tre månader å kome ovanpå igjen, seier pappa Henrik Carlsen.

Men no er han tilbake i rampelyset og klar for Norway Chess.

– Eg var sliten både mentalt og fysisk, seier Carlsen til NRK, rett før turneringa i Stavanger starta med lynsjakk.

– Langt unna toppnivået

– Kor langt er du unna toppnivået ditt?

– Slik eg har spela i det siste, er eg nok ganske langt unna, sa Carlsen før lynsjakken starta.

Henrik Carlsen har merka at ikkje alt er som normalt.

– Vi ser at dersom han er fråverande når vi snakkar med han, veit vi at han tenkjer på sjakk. Eg veit at han har vore oppteken av sjakk i det siste. Så om han hadde to-tre månader etter VM der han tenkte mindre på sjakk, så er han iallfall fullt tilbake no, seier pappa Henrik.

– Eg kjem nok ikkje til å gå i hundre ut av startblokkene, det trur eg ikkje eg er i stand til akkurat no, seier Henrik Carlsen.

Turneringa i Stavanger starta med lynsjakk i kveld. I morgon er det klart for hovudturneringa mellom ti av dei fremste sjakkspelarane i verda.

Magnus Carlsen har følt seg utslitt etter VM-kampen i New York i november. Det er lenge siden verdensmesteren i sjakk har vunnet en turnering.

Siste nytt

  • Knudtzon til Molde

    Molde har hentet Erling Knudtzon fra Lillestrøm, det melder Molde på sine nettsider. Knudtzon har fått en treårskontrakt med de blåkledde fra Romsdal. Kontrakten gjelder fra 1. januar 2019.

    Ërling Knudtzon
    Foto: Rune Stoltz Bertinussen / NTB scanpix
  • KIL henter spiller fra Brasil

    Lucas Morais (21) har signert for 1.-divisjonsklubben Kongsvinger. Han har signert en avtale over tre og et halvt år.

    Morais blir den andre brasilianeren i stallen, fra før har de tidligere Aalesund-spiller Marlinho.

    Mark Dempsey og Espen Nystuen
    Foto: Ann-Kristin Mo / NRK
  • Maradona blir styreleder

    Diego Maradona er ansatt som ny styreleder i den hviterussiske fotballklubben Dinamo Brest.

    – Jeg har gode minner om Castro, Chavez og Gaddafi. Jeg kjenner også Putin. Nå vil jeg gjerne ta et bilde med Lukasjenko, sa Maradona med henvisning til Hviterusslands president da han ble presentert mandag kveld.

    Maradona
    Foto: Sergei Gapon / AFP

Sendeplan

Kl. Program Kanal
Morgensport og musikk
Sport og musikk
Sport og musikk
Tour de France: 10. etappe
Tour de France: 10. etappe
Sport i dag